"بعدك يجرحني وقربك يشفي لي جروحي"

[الجزء السادس عشر]

--------
•بـيـت هِـمـام :
جلس الرعد وهو يبتسم ويشوف المرجيه جاهزه نفس يلي خطط له،اقترب باسم وبيده كوبين:خذ جبت لك شاهي يحبه قلبك
اخذه الرعد بأبتسامه:مين مسويه؟
باسم:مادريت بس ذوق،يمكن يعجبك!
شرب منه الرعد وهو منصدم من لذته يلي قدر يتفوق على شاهي العم هاشم،توسعت عيونه وهو يرجع يرتشف منه:تكفى أسال من مسوي من خالاتي اقسم بالله عجبني
ابتسم باسم وهو يجلس بجانبه:اييييه ماتقول لي جالس برا من العصر الين غابت الشمس عشان مرجيحه؟
الرعد وهو يناظر المرجيحه:جهزتها لـ جودي تلعب فيها
اخذ باسم حجر وهو يرميه بخفه بالارض:ماهو بس جودي بتلعب فيه مو كل بنات العايله يحبونها، خصوصا بنات خالتي ميعاد
ضحك الرعد وهو يتذكر طفولته مع وتر يلي كل ماحاول ينساها مايقدر،ضحك بخفه :ايه ولله اذكر ولانسيت ومحدٍ يقدر ينسى
جلس باسم وهو يناظر الرعد ويغمز:اشوفك تضحك هاااه !
التفت الرعد له وهو يبتسم:وش محرم علي اضحك ، وحلال عليك؟
باسم:هو حلال،بس قول لي ليه ضحكت أول ماجبت الطاري
الرعد شرب من كوبه وهو يتركه على الارض:تذكرت لما كنت انا وهي نركب الحبل ونلعب الين تغيب الشمس ،ودايم كنت انا العبها ومره هي قررت تخليني مكانها وطحت ،البنت صنمت تناظرني وبعد يمكن دقايق استوعبت وراحت وهي تبكي وجابت البيت كامل ،واصلا ماجاني غير كدمات خفيفه،وقعدت تسألني اذا يوجعني ولا لا وتتأسف الين ردينا الديره ومعد سألتني
ضحك باسم بـ مزح:حب من أول طيحه
قام الرعد وهو يضربه :ماودك تسكت وش هالخرابيط ،ترانا اخوان
باسم وهو يغمز:اخوان، تقول ها اخوان؟
الرعد ضربه وهو يمثل الحده ويمسك ضحكته:أسكتتت
باسم كان فاهم الرعد وماتوقف عن الضحك الين انفجر الرعد وهو يضحك ،واكمل بهدوء:تراها مثل اختي لاتفهم غلط
باسم وهو يمسح يده من ضربه الرعد بـ مزح:اييي،فهمت فهمت خلاص زين عشان انا اخذها ولله يمدحونهاااا
التفت الرعد :أستح على وجهك،بعدين انت اصغر منها بكم من سنه من وين بتاخذك؟
باسم وهو يعدل شعره وهو يكمل مزحه:ووش فيها؟ ،اصغر منها واحلى منك بعد وش تبي فيها أنت روح شف حياتك و..
قاطعهم هتان يلي تقدم وهو يعدل شماغه:أشوفكم تضحكون
تعدل باسم :ياويلك تنطق
جلس هتان وهو يترك كوبه على حجر بجانبهم:وش يلي ياويله ينطق ؟!
الرعد :ولاشي
هتان:افاااا،تخبي علي وانا اخوك؟
الرعد ضحك وهو يناظر باسم بخبث:الخويي يبييي...
مسكه باسم وهو يلتفت لـ هتان ويبتسم بخوف:ماابي شي طال عمرك
ضحك هتان وهو يرتشف من كوبه:ولله الحمدلله عندي اخت تدلعني بشاهي
باسم شهق:من منهم ؟
التفت هتان بأستغراب :وتر!
