حب أو حرب

البارت26

ياسمين كانت قاعدة فبيتها مربعة رجليها وتخمم كيفاش.تنتقم من ناس لي آذوها لازم ترجعلهم واش دارو فعائلتها.وقفت قدام لمرايا تشوف فروحها تصدمت من شكلها لي يخلع صفارت ولي ساغن دايرين حالة شعرها مخبل ورجعت تلبس غير بيجامة دار مولاتش تتهلا فروحها دخلت لدوش معولة على تغيير شامل فروحها دوشت ونقات روحها مليح حتى ولات تشعل .جابت مقص قصت شعرها رجع قصير يوصل لكتافها وزادت دارت شوشة رجعت كيوت .دارت مكياج نهاري خفيف لبست كسوة فلزرق مزيرة من جهة صدر ومطلوقة من لتحت وصندالة فرجليها وهبطت للكوزينة ( كع هاد التعب والحطة فلخر تروح للكوزينة😪) شافوها الخدامات ابتسمو ليها لأنهم كامل يحبوها هي متواضعة معاهم ومعمرها جرحتهم بكلمة طلبت منهم يتاصلو بماركو من تلفون دار لأنها معندهاش رقمو وراحت لجردة .شويا حتى جا يجري عندها وفرحان .هي غي شافتو وقفت وقربت عندو بسرعة وفاجأتو بعناق قوي ودموعها يطيحو وهو زير عليها عندو فرحان انو تقبلاتو مكانش.متوقع تتقبل بهاد سرعة نطقت بصوت مبحوح وهادي
_ خويا مجد. جبد روحو عليها شويا ونطق والفرحة باينة فعينيه
_ ياروح مجد انتي .الحمدالله كي لقيتك الحمدالله( وطاحت دمعة حارة من عينيه) .بقاو فترة وهوما متعانقين يحاولو يشبعو من بعض حتى تكلمت بصرامة
_ مجد لازم نهدرو
جبد شويا عليها يستناها تهدر
_ انا كنت عارفة انو نتا خويا من قبل
_ ( وقف مصدوم)كيفاااااش وعلاش مقلتيليش علاش خليتيني هك ريقي نشف وانا نحوس عليك وعلى امي حقا وينها امي علاش مكمش مع بعض
_(بدموع ) الله يرحمها. بقا مصدوم للحظات منبعد هبط راسو بحزن يمسح فدموعو.منبعد وقف معصب ومزير على يديه
_ راح ننتقم منهم واحد واحد راح نعيشهم الويل نذوقهم من نفس الكاس لي خلاوني نذوق منو .جا رايح شداتو من يدو
_ اقعد يا مجد لازم نهدرو ونتفاهمو منبعد دير لي تحب
(شدتلو فيدو ) اسمعني مليح واش رح نحكيلك دوك مهم بزاف باش نبداو فخطتنا ..حكاتلو كلش من نهار اكتشفت حقيقة سليمان .وحكاتلو على منذر وعلى دخولها لقصر ماثيو
_ يعني ماجيتيش صدفة؟
_ لا كانت صدفة ماثيو ضربني بطنوبيل وبعت رجالو يتكلفو بمصاريف السبيطار وكي جيت خارجة تلاقيت ايما ولباقي راك عارفو
_ هيه كملي ووين رحتي هداك نهار  .حسبناك هربتي لأنو شفنا فالكاميرات كيفاش خرجتي من الباب الخلفي ونقزتي الحيط
_ هداك نهار صح خرجت وكنت ناوية نروح غير لبحر نشم شويا هويا ونرجع ولكن ..تخطفت
_😟😟😟😟تخطفتي؟؟؟؟؟ كيفاش وشكون هدا لي خطفك فهميني .ياك مادارلك شي حاجة اهدري
_ اهدا اهدا ماصرالي والو .دوك نحكيلك غير تكالما

