بعد مرور شهر تقريبا يوم ميلاد غزلان تاريخ "23/4" ، كانو بفندق اهيا ونياف قبل يوم ميلاد غزلان بيومين نياف حجز فندق وراحو له ، كانت نايمه كل عاده وناسيه انه اليوم ميلادها ونياف متفق مع الفندق انه يجيبون الهديه و الكيك والاشياء الي طالبها دخل الاغراض وكان يحاول مايطلع صوت عشان ماتقعد بعد ماخلص ترتيب راح وقعد بطرف السرير يتأملها ويلعب بشعرها
قعدت منزعجه منه:نياف خلاص خلني نايمه
نياف ابتسم:لا قومي يلا بنطلع
غزلان قامت وشافت الورد الي بحضنها والكيك الي على الطاوله والورد الي على الطاوله والهديه طالعته وابتسمت
ابتسم وهو ياخذ وره ويحطها على شعرها واذنها:كل عام وانتي بخير وجعل عمرج طويل ويخليج لي ولا يحرمني من هالويه احبج وايد
غزلان استغربت:وانت بخير والله يخليك لي يارب بس شنو يوم ميلادي؟
نياف ضحك بقوه:شفيج ناسيه؟
خذت تلفونها وشافت التاريخ وابتسمت:امبيه صج ناسيه
وخر البطانيه عنها ومسك ايدها يقومها و قعدو عند الكيك والهديه
نياف:يلا تمني امنيه وطفي الشمعه
غمضت عيونها تتمنى امنيه بعدها فتحتها تطفي الشمعه بعد ماطفتها خذا السكين ومده لها
طالعته:قطع معاي
حط ايده فوق ايدها وقطعو كيك خذا كريمه من الكيك وحطها بخشمها ضحكت:نياااف!!
دق تلفونها وكانت امها داقه كام قعدت يم نياف وردت وكانو كلهم ورا امها اول ماردت كلهم قالو مع بعض:كلل عام وانتتتي بخييير غزوووله
ضحكت:وانتو بخير وصحه وسلامه
نياف:ماعندنا وقت بعد شوي نييلكم يلا مع السلامه
صكر وخذا تلفونها وتلفونه طفى الجهاز وقعد يمها مد لها الهديه كانت كارتير و قوتشي وديور فتحتهم:الله خيال
ابتسم:تستاهلين اكثر
حضنته وباسته من عنقه:مشكور حبيبي
نياف:عيدي شقلتي
غزلان ضحكت:مشكور
نياف:لا الثانيه
غزلان:حبيبي
نياف باسها وغمض عيونه:عيون حبيبج وقلبه ودنيته كلها احبج وايد
غزلان:امووتعلييك
نياف:يلا حبيبه قلبي قومي بدلي ورانا يوم طويل وطلعه
غزلان:يلا قايمه
قامت وبعد ماخلصت شافته يعدل غترته بالمرايا وقفت يمه وبعد ماخلص رفع تلفونه:ابتسمي بصور
ابتسمت وصور بعدها رفعت تلفونها تصور:حط تلفونك على ويهك عشان بنزل ستوري
نياف:يلا
حط تلفونه على ويهه وصورت ونزلت ستوري كتبت:حبيبي❤️
نزلت ستوري وبعد ماخلصت عدلت حمرتها ومد ايده نياف وكان بيده اوراق وظرف استغربت:شنو هذا؟
نياف ابتسم:افتحي وشوفي
فتحت الظرف وكان تذكرتين سفر صرختت بحماس:امبييه وناسسه متى نروح؟
نياف حضنها من ورا:انتي تحددين متى
غزلان:الحين وقت دوامات شرايك بعد الفاينل؟
نياف:ابشري
باسته من خذه:صج حيل شكرا على كل الي تسويه لي
ابتسم:اذا ماسويت لج كل الي تبينه اسويه حق منو؟
ابتسمت ومد ايده لها يمسك ايدها مسكت ايده ونزلو تحت يطلعون ، بعد مرور ساعات طويله رجعو الفندق ياخذون اغراضهم ويطلعون يروحون بيتهم دق طلال على نياف:هلا طلال
طلال:جهزته وينكم؟
نياف:بالطريج خله لاحد يمسكه جايين
طلال:تمام بس ترا البنات يقولون بيركبونه
نياف:مو الحين اول شي انا وغزلان بعدين اهما
طلال:تمام