التفت باسم وهو يغمز لـ الرعد:تراه مدح شاهيها قبل شوي
هتان ببرود :طيب والمطلوب؟
جلس باسم بجانب هتان وهو يبتعد عن الرعد :اسمع في خاطري كلام من سنين
نزل هتان كوبه وهو ينصت لكلام باسم:سمّ؟
تراجع باسم بخوف:خلاص ،خلاص
هتان مسك باسم وهو يناظر الرعد:بأخذه شوي خلك عندك شوي وراجعين
التفت الرعد بهدوء وهو يناظرهم اكتفى بهز راسه بمعنى طيب وجلس وهو يناظر نور القمر وهو بداخله فضول يبي يعرف ليه كل ماأحد ذكره بطفولته مع وتر يتعدل مزاجه:وش معنى هالبنت يلي طاريها يعدل مزاجي! واكمل يناظر لنور القمر وهو يتذكر طفولته معها وأبتسامته ماغابت عن مبسمه..
في الطرف الثاني عند هتان وباسم في الموقف،هتان:وش حابس بخاطرك طلعه
باسم بخوف وهو يتراجع لكن قرر يطلع الكلمه مره وحده:ماتحس ان الرعد يحب اختك؟
شد هتان قبضته بغضب وهو يناظره باسم بغضب ،اما باسم ارتبك من شاف عيون هتان وهو يشد قبضته لاجل مايكفر بـ باسم:ياهتان اهدى ترا ماني بقاصد واسف وفكر ان الكلام يلي قلته ماقلته
استوقفه هتان بحده وهو يأشر بسبابته بغضب:لاتجيب طاري اخواتي على لسانك فاهمم؟واختي ان كان يبيها الرعد والنعم فيه ويدل باب ابوي وانا اخوها موجود لكن انك تجي وتقول كلام مانك بقده لاتقوله.باسم تضايق من كلام هتان معه:شف ياهتان ترا ماكان قصدي وانت تعرف،ولكن انا قلت لك يلي لاحظته
هتان زفر انفاسه ورجع يناظره:خلاص معذور وحصل خير بس لاتعيدها وامش معي قبل يشك الرعد
باسم هز راسه وهم يرجعون عند الرعد ويكملون سوالفهم..
----------------
• الـبـر :
توقف الوليد مكانه وهو مرات يشوف الشخص قريب ومرات بعيد،تراجع وهو يسحب عز:تشوفه؟
بدا عز يدوره بعيونه الين لقاه فز بخوف وهو يسحب شماغه ،بدا الجد يشك ان كلام الوليد صحيح وقف يشوف الا وتقاطعه صوت الرقص والضحكات،اما عز والوليد ماتحملوا وسحبوا الجد وركبوا،بعد ماأبتعدوا عن المكان استوقفهم الجد بغضب:وراك انت وياه تراكضون كأنكم نملٍ
الوليد وهو يناظر الطريق:جلستنا يابو ماجد بمكان ماهو بـ لنا
فز الجد بغضب:ارجع ،ارجع للنياق
التفت عز:ياجد خلنا نمشي الحين والجن وش تبي بالنياق !
التفت الوليد:ياجد خلك هادي وترا حتى احنا تركنا اغراض لنا هناك
فز الجد بغضب:قسم بالله لو ماتردوني لنياقي لأكسركم هنا
زفر الوليد انفاسه وهو يرجع بخوف من مصيرهم،اما عز كان مستعد لأي حدث ممكن يصير..
