لم أكن طفله

البارت الـ 1

بسم الله الرحمن الرحيم ونبدي "

نايمه بنص الحر واتگلب وخايفه من القصف الي علينه من اول ما ولدت اني اخاف من هالاصوات لحد ما تعودت عليهن صار عمري 15 واني كارها عيشتي الي من اني وطفله تعذبت وكوه عشت امي ماتت وابويه مات ضليت يم اخويه وزوجته وهو وهي صارو كل اهلي بس بعد حرب الدواعش علينه هواي تأذينه وعشت برعب

_ ريتا ريتا كعدي حبيبي
_ عوفيني مرة اخويه حبابه
_ حبيبي ام عيون الزرق اميرتنا كعدي يروح امج
طفرت حضنتها وابوس بيها ماكو مرة اخ مثلها ضليت ابوس بيها واجا اخويه
_ها ها ترا ما اقبل
رحت بسته وكعدت اكل وياهم شويه وما حسينه اله الباب نخلع من مكانه دخلو علينه 10 دواعش ملثمين اول مدخلو رمو اخويه 5 طلقات كمنه نعيط اني وزوجته اجا واحد منهم لزمني

_ اوف جميله حيل جميله اشبع بيج اليوم
ضليت ابجي واعيط سد حلكي واجا واحد حط السجينه على ركبة مرة اخويه والي سمعته اخر شي منها: ريتا لا تستسلمين لا تخليهم ياخذون شرفج الي اخوج حارب علموده طول عمره

وانقطع راسها حسيت الدنيا افترت بيه ووكعت ماتحمل اشوف دم بعد ماحسيت بشي غير واني كاعده بغرفه جبيره حيل وبيها بس جربايه وبدون مخده ولا غطه فتحت عيوني باوعت لكيت واحد حيل حيل ضخم مغطي وجها ولابس لبس عسكري تقرب مني وسد حلكي

_ اقسم بالله وحك الگفل زينب تتحركين افرغ المسدس براسج بنت الكلب

ضليت ارجف وهو صافن بعيوني لحد لمن ندك الباب
_سيدي الواء عزيز برا يريدك
_جاي

وخر عني وكلبش اديه ورجليه وطلع ضليت صافنه وين اني الدواعش مو اخذوني ليش اني هسه وين ليش يم ذوله ياربيييي اريد اهلي تقريبا ساعه واني صافنه شويه وانفتح الباب دخل رجال غير الي شفته قصير ولابس لبس عسكري دخل وره الرجال الي شفته وسد حلكي
_ لك شمسوي بالبنيه الله لا يرضى عليك افتح
_ سيدي والله وياهم هاي
_ لك تاشوفها ترجف فكهاااا
اجا يمي فتح اديه ورجليه كمت بساع ولميت نفسي وضليت ابجي اجا الرجال الكبير
_ بنيتي سمعيني ممكن احقق وياج بشجم شغله؟
_ اريد اهلي حبابين اهلي اريدهم قتلو اخويه وزوجته اريدهممم حبابين جيبوهممم
_ اشتر جيب مي بساع
_حاضر سيدي
راح جاب مي فتحه وانطاني شربته كوله ونكب (نجفه) على ملابسي ضليت اشهك حيل
_ اسم الله عليج بنتي اهدي وصلي على محمد احنا يمج
_ عمو هذا يكولي افرغ المسدس براسج حباب لتخليني يمه
_منو؟
_هذا الي كوتله يجيب مي الي
_ادللي بس لتعبي وكولي كلشي عندج تمام!
_تمام
كمت وي الزلمه الكبير حيل طيب وحباب اخذني لغرفه بيها طبله وكراسي اثنين كعدت على الكرسي وهو طلع ضليت صافنه ادور براسي وابجي شويه ودخل الي اسمه اشتر تقرب مني كعد على الكرسي
_ اسمج وعمرج
_ ريتا 15
_ ريتا حجيلي شنهو الي خلاج تصيرين وي داعش؟
_ وحق الله وروح بابا وروح اهلي مو وياهم
كام تقرب مني وجر شعري وضربني راشدي حيل وكعت بالارض وكمت ابجي نزل لزم شعري ورفعني اله ورجع ضربني راشدي
_ عمو والله ممسويه والله الله يموتني لو وياهم
_ اشش بنت الحيوان اخوج كاتل من الجنود مالتنه 10 ومنهم صاحبي الي قندرته تسوه راسج
_ والله اخويه بريئ والله عمو مات
_ اخته يمي مو مشكله كلشي يطيح براسج
جر شعري ورجع كومني كعدت على الكرسي وحلكي وخشمي ينزفون
_ شوفي هاي السوالف كلهن شايفهن احجيلي بساع احسنلج مالي خلكج
_ انته ماكو متفرق عن الدواعش واحد حقير وسافل وتف عليك وعليهم لان خلوك ضابط يا حقير الله ياخذك زين شواربك تمد ايدك على وحده بكد بناتك