فلاش باك
_ ياسمينتي ماتوحشتينيش ههههههه
شافت فيه مصدومة مش عارفة واش دير اكيد ماتقدرش تهرب من هاد الرجال كامل لازمها خطة محكمة .شدوها زوج رجال من رجالو وحطولها مخدر على نيفها تغاشات .
بعد ساعتين فاقت .لقات روحها مربوطة فكرسي وقماش مغطيلها على عينيها .ماهدرت ماتكلمت على عكس ناس طبيعيين كي تخطفو يبداو يعيطو ويبكيو ويسقسيو بزاف أسئلة وين انا. شكون نتوما .خرجوني من هنا .انا مادرت والو...... ولكن هي التزمت الصمت لازم تحاول تخدعو غير بهدرتها حتى يتيق فيها ويخليها تروح.شويا سمعت خطوات يقربو عندها وهدر بصوت لعوب
_ مرحبا بيك فوكر الثعبان هههههه
ردت عليه ياسمين مبتسمة وكانها تقولو منيش خايفة منك
_ تؤ تؤ عيب عليك هكا يتعاملو مع ضيف .صراحة خاب ضني فيك
_ ( قعد على كرسي مقابلها) ماجبتكش هنا باش نضيفك جبتك باش تكوني الوجبة الرئيسية لضيافي ههههههههههههههه وضحكو معاه رجالو . هي كي شافتهم يضحكو حتى هي ضحكت بالعقل باش تزيد تستفزو
_ ممم نسيت ماشكرتكش لأنك وفرت عليا مجهود كبير كنت رح نحوس عليك مي نتا سهلت عليا لقاءنا
_( بدا يدخلو شك من هدرتها) وعلاش رح تحوسي عليا ونتي هربتي من دار .فهمني نشوف
_ شكون قالك هربت ههههه.فرايك كون هربت رح تقدر تلقاني مزال ههههه شكلك مزال ماتعرفش ياسمين
_ عارفك عارفك وحافظك بلا ماتلعبيها عليا الأنثى القوية . ناض من بلاصتو وهدر بخبت

_ارتاحي ا ياسمينتي منبعد عندي ليك سوربريز .باسها من رقبتها بشهوة .وهي بعدت روحها عليه عايفاتو. سمعت خطواتو رايح جيهة لباب غي سمعتو تحل ونطقت والابتسامة على وجهها
_ سمرا مزالها حية
كلمة صدمة ماتوفيش واش حس بيه .وكأنو تصعق ماقدرش يدور لعندها بقا حال عينيه ومركزهم على نقطة فلباب.دقايق حتى دار عندها وهدر باستهزاء
_ هههه مالقيتيش كدبة خير من هدي باش تسلكي روحك
_ ( هدرت بجدية)تقبل بشروطي نوريك وين راهي دوك وتأكد بنفسك اذا راني نكدب ولا لالا
_ مكان ني شروط ني ز*.. هي ماتت وشبعت موت وانا دفنتها بيدي ورح تلحقي عليها تونسيها ماتتقلقيش برك
_ (ضحكت باستفزاز) ممم اوك انا عطيتك فرصة ونتا ضيعتها . على كل حال هي مبغاتش تشوفك .انا غير كنت غايضني وحبيت تشبع من شوفتها
عيط.لواحد من رجالو يسكرولها على فمها غي سمعت حس الخطوات قربو جيهتها هدرت بسرعة
_ عطيني دليل واحد يخليني نامنك
_ هههه اوك عطيني تلفوني وحل على عينيا
_ تتمنيكي بيا باش تعيطي لداك الكلب تاعك يجي يعتقك .راكي تشوفي فيا كافي
_ ههههههههه ضحكتني والله .واقيلا عمبالك دوك زوج كلاب لي حاطهم وراك رح يمنعوني نخرج من هنا . لا نتا لا هوما تقدرو تمنعوني .هات تلفون اذا حاب تعرف وينها سينو نحلف والله ماتشوفها
غي سمعها حلفت خاف لا تكون تهدر صح ومايقدرش يشوف حبيبة قلبو غمز لواحد من لي كارد يحل على عينيها
_ واش من فايدة عندك كي تقوليلي بلاصتها
_ اني قتلك تنفذ شروطك نعطيك عنوانها سينو تطلع لسما وتهبط وماتلقاهاش.هات تلفون بركا ماتضيعلي فوقتي.مدولها تلفون قعدت تخربش فيه شويا حتى وجهاتو له .كان فيه مكالمة فيديو .سمرا راقدة وسيروم معلق فيدها .غي شافها طاح فلرض على ركابيه يبكي بحرقة ويتلمس بيدو فتلفون وكأنو يلمس فوجهها
_ سمرا حبيبتي 😭😭😭😭😭😭مزالك حية .رفع يدو لرجالو باش يخرجو ويخلوه وحدو وهو انهار بالبكا كي شافتو ياسمين ماصدقتش عينيها .يعني لهاد درجة يحبها ومحروق على فراقها خلاتو دقائق معنق تلفون حتى تقطعت المكالمة. شاف فيها وعينيه حمر
_ وينها قولي ويني سمرا واش درتيلها يا قح*( راح ليها شدها من رقبتها رح يخنقها )
_ ماتخلينيش نرجع فهدرتي حيد يديك
تم تم جبد يديه وبدا يمسح ليها على شعرها بالعقل منبعد فكلها يديها ورجليها
_ أي حاجة طلبتيها نفذها ندير لي تحبي نعطيك واش تحبي غير قوليلي وينها سمرا😭
_ اقعد واحكيلي واش صرا بينك وبين منصف ومنذر..