بسم الله الرحمان الرحيم
ورده :- ورده بائسة للغاية يا أمي
باوعت على روحي بالمرأية ، ملطخه وجهي تؤم شيرلي ، وأكل كرافت ، وكرفس ، وصمون بايت
ورده : ايا بنت الكلب يادنية البربـ'وك ، جايبه بس الها صمون ، حسبي الله ربي مو حرام ، اني مو طفله مظلومة ياعلي ، تلكاها يم البرا"بيك مالتها تسولف .. يا بؤسس أبعد عني بحگ الزهرة وخر وخر ابن النعال
اندك الباب واني ما بيه حيل اكوم وغاصه بالكمه ، شربت مي وباوعت على الباب :- انهرجت على ابيك ، منوووو !
دنية : ورده افتحي الباب الشمس كتلتني
ورده : جاي ازقنب ماكدر اكوم
دنية : خاب افتحي الخـ'ره بعينج
ورده : جيبيلي صمون وافتح الباب
هيه ضلت تمسلت تالي راحت واجت :- ورده فتحي الباب جبتلج زقوم ، من عسئ زقنبوت بطنچ
كمت واني مترهيه :- من البداية وجيبي شهرتينه فضحتينه كدام الاوادم
فتحت الباب وجريت منها الصمون ، وهيه شهكت
- شبيج شايفه عفريت
دنية : هاي شنو شمسويه بروحج ، شحاطه على وجهج ، تريديلج واحد
كضيت الصمونه وعتيتها بسنوني :- مادري اخوي شنو شاف بيج ، وحده دايحه ، وشرنفص بعد
دنية : شوفيني شحلاتني اخبل ، هوا اخوج كتل روحه عليّ
ورده : تردين زيچ العماره لو زيچ الناصرية ، ما يغلن عليج ثنينهن من هل عيون
دنية : اووع تحجي وتاكل
ورده : غير مّوتتني من الجوع ، ضاله تعلفين انتِ واهلج براس اخوي
هيه طبت للمطبخ واني طبيت وكعدت :- يجي اخوج ويتصرف وياج
مارديت عليها جوعانه ، خلصت أكل وسبحت وكعدت بغرفتي ، وهيه تتشكه لامها خطيه مّوتينها من الجوع
دنية : هاج هاذ عصير برتقال أشربي
ورده : هوا ما فالحه بس تعصرين بهل برتقال ، بطني صارت اسهال منه ، وخري مني خلي انام
هيه خلته يمي وطلعت ، كمت وراها قفلت الباب شفتها راحت ، رجعت فرغت الكلاص بـبطل فارغ وسويت روحي نايمه
دنية : نامي أن شاء الله نومت اهل الگبور
سمعت صوت رجليها بس تدبچ ، حسيتها تريد تتأكد اني نايمة ضليت مغمضه ، شويه وسمعت خطواتها تمشي صدك ، ضليت على هل حاله لحد ما اندك الباب واشيل المبايل ، واركض لشباك المطبخ
واشوفها تتباوس ويه سجودي :- ايا بربـ'وك
صورتها ورجعت لغرفتي على كيف ، سجاد :- هاي نومتيها؟