----------------
• بـيـت الـجـد ســعــود :
كانو كل بنات العايله مجتمعين في بيت الجد ومعاهم الجده منيره يلي جلست تحكي لهم قصص صارت لها،في وسط ضحكاتهم حست غاية بضيقه مفاجئه ،حاولت تاخذ نفس لكن حست ان الجلسه كاتمتها اكثر
طلعت للحوش وسط الهوا البارد وهي تحاول تاخذ نفس ،دخلت تبي جوالها لكن انتبهت لها شام يلي تبادلها نفس الضيقه:يمه وش فيك؟
غاية:جيبي لي مويه
فزت شام بسرعه وهي تجيب كوب لأمها ردت لها وهي تناظرها:يمه عز فيه شي؟
غاية:مدري ،مدري ،جيبي جوالي
شام:طيب
دخلت شام واخذت غاية الجوال وهي تنتظر رد لكن عز ماكان يرد وترجع تتصل ومافي اي رد ازداد خوفها وهي تناظر حولها بخوف جلست وهي تنهار تكرر:ياربي لاتختبر صبري في ولدي مالنا غيره يارب ،يارب رجعه لي بالسلامه
طلعت شام وهي تركض للمجلس بحيث ماكان فيه غير خوالها سيف وجبر ،دخلت ودمعوها بعيونها ،التفتوا لها بصدمه فز جبر ومعاه سيف بـ خوف:امك فيها شي؟
جبر ناظرها بخوف الين انهارت وهي يلي صدقت ان عز فيه شي من بعد احساس امها: عز مايرد على اتصالاتنا وغابت الشمس وهو للحين مارجع وقال لنا انه راجع قبل الصلاه
بدا الخوف ينتشر بقلب جبر :لاإله إلا الله ،امشي معي وين امك؟
شام بصوت مهزوز وهي تحاول ماتبكي:بالحوش
طلعوا سيف وجبر اما شام جلست بالمجلس وهي تفكر بكل شيء سيء ممكن يصير،اما سيف وجبر راحو لـ غايه اقترب سيف بهدوء:ياغايه تعوذي من الشيطان وادعي ان مافيه شي وانا الحين بأطلع ادور له،خليك هنا عشان اذا رجع تتصلين
التفتوا بيمشون لكن استوقفتهم غايه:الوليد وأبوي معهم
انصدم سيف لما ادرك ان اغلى اثنين على قلبه مع عز واحساس الام مايخيب،التفت بصدمه مليانه خوف:الوليد وأبوي معه؟
غايه وهي تمسح دموعها:ايه ايه جيبوهم
سحب جبر شماغه بغضب وهو يرميه: وش مطلعهم الحين؟ ،طيب تعرفون وينهم بالسوق بالبر ببيت الرعد؟
غايه وهي تمسح دموعها :راحوا البر
توسعت عيون جبر بخوف ،بصوت مستعجل :اقول امش ،امش
طلعوا وهم يركضون وتركوا غايه بخوفها ،اما في الجلسه كانت تبارك تحس بشعور وكأنه يقول لها ان ولدها فيه شي لكنها كانت تتعوذ من الشيطان وتجلس بضيقتها عشان ماتبين لأحد الين انتبهت لها امال  بـ همس :يمه فيك شي؟
ابتسم تبارك لاجل تخفي ضيقته:لاياعيوني خليك هنا واذا رجع الوليد قولي لي انا بأطلع الحوش
ابتسم امال لأمها بعد ماأقتنعت ان كل شي بخير ..
----------------
•الـبـر :
توقف الوليد بمكان الخيمه وهم يشوفنها متساويه مع الارض ،نزل الجد وهو يركض لنياقه يلي تركض بنفس المكان وتضرب بنفسها بكل مكان
اما عز اقترب من الخيمه وهو يحس انه فيها حركه غريبه رغم انها متساوية مع الارض ،توقف عز فوق السياره وهو يأذن بصوت عالي ،وكانت الصدمه لما الخيمه صارت تنتفض من نفسها والنياق صارت تتحرك بشكل غريب وقوي ،ركض الوليد وهو يمسك جده ويسحبه ،ابتعد الجد وأول ما أبتعد وخرجت كل النياق بدون محد يفتح لها وكأنها مرت من الحديد وتخطته،كان الوليد مذهول من يلي شافه وكأن كل شي حوله للـ ج.ن ،اخذ جده يلي كان خايف من مشهد نياقه بعد ماشافها تطلع من الحديد ادرك ان فعلا النياق ماهي بنياقه ويمكن ماتكون نياق!،اما عز كل مارفع صوته كان يحس بأشخاص يسحبونه للخلف لكن كان يرفع صوته اكثر ومتماسك مكانه،بدا هوا قوي يوصل الغبار لعيونه لكنه قفل عيونه وأكمل وهو يكرر،اما الوليد كان شايف كل شي بخوف وذهول ،الين انتبه لشخص ورا السياره يبتسم لهم أبتسامه غريبه وكأنه ناوي على شي،انتبه الوليد للنار يلي بدات تشتعل تحت السياره ،ترك الجد وهو يطلع يسحب العز ويقطع صوته ويسحبه ويرميه على الرمل،توقف الجد يلي كان يشوف اشخاص جايين وكأنهم قبيله كامله ،وقف الوليد بخوف وهو ياخذ جده وعز وبصوت عالي:أذنوااا
بدوا بالاذان وعيونهم مقفله وهم جاهلين كل شي صاير حولهم ،بدا يحس الوليد ان في احد يحاول يقطع صوته ويسحبه لكنه كان يقاوم ،بينما الجد كان واثق من قدره ربي ،الين قاطعتهم صرخه عز يلي فتحت عيونه عليه وثوبه يولع نار حمرا ،سحبه الجد وهو يحاول يبعد الثوب بينما الوليد كان يرميه بالرمل ،توقف الجد وهو يبتسم لهم بصمت ،اما الوليد وقف وهو يكمل يرمي الرمل،اختفت النار لكن عز لازال يتألم،توقفت الاصوات والهوا الغريب جلس الوليد بتعب وهو يشوف كتف ثوبه اليمين محروق مع كتفه ،ضل يحارب الالم وهو ياخذ عز ،سحبه وهو يساعده يقوم الين انتبه للجد يلي ضل جالس مكانه ،اقترب الوليد بخوف:ياجد!

