Double Take (Lovesick Fools Series #1)

Chapter 12

Gorgeous

Hindi ako nakuha sa tryouts.

Ayos lang. Because of the incident that happened, I already expected it anyway. Nasangkot lang naman ako sa isang malaking gulo kaya hindi na rin ako umasa na makukuha pa. Ang hindi ko inasahan ay ang parusang iginawad sa aming dalawa ni Franco.

Maliban kasi sa isang buwan kaming maglilinis sa school grounds, kailangan din naming magbenta ng kahit anong pagkain o snacks sa darating na intramurals. Gago, e, one week 'yong intramurals! So one week rin kaming magbebenta?!

Sana in-expel na lang ako kung gano'n nga!

"Magkano daw ba dapat ang malikom niyong pera?" Natatawang tanong ni Diego matapos kong ikwento sa kanila ang naging hatol sa amin ni Franco. "Baka kaya naman ng allowance mo?"

Napakamot ako sa batok. We need to gain an income of at least five thousand pesos. Labas na roon ang puhunan. 'Yong perang malilikom namin ay gagamitin yata sa pagpapapintura ng pader sa likod ng school. Bwiset na 'yan.

"That's too risky. Since that was the school's punishment for the two of them, for sure may inassign nang magmamasid sa kanila to check if they're doing it the right way. Paano kapag nalaman na dinaya nila 'yong profit? Baka dagdagan pa 'yong parusa?" Sagot naman ni Eros.

I nodded in agreement. May point si Eros. Nakakatakot nga naman at baka buong school year akong magbenta kapag nangyari 'yon. Eh di sana tumigil na lang ako sa pag-aaral at nagsimula ng sarili kong business.

"Ano ba ibebenta mo? Bibili kami!" Halakhak ni Miggy.

"Aba dapat lang na bumili kayo kung ayaw niyong masira pagkakaibigan natin!" Iritadong sagot ko pero bahagya rin namang natatawa.

Biruin mo, nagmagandang-loob lang naman ako pero ito pa sinapit ko. Nagkanda leche-leche na nga mukha ko, maglilinis pa ng school at magbebenta sa intrams, tapos pangit pa sa paningin ng gagong si Rael! Triple kill. Langyang 'yan.

"Ano ba kasing nangyari at muntik na kayong magpatayan ni Franco? Dahil ba sa kapatid nito?" Kuryosong tanong ni Eros. I pursed my lips. Nagkatinginan kami ni Diego at nahuli ko ang pagngising-aso nito. I frowned. Ano naman kaya ang iniisip ng gagong 'to?

Miggy laughed. "Bakit? Hindi ba pweding trip lang nila? Warm up lang, gano'n..."

Napairap ako.

"Tama..." Si Diego naman.

I sighed. Inabot ko ang shot ko ng gin at inisang lagok lang. Agad ang pagkalat ng pait nito sa lalamunan ko pero hindi iyon halata sa mukha ko. Hindi naman ako lasinggero, pero mas lalong hindi ako baguhan sa ganito.

Kasalukuyan kaming nasa kubo malapit sa palaisdaan nila Diego matapos magkayayaang mag-inuman. Sabado ngayon at matagal na rin ng huling beses kaming nag-inuman. Nagkasundo rin naman kami ni Rael na wala muna kaming tutorial session ngayong weekend kaya ayos lang siguro na uminom ako ngayon.

"I heard that Rael Villarin was also on the scene yesterday. Mabuti at hindi napagdiskitahan ni Franco?" Tanong ni Diego. My eyes immediately snapped on him. He looked bewildered in the fact that his question immediately got my attention. He then smirked at me as if he knew something that I didn't. Nagtiim-bagang ako.

"What about it?" I asked coldly.

"You know... about the rumor that Villarin rejected Franco's sister..." He trailed off.

I shifted on my seat uncomfortably. Si Eros at Miggy na abala kanina sa pulutan ay napatigil at seryosong nakinig. Habang pangisi-ngisi naman si Diego.

"Gabbi was so heartbroken. But well, I understand her. Sobrang gwapo rin naman talaga ni Villarin. Matalino pa. May pagka mysterious vibe—"