ငါလှည့်စားခဲ့တဲ့ဇာတ်လိုက်ပြန်မွေးဖွားလာပြီဟ || ဘာသာပြန် [ Book-2 ]

[၂၈၃] ဟွေ့ရှောက်ရယ်။

Arc(12) ဟွေ့ရှောက်ရယ်(၉)။

လင်ခုံးလုမှာလင်းနို့လေး၏တင်ပြချက်ကိုကြားလိုက်ရပြီးနောက် ရှန်စစ်ကဒီလောက်လေးလေးနက်နက်လုပ်နေတာမမမို့ နှစ်သက်မှုနှုန်းရလိုရငြားသူသာပူးပေါင်းမဆောင်ရွက်ရင်မသင့်တော်ဘူးဟုခံစားလိုက်ရသည်။

ဒီတော့ထိုညအမြန်ကားနှင့်အော်ဒါလိုက်ပို့ပြီးနောက်မှာသူအိုင်ဗန်ကိုဆက်သွယ်ပြီးလိမ်းဆေးကူဝယ်ခိုင်းလိုက်သည်။

"တအားစျေးကြီးစရာမလိုဘူး။ ၉.၉ယွမ်လောက်ပဲ။"
သူသတိပေးလိုက်သည်။

"ဟုတ်ကဲ့လူကြီးမင်း၊ ကျွန်တော်မစ်ရှင်ကိုပြီးအောင်လုပ်မယ်လို့ကတိပေးပါတယ်။" အိုင်ဗန်ချက်ချင်းလင်းနို့အသွင်ပြောင်းကာပျံထွက်သွားလိုက်သည်။

တစ်အောင့်ကြာတော့သူလိမ်းဆေးဝယ်ကာရောက်လာပြီးစိတ်အားထက်သန်စွာမေးလာသည်။
"လူကြီးမင်းဘာဝယ်ဖို့လိုသေးလဲဗျ?"

လင်ခုံးလုမှာ"မရှိဘူး"ဟုပြောဖို့ပြင်လိုက်ပေမဲ့သူ၏နံပါတ်တစ်ငယ်သားဖြစ်ရန်ဆုံးဖြတ်ထားသည့်အိုင်ဗန်ကအကြုံပြုလာသည်။
"လူကြီးမင်းအခုချမ်းသာနေပြီကို ဘာလို့အဝတ်အစားနည်းနည်းပါးပါးမဝယ်တာလဲ။ လူကြီးမင်းမှာရှိတာတွေကဒီရာသီမှာခေတ်စားတာမဟုတ်တော့ဘူးလေ။"

လင်ခုံးလုတွေးကြည့်မိတော့တကယ်ဝယ်ဖို့လိုသည်ဟုခံစားလိုက်ရသည်။

ဒါပေါ့၊ သူခေတ်စားတဲ့စတိုင်အသစ်ပြောင်းချင်တာမဟုတ်ပေမဲ့...

မကြာခဏအပြင်ထွက်ပြီးအပျော်အပါးလိုက်စားတတ်တဲ့ရက်စက်တဲ့မေမေလေးဇာတ်ကောင်ကိုကစားဖို့အတွက် သူ့မှာအဝတ်ဆိုလို့စကပ်များသာရှိတာသိပ်မကောင်းပေ။

အခုဆိုသူဒီပုံရိပ်ကိုကစားဖို့မလိုတော့ဘူးဆိုတော့ဘာလို့ဒါတွေကိုဝတ်ဖို့လိုအုံးမှာလဲနော်?

သူ့မှာပိုက်ဆံမရှိတုန်းကဘာမှမဖြစ်ပေမဲ့အခုဆိုပိုက်ဆံရှိလာပြီမို့အဝတ်အစားဝယ်ဖို့အချိန်ရောက်ပြီပင်။

ဒီတော့သူခေါင်းအသာငြိမ့်လိုက်သည်။

အနာဂတ်နံပါတ်တစ်ငယ်သားလေးအိုင်ဗန်မှာဒါကိုမြင်တော့ချက်ချင်းပြောလာသည်။
"လူကြီးမင်းကျွန်တော်လူသားအဝတ်ဘရန်းအကြောင်းအများကြီးသိတယ်။ ကျွန်တော်လူကြီးမင်းကိုအသားကောင်းပြီးကုန်ကျစရိတ်သက်သာတဲ့အဝတ်တွေကိုဝယ်ဖို့ခေါ်သွားပေးမယ်။"
ထိုသို့ပြောပြီးနောက်သူလင်းနို့မှလူသားအသွင်ပြောင်းကာတက်ကြွစွာဖြင့်လမ်းပြလိုက်သည်။