خُذْلَان

9ظُلم

9..

" يحق للناس كل شي ويحرم علي كل شي..لماذا يحق لهم ظلمي ؟"

ـ كذِب...

ــــــــــــــــــــــــــــــــــــــــ

زياد..

نهضت من السرير وانا مكره ، اليوم الاحد اول يوم في الاسبوع واثقل يوم دراسي من ايام الاسبوع..
ليش يااحد انت ثقيل ليش ماتكون مثل يوم الخميس اخف من الريشه على قلبي ..

تنهدت بتعب وانا اقفل باب بيتي وشديت شنطتي على كتفي ومشيت للمدرسه..

دخلت للساحه وانا واضع يدي على جيبي وكنت امشي بلامبالاه.. وكنت غافل عن الي بيصيرلي اليوم..

تنهدت كعادتي بتعب وانا ارفع راسي بس وقفت لحظه..وانا الاحظ نظرات الطلاب لي وهمساتهم وش صار ليش ينظرونلي كذا..اعني هم كل يوم ينظرونلي كذا بس اليوم مختلفه وش فيهم..؟!

تجاهلتهم وانا اوطي راسي ومريت من بينهم رايح لصفي..

دخلت الصف ووقفت عند الباب بصدمه وانا اشوف ياسر واقف عند السبوره ويكلم الصف بنظره ونبره جاده ومن شافني سكت ووجهه نظراته لي الي تغيرت وصارت اكثر ليونه ورسم شبه ابتسامه..
توجه لي ومسك يدي وسحبني له وسط تفاجئي وش فيه..و شلتني الصدمه اول ماسمعته يقول

" اسمعوني زين ومابكرر كلامي الي قاعد اكرره من الصباح..وخلوه حلقه في اذانكم..زياددد من اليووم صديقي تفهمون واي احد يضايقه لايلوم الا نفسه مفهموووم"

هزوا روسهم باذعان ونطقوا مع بعض

" مفهوم "

شفت عرق النذاله فيه نط..وشفته يخفي ابتسامته وهو يقول وهو يوضع يده عند اذنه

" مااسمع "
وهم مثل البغباء رجعوا الكلام

" مفهوم "

شفته وهو يكتم ضحكته ثم نظر لي بابتسامه رضى وكانه يقولي وش رايك بالي سويته..مثل وجهك يحم*ار..

حركت راسي بنفي وتنهدت بتعب للمره العاشره وتجاهلته وانا امشي لكرسيي..
وهو تبعني وهو يجلس جنبي ويقول بهمس

" يالله زياد لاتكسحني قدامهم سو نفسك انك وافقت تكون صديقي "

عدلت جلستي وفي يدي كتاب بديت اقراه وتجاهلته تماما..

فتحت عيوني ورفعتها له بدهشه لما حاوط يده حول رقبتي وكنت بوخرها بس وقفت اول ماقال بهمس

" وربك ذي المره بس عشان يصدقوني "

رديت بهمس

" وليش بغيتهم يصدقون كذبوك هم؟ "

رد علي وجلطني

" لا بس واضح من وجوههم انهم ماصدقوني لما قلت انك وافقت تكون صديق...قاطعته وانا افز بغضب بسس هو ثبت يده حول رقبتي وصار يبتسم للصف ببلاهه..