الأخ المتحرش

الأخ المتحرش ،،الجزء43

سوف يكون لهذا الجزء تأثير كبير جدا على بطلتنا ميسم
بحيث يؤكد أن فعلا صدق من قال

اذا شفت بلوة غيرك اتهون عليك بلوتك

علمنا أن هناك فتاتان بقن على اتصال مع ميسم يقومن بمساعدتها مما خفف عليها الوحده
التي شعرت بها بعد أن طردت حيدر

صح شفيت جروح ميسم لكن شعرها
لم يعد كما كان
بسبب الجروح في رأسها
حاولت أن تجد اي طريقه لتغطية الجروح من خلال عمل تسريحات مختلفه لكن لم تغطى
المصيبه الأكبر أن وضع حتى الحجاب صار صعب
يبدو أنه عقاب من الله لها لأنها وضعت شروط لوضع الحجاب على رأسها
حيث أحبت شعراها اكثر من اي شي في الحياة لكن عقاب رب العالمين
كان واضح جدا و عليها أن ترتدع
لان حتى الحجاب رفضها كما هي رفضته

بقى بين فتره و أخرى يحضر حيدر معه بعض الغذائيات عاد نوعاً ما السوق
لم تفتح الشركات
صار الوضع غير مستقر
دخلت الدبابات للفروع كسرت بلاط الشوارع أصواتها مزعجه أكثر من الصواريخ
هنا علمت أن فعلا لا يوجد راتب لا تعرف الى متى
في يوم جائت افنان لوحدها كان لديها طلب تريد ان تطلبه من ميسم
بعد أن جلست
افنان انت اكيد متعرفين شي عني
ميسم لا اعرف انت جنتي متزوجه واحد كبير بلعمر و جبتي منه ولد لكن هو طلكج و اخذ طفلج
افنان لا هذا القصه المعلنه لكن قصتي غير هذا الحجي
ميسم اشلون
افنان شوفي اني وحيدة ماما و بابا
كان بابا غني بشكل خيالي
بحيث عدنا شقق حتى بلدول الاجنبيه
جنا كل عطله انروح لواحد من هذي الشقق نبقى فتره طويله
لكن ماما عدها عيب ما كدرت تتخلص منه هي كلش اتخاف من
البيوت الكبيره
اتكول اسمع اصوات اتخوفني و اشوف خيالات ما اعرف مال شنو
بابا جان ايحبها كلش و بكون هو بسبب
حادث صار اله انقطع عنده الخلفه
يعني صار عقيم
حاول دائما ميخليها تزعل منه أو اتحن أن ايصير الها طفل ثاني
اشترى بيوت كبيره رفضت تسكن بيها
اخر شي لان بسبب غروره اشلون ينكتب بيت باسمه ابلده بيها البيوت
مساحتها صغيره
قرر يأخذ بيت ايجار بهذا الحل خلصنا
من زن ماما على راس بابا
من صار عمري تقريبا 10 سنه
اكو نصاب صادق بابا بطريقه منعرف شنو هي باعله سندات و ما اعرف شنو بعد  بمبالغ خياليه
يعني اتخلي بابا يملك نص محافظه
باغلى مدن هذي المحافظه
بابا طمع انطى هذا الرجل كل املاكنا داخل البلد و خارجها
بعد فترة بد بابا ايحاول ايعيش
مثل ملك بلفلوس الي راح ايحصل عليهن
بعد بحث طويل اكتشف بأن كل الي حصله هو مجرد
عملية نصب حقيره
من واحد ذكي لعبها بطريقه احترافيه
لكن الرجل اختفى الأملاك كلها اختفت
لكن هذا الرجل عنده عائله كبيره
كاعدين ابيت عباره عن خرابه و اصلا ميعرفون عنه أي شي
تاركهم من سنين امهم تشتغل خبازه حتى اتربي جهالها
لان من عرفت بأن رجلها مجرد نصاب رفضت اتعيش وياه
قررت هي اتربي اطفالها
المهم بابا عقله ما استوعب الي صار
ما كدر يرجع للحياة تقريبا اتجنن
الاقارب الي كنا واكفين وياهم و نساعدهم كلهم تركونا
بدت ماما اتبيع بلذهب مالتها حتى انعيش بابا ما طول اشهر و مات
طبعا بقينا اني و ماما
كان لازم اندبر عيشتنا
ماما طلبها رجل للزواج قبلت بشكل مباشر لان هذا جان الحل الوحيد حتى نكدر انعيش
لكن طلع للأقارب بذاك الوقت
صوت على اي اساس تتزوج
هم حتى ما  ساعدونا في ازمتنا فوكاها رافضين أن احنا انشوف
طريقه انعيش بيها
امي تركت جميع الأقارب
اتزوجت لان تقريبا خلص الذهب مالها
عشنا ويه زوج ماما
عادي امي صارت حامل فرحت حست بأن الله عوضها اطفالها راح ايصيرون عائلتها
زوجها جان رجل طيب جابت الولد الاول
و بعد كم سنه جابت الولد الثاني صارت حامل بولد الثالث اني صار
عمري15 سنه
بدء زوج ماما يتحرش بيه لكن اني جنت دائما اوكفه عند حده
ماما ذكيه حست بأن زوجها تصرفاته حقيره وياي صارت سد ابوجهه وين ما يتحرك يلكاها كدامه
لكن محاولاته ما اتوقفت
قررت ماما حتى اتخلصني أن اتزوجني
من رجل عمره 43 سنه صح كبير
لكن الي يستعجل بموضوع الزواج لازم يقبل باي شي
كان متزوج وحده ما جابت منه طفل اتزوج الثانيه
الاولى طلبت الطلاك لان هم ميعرفون ليش ما صار عدهم طفل يمكن هو عقيم
الثانيه هم ما صار عدها طفل
الرجل ما يقتنع بأن الصوج منه لا
لازم اتكون زوجته هي العاقر
كنت اني الثالثه
