#جَحيم_ليالي_فبراير
الكاتبة:- فرح أحمد
لا تنسون التصويت والتعليقات بين الفقرات، قراءة ممتعة .
─ׂ─ׂ─ׅ─ׂ─ׅ─ׂ─ ۰ ★
" أسمَر "
تصوبت بـ رجلي بس ما توقفت وصعدت بالسيارة اللهث سديت الباب وأنطلقت، أبتعدت عن البيت والمنطقة بقدر الأمكان وأنداريت شفت ميِشِيل بصفي من الصدمة گمت أضحك درت عيوني على الطريق مكمل سياقة صاحت كارولين وهي تبچي وتون...
(كارولين):- شنو متفقيينن عللييةة لوو شنو
(أسمَر):- شوف هاي راح أرتكب بيها جريمة كثر ما تصيح
(ميِشِيل):- برأيي يجوز الجريمة تصير بيك اليوم
(أسمَر):- هم صح يجوز تصير
حط ورقة بأيدي بمعنى أقراها فتحتها وقريتها ذبيتها علية وأردفت بتحدي :- بسيطة
(ميِشِيل):- أي عود شوفني
الطريق صمت وأنا لعبانة نفسي من هل لعبة الوصخة لحد ما ست كارولين قررت تكسر الصمت مرة ثانية :- دأموتت
(أسمَر):- وموتتهم
حچيتها لو تورطت أجتني دفرة من ميِشِيل خلتني أسوي أستدارة بغير قصد لو ما عدلت الستيرن چان سوينا حادث، طبگت السيارة وباوعت علية عيوني تريد تطلع من مكانها...
(أسمَر):- خبل أنتَ خبل؟؟!
(ميِشِيل):- ديلا تحرك بسرعة ما أريد أناقش
(أسمَر):- أتحرك لخاطر هاي المسكينة الي وراك منا جرحها ينزف ومنا وجهها عبارة عن خريطة العراق
راد يطلع سلاحة وهنا تحركت بسرعة لأن أعرف هل شخص أخبل مني ويسويها ويرتكب بية جريمة، وصلنا للعنوان وشفت ماركو واگف ينتظرنا نزلنا من السيارة وردت أنزل كارولين بس فجأة واحد دفعني أبتعدت أضحك علية وشلون عود يغار عليها
نزلت وهي تباوع علية بنظرات حقد غمزت الها وهي تخبلت بالزايد دارت وجهها وراحت ويا الي نزلها، درت وجهي وشفت ماركو بوجهي أردفت بضحكة :- شبيك حبيبي؟
(ماركو):- هاي شنو صاير بوجه كارولين؟؟
(أسمَر):- ما أگدر أحچي گدام ميِشِيل وهذا
(ميِشِيل):- أوف سوسن شبيها مستحية؟
رفعت أيدية الأثنين بمعنى معلية ما أحچي تنهد ماركو تنهيدة طويلة وفرك وجهة مثل الحاير...
(أسمَر):- هسة أنتَ ليش مدوخ روحك گلت الك ما أحچي وذولة موجودين
تقرب ميِشِيل وراد يهجم علية بس وگف گبالة ماركو يهدأ بيه ميِشِيل أبتعد ورجع لمكانة ضايج حيل، راح ماركو يمهم وضل يحچي وياهم وأنا مستند على السيارة متألم من رجلي چانت بوكتها حيل توجعني بس عادي متعود باوعت على كارولين الي تخزر بية وهي هم متألمة درت وجهي أضحك بخفة أول مرة بحياتي بنية تضحكني وتستفزني هيچ
أنت تقرأ
جَحيم ليالي فبراير
Mystery / Thrillerفي أحدى ليالي فبراير يُقتل مُحقق عن طريق عصابة تارك وراءه عائلته وبين ليلة وضحاها ليربط ملفه بين عائلة مسيحية وعائلته المسلمة يا ترى ما نهاية هذا الملف؟.. #جَحيم_ليالي_فبراير للكاتبة:- فرح أحمد .
