حب أو حرب

البارت27

قعد فلرض مقابلها يتفكر ايام شبابو
_ انا ومنذر كنا اكتر من صحاب كنا خوت موس واحد يذبحنا نهار تعرفنا على سمرا كان فرحان بزاف عمري شفتو فرحان هكا كان ديما يحكيلي عليها حتى وليت نعشقها بلا مانحس واحد نهار قالي رح يخليها تحبو ويدي منها واش يحب ويرميها  لأنو منذر كان زهواني من مرا لمرا مش انسان تاع زواج ومسؤولية عليها انا تلاقيت سمرا وحكيتلها باش ماتتصدمش فيه .ولكن الظاهر انا لي تصدمت كي سمعتهم تزوجو .ضربت كسرت درت كلش ولكن مابردتش .هو خدا مني أكتر حاجة حبيتها فهاد دنيا. بعدها بعام تلاقيتها حكاتلي كيفاش كل مرة تحكمو مع وحدة ورجع يدخلهم حتى لدار ومام صحابو يجيبهم لدار يسكرو لدرجة انو قاللهم اذا عجباتكم تناوبو عليها معنديش مشكل مهم تخلصوني. كان يعاملها كيما الجفاف يمسح فيها رجليه يضربها ويتعدى عليها بوحشية .كي حكاتلي هك انا مقدرتش نروح ونخليها .خطفتها من عندو وسكنت معايا وقتها كانت حاملة .فهديك الفترة زاد حبي ليها وليت مهووس بيها اذا مكانتش نحس بفراغ كبير . منبعد هو لقاها وخذاها مني .انا سبب 😔كنت سكران وقلتلو راهي معايا .كي راحت هبلت مرضت موليتش انسان طبيعي وليت نآذي أي واحد يقرب مني تبعت طريق المخدرات والشراب باش ننساها حتى لقيت روحي نتاجر فيهم وبشويا بشويا كبرت العمل تاعي حتى وليت بارون ومعروف بالكوبرا
_ ومنصف ؟ واش حكايتو
_ منصف هو لي كان عاوني باش خطفت سمرا من منذر وعاوني باش دخلت لهاد دومان
_ يعاونك باطل؟
_ لا هو كان يسلفني.برك ونهار كثرو ديوني كان يضغط عليا باش نرجعهم له ولا يقتل سمرا وانا فالمقابل بعتلو مجد ولدي البكر
_ هه ولدك 😏.مممم بصح سمرا كانت مع منذر كيفاش حتى رجعت معاك
_ بعدما ولدت هربت من منذر وجات عندي وانا فرحت بيها وبولدها .وقتها كانت حاملة بيك كنت فرحانة لأنها رجعتلي وحلفت مانخليه يشوفها مزال لا هي لانتوما
_ وشكون قتلها هي والبيبي .تاعمن اليد لي كانت شادة سلاح فالصورة هديك
رفع راسو كي سمع دق فالباب دخل لكارد ووشوشلو فوذنو وهو ابتسم بخبت
_ ممم نظن حكينا بزاف ا ياسمينتي نخليك دوك رح نروح نجيب سمرا
_ كيفاش تجيبها نتا مكش عارف وينها
_ هههههه عمبالك اني كافي بزة كيما نتي تحشيهالي.رجالي حوسو على نيميرو لي حكيت معاه ولقاو بلاصتها
شافت فالكارد لي واقف وراه وسقساتو
_ متأكد انك لقيتها هههه؟ فيريفي مرة اخرى وغمزاتو
نطق سليمان والشك بدا يدخلو فراسو من هدرتها
_ ماديرش عليها تحب تلعب بعقول نا...
مكملش كلامو حتى دخل كارد اخر وقالو بلي تغير الموقع تاعها .منبعد تم تم ولا تغير لموقع جديد .كل ثانيتين ثلاتة يتغير موقع صاحب الرقم
_ سيدي صاحب الرقم شخص وهمي . وراه يغير موقعو كل 3 ثواني
_( بعصبية مفرطة)طيرو جيبولي احسن هاكر فالعالم يشوفلي الحل يالاه
هدرت والابتسامة على وجهها
_ ريح ا سليمان ماتقلقش روحك نخاف تطلعلك طونسيو وتتعوق
_ نتي بلعي .مزال حسابنا ماخلاص
_  (نطقت بهدوء) مرحش تلقاها الا اذا انا سمحت بهاد شي غير ريح ترونكيل
امر رجالو يربطوها من جديد وخرج برا يستنا الهاكر يجي