ماما كالت هو اصلا ميصير عنده اطفال اذا ابيوم اعترض اني اوكف بوجهه
رجل غني يعني ممكن اعتبره مثل بابا
حبيت الفكره
من سمع زوج امي جن جنونه طبعا عرف بعد ما عقدنا القران
بقى مجنون إلى يوم الحنه بعد حفلة الحنه تعبنا بشكل رهيب حسينا كلنا بخمول غريب
  و اني بغرفتي حسيت اكو شي عليه فتحت عيوني جانت المصيبه الكبيره
زوج ماما اغتصبني
صراحه اني كنت مو طبيعه يمكن هم منطيني شي بحيث مجانت عندي قوه للمقاومه
قاومت أهوايه لكن واضح هو امرتب أموره حاط منوم بشراب ماما
حتى لا تبعده عني
بليوم الثاني امي جابت الفطور حتى ورها انروح للصالون انتبهت باني مو طبيعيه
حجيت الي صار
ماما فهمت قصده
شوفي هذا الحقير سوه هيج حتى تخضعين إلى أوامره 
حتى ما تتزوجين يعني تبقين اله بنتي ارفعي راسج كانه ما صار شي اليوم راح تتزوجين غصبن على رأسه
فعلا هو جان منغر بنفسه من فات من يمي لكن كانت فعلا مفاجئه اله اني ما كنت مهتمه
حضرنا اني و ماما للزواج و كانت
ماما اتشغل الاغاني و تركص وياي
طبعا ما عدنا غير الجيران الي كانوا محتفلين ويانا
تم الزواج بشكل طبيعي
زوجي ما اعرف اشلون ما عرف باني
مو عذراء
مع اني جنت خايفه من هذا الموضوع و افكر كيف اكدر ابرر اله لكن
الله ستر عليه و مر الموضوع بسلام
بعد شهر اني طلعت حامل
زوجي فرح بشكل خيالي
ذبح الكثير من الاضاحي جابلي خدامه خوفاً على الذي كان يتصور أنه طفله
لكن اني ما كنت
فرحانه بهذا الطفل حاولت اهوايه أسقطه
لكن زرع الشيطان مينقلع
جان زوجي ايحاول ايوديني يم امي لكن اني ارفض
بعذر اني اخاف على طفله و هذا مع الاسف جان ايفرحه
مسكين لو يعرف كمية الطرق الي حاولت بيها أن أسقط هذا الطفل يمكن جان قتلني
ولدة امي الولد الثالث بدت بعد الولاده تقرف زوجها بعيشته لان هي ما نست حقارته ويه بنتها
بقدرة رب العالمين صار بقلبه حب لهذا الطفل الثالث ليس له مثيل
حيث يخاف عليه من الهواء الطائر
بدت ماما تعزف على هذا الوتر
لدرجه جعلته يقرف منها
بدء يحاول ان ينقذ ابنه من خباثاتها
بينما كان كل هذا انتقاما لما فعله معي تزوج زوج امي و اخذ اخي الثالث معه
هي تطلقت منه اخذت بيته و صار يدفع لها راتب شهري لأجل أولاده
هو ما يعرف هي تدري بلي صار و بأنه اغتصبي كانت تكيد له بدون أن يعرف السبب
امي كدرت اتدبرلي مكان حتى إذا قررت ارجع
ولدت ولد ما حبيت حتى اباوع بوجهه
لكن زوجي جان عايش بلجنه
كل اشويه يأخذه يم احد شوفوا هذا ابني كلتلكم اني رجال
خطيه شخص مسكين
ما حبيت اسمع هذا الطفل يبجي
حتى ما انطيته من حليبي
ماما بدت تعتني بيه و المربيه
قنعت ماما زوجي باني بعدني طفله و ما
ممكن اتقبل اربي طفل مثلي
طبعا المربيه اتسوي المميات وزوجي ايشرب الطفل
بديت انزعج من صوت البجي مالته
جبت حبوب منومه
ميسم جانت تستمع مصدومه بدون اي ردت فعل
لكن عند الحبوب خرجت عن صمتها لا اتكولين انطيتيهن للطفل
افنان اي جنت انطيه نسبه كلش قليله
صدكيني
ما حسيت بموضوع الامومه جنت اكره اشم ريحته أو اسمع صوته الي جان ايشك آذاني
قبل ما ينولد احسن ما كان مخلوق كدامج
لان مجرد احساسج بوجوده ممكن يخنكج
بقيت فتره انطيه المنوم
إلى يوم اجى زوجي أخذه حتى يتفاخر بأنه صار اب
كدام واحد من اصدقائه
لكن الطفل جان نايم صح يتنفس لكن ما يصحى
أخذه للمشفى كشفوا أنه امشربيه منوم
زوجي شك بل المربيه
لكن اني كتله اني شربت ابني منوم
سأل زوجي عن السبب
كتله اني طفله اريد انام و هو طفل ميريد اينام
حل الموضوع شنو اسوي
زوجي اتريدين اتنامين خلص روحي يم امج نامي اني ابني اني انومه
طلكني و اخذ الغبي ابن زوج امي و هو حاس بأنه رجال اخذ ابنه
رجعت يم امي اتعلمت تمريض من الفلوس الي حصلتهن من الي ديربي ابني فتحت غرفه لعلاج المرضى
هاي قصتي
ميسم بعد ما سمعت قصة افنان
عرفت بأنها طلعت من بيت اهلها بأقل الخسائر
هي انها صارت معقده من الجنس الآخر
يبدو أن هناك خسائر ليس لها دفاتر ممكن أن تكتب بها
التفتت على افنان
صراحه مصايبج كلها كوم و مصيبة زوجج أكوام راح اتخليه هيج
افنان شي ميخصني هو المفروض يعترف بأنه عقيم لكن غروره مشاه
اتصدكين اني ما شفت الطفل
لكن ماما اتكول يشبه زوجها
بعد شنو الي ايريده زوجي إثبات اكبر بأن هو عقيم و هذا مو ابنه
حبي خلي رجولته اتفيده

