جبروت نشرَوان

البارت 8

# جبروت نشرَوان   

بقلم تِــنَــه 🧚🏻‍♀️

وحالي
حال الشتل عمره
ومطرت الدنيه مگابر

ناصر البدري

"" ""

الحياة دائمًا تصدمنه بأشخاص مُعينين وكأنها تكول
شوفوا بشاعة هلشخص الحابيني وبدورنه راح ندخل
بداومه مالها نهايه لا اكيد ميسويها لا اني وثقت بي
هنا حتى ثقه بنفسنه متبقى تنهز ثقتنه بلكُل
فلهذهَّ نسمع جملة لا تُسلم ثقتك لأي كائن من يكون
نرجع ونكول هلشي مو بيدنه اذا ارتاحينه لشخص ولو نسبة قليله راح نحچي كل اسرارنه ونسلمه
مفاتيحنه..

دانيا :: من بعد ما الكُل يأس گل شخص راح يكمل
عَمله أله اني احوس اريد اعرف!..

بين ما واكفه احوم يم الباب الكلدور يشوفني يعتقد
راح يتقرر قرار مصيري بحقي المصيبه التزيد التوتر
ماكو صوت ينسمع؟! اقنع عقلي بفكرة اختها بيها شي
لا سامح الله، زين ليش مكال كدامنه؟؟
شفت سبأ الوجه مخطوف وتبلعم راحت كعدت
على المرجوحه وتمسح وجهها تاخذ شهيق زفير نحيف هفيف اهووو كمت امسلت من توتر

مو كتلكم من اتوتر انثول نسيت اعرفكم عليها
سبأ اخت مهند وعلي فد وحده هادئه ما ينسمعلها
صوت لطيفه مكتفيه بنفسها ما تدخل لو تشوف البيت يحترك

شغلت المحرك وطرتلها "اقصد رجليه شبيكم" وكفت
وراها ما حست عليَّ دفعت المرجوحه لزمت بلحافه
مفتحه عيونها بخوف، كعدت بصفها أطمنها

: دانيا ـ هاي اني شبيج جفلتي؟!!

: سبأ ـ الله يسامحج گلبي صار بطني

: دانيا ـ شفتج مو على بعض اكو شي؟؟

: سبأ "بأبتسامه متوتره" ـ ههه شبيه مابيه انتِ بيج شي

: دانيا ـ ءوف اكو غير جدي سد الباب وطلعنه أي طردنه مدري شعنده ويا ام الربطه واخوها
فضول حيذبحني بلعباس احس جدي براسه ملعوب
جدي واعرف بس شنو ناوي على هالمساكين؟؟

اصفر وجهها واحمرة اذانها من ذكر طاري جدهم
: سبأ ـ لادخلين نفسج بيهم عوفيهم..

صغرت عيونها ولزكت روحها وياها اردفت بصوت متلاعب نابع من شك

: دانيا ـ حبيبي سبأ اشم ريحة اخبار

: سبأ ـ اخبار ايش اعوذ بالله يااا ريحة اخبار اعوذ بالله من شر الوسواس الخناس الذي يوسوسٌ
بصـ...

: دانيا ـ كافي كافي راح تختمين القران براسي

: سبأ ـ اكلج وما تكولين؟

: دانيا ـ سرج بجدر مزرف مدفون

: سبأ ـ مو اريد

: دانيا ـ كتلج مدفون