كعدت على شي على رجليه فزيت شفت ابراهيم نايم على بطنه والباب انسد كمت بساع فتحت الباب كلشي ماكو والبيت اظلم
خفت حيل ورجعت سمعت اصوات جوه رجعت ونزلت واني خايفه امشي كوه شفت اكو ضوه بغرفه عمتي طالع
كوم مشيت وصلت يم الباب مااحس اله نجريت من رجليه ويدين كلها لون احمر دم واني صرخت وكضيت الباب حيل واصرخ وعافتني اليدين واني ركضت
فوك اصرخ والحجيه تصيح ورايه نزل ابراهيم يركض خايف حضني واني اشهك شربني مي واني ابجي واشهك وارجف من الخوف
واضم وجهي بصدره مااريد اشوف احد رفع راسي وكال بصوت يرجف
شبيج بابه ليش تصرخين
كلت واني اشهك
اكو اكو جنيه والله بغرفه امك جرت رجليه وا لله
هوه باوعلي مستغرب وعمي كال
شنو جنيه ولج بس انتي اشوفين كلشي ماكو ببيتنه
رديت
والله والله جنيه اكو شبيكم
صرخ عمي واني بجيت وحضنت ابراهيم كال
ولكم لا تخبليني انتي وانته ابراهيم اخذ مرتك وصعد فوك ترى نوم ماشابعين من وراها
رد ابراهيم بعصبيه
مااسمح لاي احد يصيح على مرتي ومالكم شغل بيها
خذاني وصعدنه فوك كعدني على جربايه وكال
شبيج يامريومه مو جنتي شحلاتج ماكو جني صدكيني والله تتخيلين
بجيت وكلت بعصبيه مادري شلون طلع مني هذا الكلام وكمت حيل وكلت بصيح
والله والله كلكم جذابين جاي اكلكم اكو جني لا تخبلوني انتم مخبلين ادري بيكم والله انته جذاب ماتحبني لو تحبني اصدكني الجلب
مااحس اله ضربني راشدي شهكت وطحت بالكاع ابجي مادري شلون كلت هيج شفته عصبي وجه احمر دم نزل بالكاع وكض شعري يجر بي واني ابجي وهوه كال بعصبيه
والله لو اسمع صوتج اموتج لسانج طولان طالعه عينج
حجه هيج ودفعني وكام واشر باصبعه وكال
يلا يلا كدامي نامي وصوت ماكو جذب ماكو لا جني ولا شي كافي عي،،،،
كمت ابجي واشهك رحت غطيت نفسي وهوه اجه طفه الضوه وتغطه ونام واني خايفه من الضلمه فتحت ايده ونمت عليها
وحضنته نصدمت من دفعني وكال
لا تحضنيني ولا شي نامي بدون صوت
بجيت وحضنته وكلت
خايفه
دفعني حيل ماتوقعته هيج دفعني حيل وطحت بالكاع نركع راسي بالميز كمت ابجي واشهك هوه كام شغل الضوه خفت حيل منه من شفته عصبي جرني من ايدي وفتح الباب الغرفه وكال وهوه صاك على سنونه
