قَدَر

part 10 : ملوخيه يا عبدالرحمن

العاشر
ثم يعوضك الله بشئ جميل لم تكن تتخيله>>>
               _____________________
في صباح اليوم التالي
استيقظت فريده من نومها واتجهت صوب صنبور الماء لتتوضئ ثم ارتدت ملابسها الخاصه بالصلاة وجلست تناجي خالقها وتسأله العفو والكرم وراحة البال وحفظ أهلها لها بسلام
ثم أمسكت هاتفها لتجد رساله مرسله بواسطه آدم على تطبيق واتساب: صباح الفل والياسمين يا ست البنات
ردت عليه: فل وياسمين إيه يا ملزق صباح الخير
ثم شرعت في ارتداء ملابسها للنزول لحضور درسها
خرجت من الغرفه: صباح الخير يا حنون
- صباح النور يا ست البنات
- الله هو إيه حكايتكوا يا ناس
- حكاية إيه يا بت
- أصل آدم قالي كده برضو
تحدثت حنان بجديه: أنا عايزه أتكلم معاكِ قبل متنزلي لوحدنا محدش شاهد على كلامنا غير ربنا
- استر يا رب فيه إيه يا حجه
- مش عايزه آدم يعطلك عن دراستك يا فريده
ردت فريده بجديه: بصي يا ماما علشان تبقي في الصوره حوار الخطوبه ده مش داخل دماغي بقرش آدم زي ما يكون أخويا مش أكتر لحد مايكون فيه بيننا حاجه رسمي قدام الكل وده طبعا مش دلوقتي إن شاء الله بعد مدخل كليتي وابقى آنسه حلوه كبيره كده
ثم طبعت قبله على خدها ورحلت
______________
نزلت فريده لدرسها ووجدت روزان صديقتها المقربة تنتظرها لأنهم اعتادوا على الذهاب معاً في كل مكان
- صباح الخير يا روزا
- صباح الخير يا قلبي
- بت يا روزان اسكتي مشوفتيش بقا اللي حصل امبارح
- لأ مشوفتش أموت أنا يلا اتكلمي
شرعت في قص عليها ما حدث وآخرهم رسالة آدم لها
غمزت لها روزان بطرف عينها: ايوا بقا يا ديدا يا جامده طب مفيش حاجه كده لأختك الغلبانه
- اتنيلي يبنتي آدم ده أخويا
- سبحانه علشان كده قريتو فاتحه فريده بصي في عيني كده
أنتِ هتحبيه الواد ده وإن شاء الله تشوفيلي حاجه تبعه في السكه
بس بنت عمتك الحربايه دي مش هترتاح إلا لما امسكها ارنها العلقه التمام
ضحكت فريده: ربنا يكفينا شرها هي معانا دلوقتي في الدرس صحيح حاولي متحتكيش بيها
_____________________
وصلا لقاعة السنتر المخصص للدروس
قبل دخول منه للقاعه فتحت هاتفها ورنت على الرقم الذي هاتفها بالأمس
- ألو
- إيه يا ست منه تقلانه عليا ليه مبلاش الشغل ده علشان أنتِ عارفه أنا ممكن أعمل إيه
تحدثت منه بتوتر وحاولت تماسك دموعها : مفيش والله  بس ماما كانت جمبي معرفتش اتكلم ولا أرد
- ومالو يستي هاجي على نفسي علشان أنا غلبان
أنتِ فين دلوقتي
- وصفت له المكان
- طب اعملي حسابك هجيلك بعد الدرس عايز أقولك حاجه
- لأ لأ لأ مينفعش يا هادي فريده بنت خالي معايا هنا في الدرس ولو لاحظت هتعملي مشكله كبيره أوي
- منه أنا قولت كلمه وكلامي أوامر يا منه افهمي ده قولت هاجي يعني هاجي ولو حاولتي تمشي يا منه هجيلك البيت المره دي على الأقل أعرف أخواتك الحقيقه ويشوفوا اختهم المحترمه على حقيقتها
بكت منه بشده : لأ خلاص هستناك مش همشي
ثم أغلق الهاتف في وجهها
دلفت للقاعه
- بس بس بت يا فريده
- إيه يا روز