رفع الجد عيونه للوليد بنظرات غريبه وبدا يأشر بسبابته على الخيمه،اما الوليد مافهم عليه:ياجد وش تقصد؟،قوم خلنا نمشييي
ناظره الجد بطرف عين وهو يبتسم ،اما عز رغم الألم نزل وهو يشوف نظرات الجد الغريبه مع الوليد يلي مافهم شي والخوف بدا يعتليه ،تذكر عز الخيمه وليه الجد يأشر لها بصمت ،بدا يسحب الخيمه وهو يشوف العكاز على الطرف وشماغ جده عليه،رجع يشوف الجد وانتبه ان الشماغ غير ،اما الوليد ضل يناظر بالجد بخوف:ياجد وش تقصد؟ انطق علامكك فيك شيي؟
الجد وهو مبتسم ابتسامه غريبه بحيث كانت ابتسامه كبيره وعيونه أوسع من المعتاد:جدك بالخيمه
فز الوليد من صوت الجد يلي خوفه أكثر من ابتسامه وعيونه ،تعالت اصوات ضحك الرجل الغريب الين رجع لونه أسود ،وبصوت مخيف:لاترجعون
تراجع الوليد وهو يشوف عز وهو يسحب الجد ويتألم ،ركض لهم وهو يسحب الجد ويمشون فيه وسط البر تحت انظار الرجل الغريب ( ج.ن)
أبتعدوا عن الخيمه وهم يحاولون يقومون الجد،جلس عز وهو يتألم ،سحب ثوبه وبدا يقطعه من جهه رجله ، اما الوليد كان يتجاهل الالم وللحين مانسى منظر الغريب وصوته يلي يتردد بباله:عز!
التفت عز وهو يحاول يقوم جده:وش؟
الوليد بخوف:جدي هو يلي أذن معنا؟
ناظر عز بالجد قادمه بخوف:منهو ذا أجل؟
اقترب الوليد وهو يكرر أيات الرقيه الشرعيه قرب اذان الجد ،ويسمي عليه،توقف :هذا هو جد نفسه
عز:متأكد؟
الوليد: ياعز لما أذنا سوا صوت جدي اختفى ورجع ،يعني هذا هو جدي
عز بخوف: يالوليد اول ماوصلنا كان في حركه بالخيمه ،وش يثبت لنا ان هذا جدي!
التفت الوليد وهو يرفعه ويتألم من حروق كتفه ،ناظر بعز بألم:ساعدني نرفعه ونروح فيه للشارع عسانا نلاقي احد يطلعنا
وقف عز بتعب وهو يحاول يرفع نفسه و...
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذا الجزء عشان لأنه مايهون علي أحرقكم واخليكم كذا،بس اعطوني أفكاركم عن مصير حب وتر لـ الرعد، ووش نهايه مغامره الجد واحفاده بالبر وسط اراضي الـ ج.ن....
أنستا:rwa.rof5
تيك:rwa.rof5
تعالوا الانستا حأنزل تسريب للأحداث الجاية🔥