sa bawat isang hello na iyong sinasambit
sa bawat araw na lagi tayong magkausap
sa bawat pag-iibigan natin pinagsasaluhan
Sa bawat gabi na puno nang pagmamahalan
sa bawat minutong hawak ko ang ‘yong kamay
sa bawat pungay ng nangungusap mong mga mata
sa bawat hangin na dumadampi sa ating mga pisngi
Dalawang kaluluwang ligaw, isang pagmamahalan
libong milya man ang namamagitan sa isa’t isa
ilang bagyo, lindol, trahedya man ang humadlang
walang pipigil sa kanilang romantikong pagtitinginan
Wag mangamba sa layo ng kanilang distansya
tiwala’t pagmamahalan sadyang sila’y pinagtibay
kung ang tadhana ma’y magbiro at subukin sila
ang dalawa’y magiging isa’t mas lalong titibay
Sa bawat araw na lilipas sa mundong ibabaw
sa baway awit ng ibong kay laying lumilipad
may pag-ibig na wagas, totoo’t malakas
na handang humarap sa hamon ng bukas