- الحربوقه جت أهي
- يستي ملناش دعوه بحد علشان نفلح في أم السنه اللي مش معديه دي
نظرت لها منه نظرات كارهه لكن لاحظت فريده دموعها ووجهها الباكي
- روزان هي منه معيطه
- اه يبت دي شكلها معيط جامد كمان
فريده تعالي هنا أنتِ رايحه فين
- دي مهما كان بنت عمتي لازم اشوف مالها على الأقل أعرفها إن وشها باين عليه العياط والعيال كده هياخدوا بالهم
توجهت فريده وروزان نحو منه
- إزيك يا منه
- نعم يا فريده
- أنتِ تعبانه ولا حاجه فيكي حاجه تعباكي
لم تستطع الرد فقط انهمرت دموعها مرة أخرى
احتضنتها فريده بشده وربتت روزان على ظهرها : بس إحنا في الدرس بس
- إبعدي يا فريده عني
تحدثت روزان بغضب : هو أنتِ إيه كنتي بترضعي بجاحه ده بدل متقدري إن بالرغم من اللي عملتيه معاها وقولتيه عليها هي لما شافتك تعبانه جت تسألك ده أنتِ فظيعه يكفينا شرك يا شيخه
لم تستطع منه الرد وقامت هي تلك المره بإحتضان فريده وبكت في حضنها
دلف الأستاذ للقاعه : هنخلص الدرس ونتكلم
- لأ يا فريده مش بعد الدرس لو سمحت
- طب على المغرب كده نتقابل أنا وأنت وروز في كافيه واحكيلي فيه إيه مبهدلك عياط كده في الدرس
- ماشي
عندما بعدت فريده عنها أمسكت منه بذراعها: شكرا يا فريده
- عيب عليك ده إحنا أهل
___________________
في منزل نجاة
- يونس يلا علشان الفطار
- لأ يا بابا بالهنا ليكو أنا مش عايز
- يعني إيه مش عايز لأ قوم يلا كل لقمه وخلاص وسطنا
تحدث بأعين دامعه : يوه يا بابا مليش نفس والله
جلس أبوه بجواره وأحتضنه : مالك بس يا حبيب ابوك بتعيط ليه يا يونس
- مفيش يابابا
دلفت نجاة للغرفه: بقولك إيه يا يحيى ده واحد مش عارف مصلحته فين عايز يبوظ حياته ودنيته بإيده
- ماما أنتِ بس اللي شايفه كده فريده بنت خالي مش وحشه فريده كويسه جدا وغلبانه وعلى نياتها ومحترمه
- محترمه آه سلملي على الاحترام محترمه بأمارة إيه يا ولا بأماره الموقف اللي قفشناها فيه مع آدم
- يا ماما ده كان سوء تفاهم مجرد واحد كان داخل الحمام وميعرفش أنها جوا وأول ما شافها بتعيط صعبت عليه مش أكتر يعني معملوش حاجه واحده غلط
- ولا بقولك ايه متعصبنيش أنا مش طايقه نفسي
تحدث يحيى : بص يا آدم النصيب غلاب وأنت لسه صغير والعمر قدامك
وضع يونس يده فوق قلبه وتحدث بحسره: طب وده وجعه إيه هيداويه أنا كنت بحبها اوي عمري مشوفتها أختي
وخبط على صدره موقع قلبه: ده اتوجع عليها يا بابا حس بيا مش هينفع اتصورها مع حد غيري صدقني مش هينفع محدش هيقدر يملا مكانها
احتضنه والده : خلاص يا يونس فكك منها ربنا يعوضك باحسن من كده
قوم يلا نفطر
- سيبني لو سمحت يا بابا النهارده مش قادر هرجع لو كلت
تحدثت نجاة بغضب : بقولك إيه يا حنين فوق لنفسك مبحبش أنا شغل الدلع بتاع العيال ده
البت دي لو آخر بنات الكون مش هتتجوزها أرتاح بقا
ثم تركته في الغرفه ورحلت
لم يكف يونس عن البكاء بل ازداد بكاؤه للغايه
- خلاص يا حبيب ابوك متتعبش قلبي والنبي مبحبش اشوفك ولا أنت ولا اخواتك بتعيطوا يبني
- سيبني لو سمحت يا بابا
