بين عينيها حكايا

الجزء الثاني والأربعون

#بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
التعليق بين الفقرات والتصويت دعماً للقصة
متابعة الحساب دعماً للقصة لطفاً❤️
.
.
.
.
حبري أسود فلا تطلبو مني أن أرسم قوس قزح

ظلال

__________________________

خلصت
السنة الدراسية
ومنتظرة النتائج
آني و مُتيم كل يوم على أتصال
وأغلب الأوقات كادي تتصل بينة
مكالمة جماعية
ضحك وشقة وعركات
بآخر أتصال
حجينة بموضوع خطوبتهة
وليش مستعجلة

-حبيبتي كدوو شنو هالأستعجال
بعدج ستوج داخلة عال١٨ خطوبة
بهالوقت الحرج راح تضيعين دراستج

كادي -لج بيبي مستعجلة مااعرف ليش

مُتيم -الخبلة شعندج بالزووواج

كادي -معليييييك اريد احب وانحب قابل يس انت
خطفت صديقتي مني

-ههههههههههه لج كادي صدگ تغارين علية من مُتيم

كادي - ايييييييييي تزوجيني خل يولي هوووو
هالشايب هذا راح يصير ٢٣يلة دخل كلية

انصدمت باللي سمعتة

-شنوو ٢٣سنة مُتيم

كادي -آسفة ظلال آسفة والله

سدت الاتصال وبقة مُتيم
وياية عالخط

-حبيبتي

-نعم

-امممم نعم معناهة زعلتي

-لا ليش الزعل صديقتي تعرف عنك اشياء اني مااعرفهة

-عندج وقت تسمعيني

-گول

-استغفر الله يعني بعدج زعلانة

-أسمعك يلة أقرر ازعل لو ارضى

-مااااشي سمعي ظلولة هي تعرف بحكم الجورة
جيران صار عمر أحنة
لذلك تعرف الصغيرة والجبيرة
بفترة السقوط سافرنة للخارج
الفترة هاية مگدرت اتأقلم لا ويا المجتمع
ولا ويا اللغة لذلك تأخرت بدراستي
من رجعنة هنا كملت
وبمدارس خاصة
حتى محد يعترض على مسألة العمر
هسة بعدج زعلانة

-لا هالشي خاص بيك بس ليش محجيتلي

-والله مااجة على بالي ويكون بعلمج
اني طلبت اتقدملج
وأهلي موافقين
ومسويلي شقة بالبيت طابق ثاني
بس بعدني اريد ادخل الجامعة وانت تكبرين شوية
وتكبر المسائل خوما اخذج وانت مسسح

-سخييييييييف

-لتزعلين حبيبتي وبعدين اني عبالك بعيييير شلون ماحسيتي بعمري جبير
وشي ثاني شغلي شلون مأمني الحجي على معرض سيارات بگد صماخي واني صغير