ا#لعاشق و #الأميرة

حلقة 1_12

بقلم الكاتبة هاندا ريفالدا
#بقلم_هاندا
1
👑👑👑

كانت  صاحبتي هاذي أسماء تسكن توالنا ونقراو كيف كيف  في نفس الكلاسة  دايما نشوفها تايهة حت وين اصريت عليها تحكيلي مبعد عرفت بلي تحب واحد إسمو نبيل وهذا معروف هنا في المنطقة مكانش لي تشوفو ومتضربش فيه عشقة  معروف بسواردو يضل رايح جاي بطمبيل كل يوم يبدل وحدة ويستعرض بيها قدام البنات لي يضلو حالين فامهم وعينيهم قلوبا وهي وحدة منهم بصح هو مكانش معبرها ولا شايفها أصلا  وهي بغات تهبل  ،جابت مدة وهي مكتأبة كنت نشوفها كي تبقا تشوف معاه وتحاول تجدب إلتفاتو حتى تغيضني  ، وحد النهار كنا هذاك وين خرجنا من الليسي شافتو مقاري كما عوايدو وينفخ ف الدخان هاز تلفون ويحكي بيه  حبست وحبست أنا  مركزة معاها -اسما وشبيك رايحة توكليه بعينيك -اسكتي خليني نكحل  شفيته أميرة  شحال زل ياااا ربي يهبل دالي العقل ، ضحكت وقتلها عقلك صاي راح وطفرت أمشي وليت نطبع فيها وهي لاصقة في الأرض -أميرة وشبيك ي مصيبة خليني نشبع عيوني -بفففف حق ربي ي نتي غير هبلتي السيد مكيش تشوفي فيه  راه لاتي يحكي بتلفون وقيل عندو لي يهدر معاها ويا درا شحال من رقم ..هاندا ريفالدا للقصص.... طبعتها بالجهد حتى فتنا عليه  بارفانتو دوخ  البعير ...وصلنا كل وحدة دخلت لدارها ...وبقيت فترة وانا نحاول ننبه فيها منو ونحاول نشرحلها الوضع وبلي حب من طرف واحد ومنا منا  حتى لنهار لي جاتني تبكي للدار قاتلي -أميرة رايحة نهبل تعيشي دبري عليا راني منرقدش نوم هاربلي كل مغمض عيني يجي بين عينيا نحبو  ،،،مهم بقات تندب على راسي حتى قررت نعاونها ونسيي نقرب بيناتهم وهذاك لي صار  عطاتني نومرو تاعو شي منين جاباتو عيطتلو أنا رفد عليا  -الو -الو كنت نرقق في صوتي قالي -وي #### هنا عرفتو بلي مخلطها  بكراع كلب  محبيتش نخبرو شكون انا قتلو -أنا صاحبة أسماء -وشكون اسما هاذي -وحدة تحبك وطايحة فيك (كنت سادجة هذاك الوقت وبهلولة) كي قتلو هكذا هو ضحك ضحكة من قلبو قالي -تحبني وطايحة فيا مالا  أنتي هي أسماء قولي علاه تدرقي -لالا راك غالط انا والله غي صاحبتها حبيت نوصلك هاد المساج منها  ،سكت مبعد قالي جوزيهالي هاذي لي تحبني وطايحة فيا  ،شفت فيها لقيتها مركزة عشرين على عشرين مديتلها  تلفوني تهدر معاه  هي معندهاش تلفون  وانا خرجت وسكرت عليها الباب وعاسة لا تجي ماما ونعشي انا لي مدية طريحة... فاتت نص ساعة ولا  و دخلت قتلها صاي لقيتها مزالت درتلها بيدي -يالله ليكيدي ماما جاية هنا ولات كوبات عليه  وبقات تحكيلي وش هدرو ومنا ومنا ومن ثم عادو كل يوم يهدرو وحتى تطورت علاقتهم وتقربو من بعض عادو يحبو بعضاهم  ولا ضاهريا الله اعلم مهم هي كل منسقسيها تقولي يحبني ونحبو  ومنا منا  ...
حطو جام في كل حلقة
#بقلم_هاندا
2
👑👑👑