-يبني قلبي مش مطاوعني اسيبك لوحدك
-لو سمحت لو سمحت
-حاضر يا يونس ربنا يفوقك يبني
__________
خرج يحيى للصاله
- نجاة أنتِ مالك قاسيه على الواد كده ليه
- دي مش قسوه أنا بفوقه إيه مبقاش غير بنت حنان
- طب فهميه براحه مش كده
- لأ هو ده حنين لازم نتعامل معاه كده خليه يفوق لنفسه ومستقبله
تحدث عمار: معلشي يا ماما إحنا عارفين أنه حساس زياده والدكتور قال لازم ناخده على قد عقله مينفعش نزعله علشان يخف ويتحسن
- أنا مش همشي ورا كلام الدكاتره اللي مجابش نتيجه ده
- نتيجة إيه يا ماما اللي أنتِ عايزاه في لمح البصر دي حرام علينا
- أخوك سليم مفيهوش حاجه
- لأ فيه يا ماما والدكتور قال إنه عنده اضطرابات نفسية وذهنيه
- برضو ميمنعش أنه يفوق
بقولك إيه يا عمار فكك أنت ملكش دعوه
____________________________
في منزل آدم
- بقولك إيه يا ماما أنا خارج هتعوزي حاجه
-رايح فين يا آدم
- أنا والعيال خارجين محمد عنده مشكله نفسيه وطبعاً محدش غيرنا بيخرجه منها
- ربنا يديم لمتكم
صحيح يا آدم يا دوما يا روح قلب ماما
- عايزه إيه يا سعاد اخلصي عارف أنا حركاتك دي لازم طلب
- خد كيس الزباله في إيدك وأنت نازل
- نعم ياختي  لأ طبعاً
تحدث يوسف: شايفه قلة الربايه اصلك معرفتيش تربي كنتي تقريباً في دريم بارك
- اتكتم يا يوسف
- لأ sorry مش هسكت أنا بخرجهالك وأنا ساكت كده واجيبلك طلباتك والبيه بقا مش عايز ياخد الكيس معاه علشان لابس يعني الحته الچينز
- يا أخي خليك محضر خير مره
أكمل يوسف: بكره فريده هانم تخليه ينزل الزباله ويكنس ويمسح ويشتغل خدامه وعلى قلبه زي العسل إنما أمه لا إزاي يخدم أمه
- يالهوي يا آدم أنت بجد مستخسر خدمتك ليا يا بني
- يا حجه والله ابداً وهاتي أم كيس الزباله اللي عامل فتنه بيننا ده
ثم اتجه نحو يوسف وضربه : يا أخي مره واحده خليك محضر خير بلاش تبقى شكل الولاعه كده
- دوري ده يا حبيبي عيب عليك
- يلا باي يا حجه أنا نازل
_________________
نزل آدم وركب سيارته وتوجه إلى اصدقائه
في الطريق أمسك هاتفه ورن على فريده
- إزيك يا فريده
- هو ياجدع أنت مش حسن أخويا قايلك مترنش اللا في وقت فراغي أنا مش فاضيه شكلك والله أنا تالته ثانوي ارحموا يا ناس هموت منكو جالي هبوط لازمني كريب شاورما بسرعه
ضحك آدم وتحدث: طب يا ستي عرفيني مواعيدك الفاضيه علشان أكلمك فيها ووعد مني ليكي  عندي الشاورما دي 
- وتكلمني ليه
- هو أنتِ يا بت الجحود ده جايباه منين أكيد متحضنتيش وأنتِ صغيره
- لأ وغلاوتك اتحضنت بس معلشي يعني مش يوم مرد بحنيه هيكون معاك يا آدم
- أنا آسف يعني هو ماله آدم جربان مبيستحماش مثلاً مبيحطش بادي اسبلاش مبيسشورش شعراته  ولا حد قالك أن شعري فيه سوسه مثلاً  ولا يكونش العنكبوت عامل عشه في راسي مثلا يعني
- أنا آسفه أنا بقا بس هو أنت يابني شكلك كنت جربان فعلا ده مفيش كلمه اهو قلتها غير عن الجربان
- لا بجد يا فريده متتكلميش معايا بحنيه ليه
- يعم بهزر فيه ايه
- هزار أما يبلعك ده أنا دمعتي فرت من عيني ياللي منك لله