هو حاب ايكون منهم
ميسم صدك شرح قصتج نساني انتي كلتي بأنج اتريدين شغله مني
ما عرفت شنو الي ممكن اني عندي حتى انطيه الج
افنان اني بالبدايه حبيت اكون صريحه وياج انتي اصغر مني
ما شاء الله الخلاق صورج و احسن تصويرج
من جمال و ذكاء بس الموضوع الي اريد اطلبه منج
لازم تجي سؤدد اتكلج عليه
لان اني بسبب تربيتي و يمكن حتى غروري صعبه عليه اطلبه منج
طبعا اتمنى قصتي تبقى سر ابيني وبينج
لان ما كو احد بلمنطقه يعرف غير الي انتي كلتيه عني مطلقه و زوجها اخذ ابنها
ميسم إلى أن تجي سؤدد اشكد صار عمر ابنج هسه
افنان عمره 13 سنه
ميسم و بعده زوجج ما حس
افنان صراحه اشك لان اي واحد ممكن حتى لو غريب راح يعرف بأنه مو ابنه
يمكن هو مثل الي اخذ طفل يتيم و رباه
ميسم اتشوفيه
افنان اي يجيبه كل شهر يبقى يومين
بس يكرهني لان عفته
ميسم لحد هذا اليوم ما حسيتي بأنج ام
افنان كل مره يجي اتذكر يوم اغتصابي هذي الشغله مستحيل تمسحيها من بالج
لو جان بس متحرش بيه جان ممكن اغلس على الموضوع
غريب و غريزته ثارت بوجود مراهقه
لكن الاغتصاب لا مستحيل تكدرين تنسيه
ميسم فكرت يعني ممكن يجي يوم تنسى تحرش اخوها و تعيش حياتها بشكل طبيعي
التفتت على افنان ترى التحرش هم صعب تنسيه
خاصتا هو من أهل البيت
افنان لا متعرفين الاغتصاب اشلون ايدمر
ايخليج تكرهين حتى جسمج

دق باب البيت لكن ماذا سوف يكون طلب افنان بصوت سؤدد