بين عينيها حكايا

الجزء الخامس والأربعون

بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
.
تعليق بين الفقرات وتصويت دعماً للقصة
متابعة للحساب دعماً للقصة لطفاً ❤️
.
.
.
لا تخف من ثورتي وغضبي
بل عليك أن تخاف من هدوئي

شمس
___________________

صوتة يرن بأذني
وأحرك راسي ممصدگة اللي دااسمعة
حروف الجملة اللي گالهة تداخلت
وتحولت لصوت طنين يفتر ويفتر ويفتر بدماغي
بمحاولة للهرب والتلاشي
مستحيل يكون كلامة صح

همست مرة ومرتين وثلاثة

-مفهمت يحيى مفهمت ويييين وووين جنت وين

-بس تماسكي شمس افهمج شوية شوية

-بس لتگلي الكلام اللي گلتة حقيقي
اني دااتخيل مو اتخيل كلامك

-بنيتي شمس

-ماااااريد لتعيد الكلام يحيى

-البقاء لله يومهة هذا شمس يوومهة

علة صوت نحيبي
وحظنتني ظلال بقوة
والتلفون لازال بيدي واسمعة يحجي

-شمس حبيبي تسمعيني بس قوي نفسج خل نحجي

مسحت دموعي بقوة وجريييت نفس مثل مگالي

-قتلوهة مووو يحيى خلصو عليهة

-لا والله

-شلون لعد شلون ماتتت

-منتحرة

وگع التلفون من ايدي واني اتخيل المنضر
هنوف الهادئة الترفة
مستحيييل انتحرت مستحيل

رفعت ظلال التلفون خلتة بيدي

-شلون ووين انتحرت

-بغرفتهة مسوية حبل من الجرجف مالهة ومتعلگة بالمروحة

نحبت برعب ليييييش هيج هنوف ليش

-يحيى دفنتهة موووو

-اييي شمس عمهة مقبل ياخذ الجثة
وخطية يومين بقت بالثلاجة

-شصااار راح امووووت شلون ماتتت

-انتحرت والله بغرفتهة

-شنوو السبب

-مقبلو استئنافهة
وبالمقابل قبلو استئناف ابن عمهة القاتل
ورتبو أوراقة كمدمن وفاقد الاهلية
لذلك خففو حكمة ل٧ سنوات

-وهيييي اللي مالهة ذنب قتلت نفسهة

-تاركة رسالة وراهة

بجيت بصوووت

-يمك الرسالة

-يمي

-اقرالياهة يحيى

-مستحيل مااگدر اذا سمعتيهة متتحملين

-اررريدهة يحيى جيبلي الرسالة