- يتي بطه انت بطه يتي تعيط
- لأ مسمحلكيش أنتِ مبتكلميش بنت أختك ده أنا بنت أختي مبكلمهاش كده
- هو أنت عندك أخوات متجوزه
- آه أميره بنتها بيان بنبونة قلبي
احكيلك بقى قصة حياتي
- ولا متاكلش دماغي بعدين والله ورايا درس تاني
- ربنا معاكِ يا حبيبتي
وكنت بهزر دلعيني براحتك العبد لله زي حتت الچيلي في إيدك حتت عجوه حتت اي حاجه بتروح وتيجي
- ح إيه طب سلام يا عمنا سلام
ضحك آدم واغلق الهاتف وتحدثت روزان: أيوا بقا حبيبته كتكوته ارنوبته وكده يعني
- اتلمي يا بت احسنلك
- فريده أنتِ ظالمه حتة الكريمه دي
- مش هكرر إتلمي
- بت متوريني صورته كده
- معييش والله
- طب متبعتيله ادد على الانستا وكده يعني
- لأ طبعاً فين التقل
- التقل في دمك انخرسي بقا
- التقل في النقل هاهاهاععع متمديش إيدك
ومالو يست صحيح هتعملي إيه في موضوع منه ده
- هكلم ماما اعرفها ونتقابل
- أنا هاجي معاكِ
- بلاش علشان متشبطوش في بعض
- مش هسيبك تروحي لوحدك إحنا كده كده ورانا دروس لحد الساعه خمسه هكلم امي اعرفها واجي معاكي
- طب يلا صحيح في فرق نص ساعه بين الدرس ده واللي بعده
- نظرا كلتاهما لبعضهما البعض وتحدثا في نفس اللحظه
- القصب بينادي علينا
____________________
في منزل نورا خالة فريده الصغيره
تقف نورا في مطبخها تعد الطعام لعائلتها الصغيره دلف خالد إليها
- نورا تعالي يا محترمه ياللي ربيتي بناتك
- يا ستار يارب فيه إيه يا لودا
- الحلوه كارما
- مالها بنتي كويسه فيه ايه
ثم جرت على صغيرتها وإحتضنتها - فيكي إيه يا روح ماما
- روح ماما امم بنتك يا حلوه جالي استعداء عاجل لولي الأمر في المدرسه بسببها روحت لقيت تلاته صحابها
- متكملش ضربوكي يا كبد أمك
- تلاته يا نورا واحد مناخيره جايبه دم والتانيه دماغها وارمه والتالته عينها زرقا
- ليه كده بس أكيد ضايقوكي
- ايوا والله يا ماما هما اللي ضايقوني فعلاً آه
- ممكن افهم يا آنسه كارما ضايقوكي إزاي
- بص يا بابا لقيت واحده بتقولي يا كارما هاتي قلم من بتوعك اديتها القلم اللي بابا جايبهولي اللي هو الجديد ده بصفو نيه
- جدعه كملي
- المهم جيت اخده منها بعد الحصه ماخلصت رفضت قومت أنا ماسكاها من تيشرتها قام الواد إبن عمها جاي ضاربني على قفايا
قومت أنا بقا بالواجب زي منتي معلماني
- جدعه يا قلب ماما وربي
- جدعه أنتِ هتشليني أنتِ وعيالك يا نورا
- يا لودا عيله بقا محصلش حاجه يعني حصل خير
- بس متتكررش تاني يا كارما
- أنا آسفه يا خلودتي مش هكررها تاني اللا في حالة الطوارئ
- اخرجي يلا شوفي زينه اختك علشان عايزه بابا في موضوع
- في ايه يا نورا
- فريده بنت أختي زي مانت عارف اتقرا فاتحتها
- ربنا يعينها والله طب تصدقي وتآمني بالله البت دي زي مايكون بنتي بحبها اوي وبحترمها وصعبانه عليا الدنيا بحالها ملطشه معاها
- كنت عايزاك لو تقدر تساعدها في حاجه تعرفني
- ومالو يا حبيبتي مش مشكله ده حتى ربنا أمرنا بالتعاون مع الكل مبالك بقا ببنتنا
- كتر خيرك يا خالد ربنا يخليك ويقعدلك الخير ده
________________
في جهه اخرى عند ماهيتاب