صكر منه والتفت حق غزلان لقاها تلعب بتلفونها مو منتبهه له حمد ربه انه ماانتبهت
شوي ووصلو طلع شي يغطي عيونها التفت لها :قربي اغطي عيونج فيها
طالعته بأستغراب ماسألت ولا شي لفت وحطها له:نياف لا اطيح يويلك
نياف مسكها:ماعليج ماتطيحين بس امشي
مشت شوي ووقف وراها يفتح الي على عيونها طالعت الي جدامها السيكل "الدباب" الي كانت تبيه نفسه بالضبط صرخت بفرحه لفت عليه تحضنه:امبيييه نييياف احلفف
نياف ضحك:والله
غزلان:وونااااسسسه
نياف:مابتجربينه؟
غزلان:اي يلا
نياف:يلا امشي نبدل ونجي نجرب
ركضت معاه يبدلون طلعت له وكانت بلوزتها فيها فتحه ومبين صدرها قرب منها ومسك مكان الفتحه عقد حواجبه:بتطلعين جذي؟
طالعت ايده الي على الفتحه:اي شفيه؟
نياف سحبها من خصرها:ابد مافيه شي بس فيه فتحه ومبين صدرج وضيقه
غزلان:لا تبالغ
نياف:و منو قالج راح تطلعين بهل لبس؟
غزلان:انا
نياف:روحي بدلي
غزلان:ماببدل وخر
نياف وخر عنها ودخل داخل يجيب جاكيت اسود جلد ماله جا عندها ولبسها وصكره:جذي احلا
غزلان فتحت الجاكيت وكانت بتفصخه وقفها:اذا فصختيه ببيع السيكل قلت لج
تأففت ولبسته وصكرته وحضنته ايده يطلعون ، ركبو السيكل كان نياف جدام وغزلان وراه ، حاضنته من ورا
غزلان:قلت لك انا بسوقه
نياف:لا اخاف عليج
لبسو الخوذه وحرك كانت مستانسه بشكل مو طبيعي شعرها يتطاير مع الهوا وسرعت نياف وكانت تضحك وترفع ايدها ، بعد مده رجعو القصر
غزلان:وناااسه
نياف:حيل
نزلو وشاف الجاكيت مفتوح عقد حواجبه ونطق بحده وغيره:مو قلت لا تفتحينه؟
قربت منه حاوطت عنقه تنسيه السالفه قرب منها حيل صار خشمها على خشمه وخرت وباسته من خده ونطقت بدلع:يلا ندخل داخل؟
لفت وجهها بتحط الخوذه سحبها له:تنسيني السالفه ببوسه ودلع؟حسبالج بنسى؟انطري بليل
غزلان قربت منه زياده ونطقت بدلع:خلاص عاد يعني بستانس حرام؟
نياف غمض عيونه يحاول مايتهور:لا مو حرام بس هالشي انا الي اشوفه بس غيري لا فاهمه؟
قاطعهم صوت خطوات رجول وخرت عنه جا طلال:ها شلون السيكل
غزلان ونياف:حلللووووو
ضحك طلال من شاف حمره غزلان طابعه على خذ نياف طالعت نياف ولفت وجهها بفشله قرب طلال من نياف وهمس:امسح الحمره الي على خذك لا يشوفها جدي ماجد ويفجر فيك
راح طلال ونياف ضحك وطلع تلفونه من جيبه يشوف الحمره ابتسم وشافها للحين معطيتهم ظهرها راح وحضنها من ورا:امشي ننام
طالعته وهو حاضنها:اي تكفى فيني نوم
نياف غمز:مابخليج الحين تنامين
تأففت:يصير خير
خذت خوذتها وراحت الصاله قعدت يمهم ونياف قعد يمها:طاففكم لازم تجربونه حدا خييال
تالا:بخااطرييي اجرببه
عبدالله قام:نياف جيب المفتاح حق السيكل
عطاه نياف المفتاح والخوذ وعبدالله قال لتالا تقوم
عنود قعدت يم غزلان:صورتي؟
غزلان:اي اصبري اوريج
طلعت الصور و الفيديوهات وورتها:خييال
غزلان:حدا
ديم:تبون نسهر نفس كل مره؟
غزلان حطت راسها على كتف نياف:لا بيب بنام
ديم:نوم العوافي حياتي
غزلان:يعافيج قلبي
نياف ضغط على ايد غزلان بغيره:بيب هذي تقولينها لي مو حقها