اليوم جاتني في المغرب مزية لي دارنا متفهمين شوي وكي عادت جارتنا عادي يعني دخلتها وكي العادة تحوس على تلفوني بش تعيطلو ، دخلتها للشمبرة حكات معاه  وأنا  بقيت معاها بيسك خويا كان هنا  ، قد محاولت نشتغل روحي بكش عفسة لقيت روحي نتصنتلهم وش يحكيو  مطولتش عطاتني تلفون وخرجت وصلتها للباب عيطتلي ماما نتعشا  رحت تعشيت وغسلت المواعين  انا ومرت خويا   صليت صلاتي  و رحت حكمت بلاصتي في شمبرتي سمت صوت ميساج  في تلفوني ، رحت نشوف لقيتو ماسانجر تاعها نساتو محلول عندي وهو بعتلها ميساجات الدنيا منعرف كيفاش حبيت ندخل ونقرعج عليهم كانت جاست عفوية مني ،  بديت نقرا ساعات نضحك ساعات نحمار ونحشم ي ربي وش هذا الكلام  بصح منكدبش عجبني يعرف يعبر ورومانسي للخر  تالمو تأثرت وهاذي صاحبتي نعرفها حطبة وجاية متعرفش تهدر وترد تقولو  غير - إيه -داكور- اممممم- قلقتني  رديتلو انا وحد العبارة هكذا شوي سبيسيال نلقاه  رياجالي فيها بقلب وبدا يرد عليا وانا رحت معاه شغل أنا  هي أسماء وعجبني الحال  جبت معاه لساعتين  وهو مش فايقلي ....غفيت للصباح لبست قشي فطرت وخرجت رايحة نقرأ فت عليها خرجتلي مغمضة وقيل مريضة -وشبيهم عينيك -والو بلاك الهواء بايتة التاقة محلولة فوق راسي، واحنا ماشين جبدتلي على نبيل هذا  قاتلي يلزمني ندبر تلفون نعود نحكي معاه هذا عدت نحشم نجبدو توالو  يدي ويجيب غير الهدرة وساعات ميسمعش خلاص (هي عندها  تلفون حطبة)  قتلها هاو تلفوني الا تحبي تتواصلي معاه قاتلي لوقتاش نبقى نجي عندك دك يفيقلي ويفيقولي تاع دارنا  مبعد  قاتلي خلاص دك نمدلك مود باص تاعي وعودي ادخلي منو ووكي تلقايه باعتلي لي ميساج ردي عليه على اساس أنا وخلاص -من نيتك أسماء متخافيش يفيق -وين رايح يفيق انتي حاولي متغلطيش ف الهدرة برك  ...كنا وصلنا توال الليسي شافاتو يستنا فيها ليه ليه تحولو عينيها  دخلت وخليتهم  ،،، غير دخلت للكلاسة بقات تحكيلي وش يقولها ووش يحكيلها  حتى فيقتنا البروف خبطتنا ب ستابيلو جا في وجهي -أميرة ولي معاها انتبهو  معايا سينو نخرجكم  انا صفرت وقرصتها-هذا كامل بسباب  نبيل تاعك ناضت تضحك ..هاندا ريفالدا للقصص .... بعد مخلصها اليوم واحنا خارجين كي العادة كان يستنا فيها برا جبدت على جهة في الكوانة شارلي بيدو تحية تبسمت معاه وهو جبدها توال طمبيل مخبيها على الغاشي طولو وهما مع بعض حتى تقلقت  وليت عيطت عليها خفت يجوز واحد من خاوتي ويشوفني بيسك كان الغاشي فض وخوات الحالة غير العساس يشوف فيا وفيهم  ، جات توالي وتضحك منعرف وش قالها طول الطريق وهي تحكي عليه  وطاير عقلها وانا مركزة مع كل كلمة تقولها وتحكيها عليه ...وهكذا مشات ايام على نفس الحال ف النهار هي لي تحكي معاه وفالليل انا على أساس هيا واكيد بعلمها بيسك هي لي عطاتني الاوكي..كل ليلة نجيبها معاه للثلاثة تاع الصباح نتمعشق على اساس أسماء لي تحكي معاه  صراحة عشقت فيه منكدبش طحت على راسي ونسيت خلاص انا شكون وهو شكون وأسماء شكون  تالمو سكن عقلي ومخي ساعات أنا لي نبادر بميساج من عندي بش يردلي كما اليوم وصلت الوحدة تاع ليل ومبعتش وانا تالمو والفتو بعتلو (وينك حبيبي توحشتك) ثم ثم ريبوندالي وبدينا كما كل يوم كلام الحلو ومنا منا  حتى وصلت السبعة تاع الصباح  وتالمو نقرأ بكري مشبعتش نضت مدوخة خلاص  حتى اسما تولهتلي -اي وشبيك تباني بايتة ساهرة شفت فيها -اااه والو راسي وجعني برك مقدرتش نرقد ، مبعد وصلنا لليسي طول الحصة وهي تحكيلي عليه وانا ندمجت معاها بلا منجيب خبر لقاتني  اني لي نحكي عليه  مزية مزبلتهاش بيسك لي ميساج كنت نفاسيهم نخلي غير تاع لباس بخير صافا  بش متفيقش الله غالب طحت فيه وعلابالي حرام ويسمى غدر  بصح هذا هو القلب الطحان ...#بقلم_هاندا
3
👑👑👑