- بابا كنت عايزه اكلمك
- تعالي فيه إيه
- عايزه انزل الجامعه
- طب متصبري يومين كمان
- لأ معلشي كده فاتني كتير ولازم ألم المحاضرات دي
- تمام بس ملكيش دعوه ب آدم لو سمحت
- لأ متقلقش يا بابا مش هعمل كده
- وأنا واثق فيكي
رحلت وتوجهت إلى غرفتها وأغلقت الباب وامسكت هاتفها ورنت على رقم
- الو أنا نازله الجامعه من بكره وهننفذ الخطه
- ماشي بس أنتِ متأكدة أن الواد ده هيسكت هو وأصحابه
- اه ملكش أنت دعوه بس نفذ وخلاص أنا مش هسيب
حقي
- تمام يا ماهي
- فلوسك هتكون عندك بكره
- مينقصوش جنيه واحد علشان أنا كمان أنفذ كويس
- متقلقش واقفل دلوقتي
____________________________
في منطقه أخرى
- ازيك يا منه
- الحمدلله يا هادي وطي صوتك علشان محدش يسمعنا
- ها عامله ايه
- كويسه
- ردي عدل بدل متزعليش وافتكري أن أنتِ اللي جيتي برجليكي
- طب عايز إيه
- جيت اتطمن عليكي وأشوفك وحشتيني يا ست الله
- حاضر امشي بقا
قبل أن يرحل وضع يده بشكل غير لائق على كتفها
- أنت بتعمل إيه أنت اتهبلت
- بس يا بطه متعمليش الشريفه عليا وصحيح لو حاولتي تحكي لحد هزعلك بالجامد وأظن أنتِ عارفه هزعلك إزاي
لم تستطع أن تتحدث فقط كتمت دموعها
_______________
وصل آدم وأصدقاؤه لمنزل محمد
دخل عبد الرحمن الشقه
- اي يا محماااااا يا محماااااا شبح الحته محماااااااا سبعه سته
رد هشام: ياض أعقل شويه
كان محمد وحده في الشقه فقد كان والديه ليسوا قائمين معه كانوا يسكنون في مدينة الإسكندرية نظراً  لظروف عمل والده
- منورين يا شباب والله إلا أنت طبعاً يا عبد الرحمن
- حبيب عيوني والله مش عارف اودي جمايل حضرتك دي فين
تحدث هشام : مالك فيه إيه مكتئب  من إيه يا عم
- والله معرف بس حاسس كده بزعل شديد
أمسك عبد الرحمن طبق الشوكولاته الموضوع على  الطاولة: يعني فيه حد عنده العز ده ويكتئب يا جدع منك لله يجدع
شد آدم الطبق من يده : مش أخلاق دي مش أخلاق وعهد الله ثم أمسك آدم الشوكولاته وشرع هو في أكلها
تحدث محمد : فكيت والله ياللي منكوا لله طب ده أنا حتى نسيت أنا كنت متضايق ليه
تحدث عبدالرحمن بجديه غير معتادة : الصراحه أنا مشوفتش رجاله زيكم ولا هشوف أنتو مش صحاب لأ أنتو أخوات عزوه وضهر وسند أنا عمري مغرقت وانتو سيبتوني أغرق دايما بتكونوا طوق نجاه ليا وكذلك معانا كلنا بجد أنا مهما لفيت مش هتلاقي زيكم تاني يا تحويشة العمر
ابتسم الاربعه لبعضهم البعض نظرة العوض واحتضنوا بعضهم جميعا
ليفسد عبد الرحمن ما قاله - خلاص بقا دمعتي فرت يا رنجاله وكده مناخيري هتسيح وأبربر بقا وهكذا
تحدث هشام : يا شيخ كتك داهيه طب كمل جمله صح
تحدث آدم: هتغدينا إيه يا واد يا محمد
- في محشي محتاج يتحشي وفراخ وملوخيه يا عبد الرحمن
ها ملوخيه
- ناولني المخرطه يا ولدي
- صحيح يا آدم
- إيه يا حماده
- احكيلنا عن فريده عملت إيه وكده يعني
- ده كده كده بس وأحنا بنلف المحشي بقا علشان الاثاره والتشويق
ضحكوا واستمروا في ضحكهم
_______________________

# قَدَر
# بقلمي هنا غريب