بين عينيها حكايا

الجزء السادس والأربعون

#بين_عينيها_حكايا
.
.
.
.
.

ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
تعليق بين الفقرات والتصويت دعماً للقصة
متابعة الحساب دعماً للقصة لطفاً ❤️
.
.
.
.
نسقطكم من حيث رفعناكم
نطويكم طي الصحف أن وجب

شمس
_____________________

لحضات حزن
و تعب وكأن جبال الدنيا حطت على كتفي
حروف كلماتها تتراقص
بدماغي مثل نوتات موسيقية حزينة
وترجع تدووور بمخيلتي فكرة الخلاص
خلاص من هالحياة رسالتهة
مجانت رسالة أنتحار ابد
جانت رسالة أنتقام من الظلم والأذى
رسالة توبيخ لكل العالم بكواكبة ونجومة ومجراتة
ورجعت أتذكر گعدتنة احنة الثلاثة مجتمعين
على سرير واحد استبرق بيدهة نستلة تاكل منهة قضمة وتنطيني اني اكل منهة اللخ نلح ونحجي
ومنتظرين هنوف تحجي قصتهة اللي
بدتهة بهالجملة

-جنت بنية وحيدة
وحيدة لأبوين خلفوني على كبر ابوية
جان الأخ الجبير وبعدة أخو واحد اصغر منة
عاشو أيتام اثنينهم اهلهم ماتو وابوية جان عمرة ١٧ ربة اخو وكبرة لحد مصار معلم
وابوية ترك مدرستة لخاطرة حتى يكمل دراستة
تعب ابوية وجاهد
كبرو وقرر عمي يتزوج معلمة ويا
المعلمة جانت حلوة وصغيرة موت نفسة عمي
لخاطرهة
ووافق أبوية وبالفعل تزوج
عمي وبدت ابوية رحلة معاناة
عدم احترام من زوجة عمي
وسوء تقدير لذلك
ابوية بلغ عمي ان هو ماعاد يريد يشوفهة بالبيت
فعزلو نفسهم بالطابق الثاني من البيت
وعدهة عرف ابوية ان محد يفيدة وبعمر الأربعين
خطب امي جانت اخت شريكة بالمحل
جبيرة بالعمر وأرملة زوجهة استشهد بالحرب
وگعدت ببيت اخوهة
تقدملهة ابوية ووافقت
وكانت نعم الزوجة وسبحان الله وعلى كبر بنهاية الثلاثينات
حملت بية يگول ابوية السعادة غمرت بيتنة
والفرحة صارت ضعف الفرحة من اجيت للدنيا وطلعت
بنية

اما عمي فصارو عندة ولد ثلاثة جان يمشي فخور ومعتد بنفسة ان خلفتة بس اولاد
اما اني فبقيت الوحيدة
لأهلي بدت مشاكل مرت عمي وخباثاتهة
تغرگ الدرج مي لحد ميفيض بيتنة
تخلي ولدهة ينزلون يزبلون
گام ابوية واتفق ويا عمي ينطي حصتة من بيت
اهلة ويطلع
وهيج البيت راح يكون النة
وصار هالشي بالفعل
وابوية ضاعت من بالة فد تفصيلة
صغيرة هي ان يسوي اوراق رسمية
بتنازل عمي عن البيت
ومرت السنوات وعمي مبيت النية لأبوية
وجاب طلب رسمي من المحكمة ببيع البيت
ويتوزع المبلغ مناصفة بينة وبين ابوية
ابوية رفض وگالة

- انت اخذت حصتك ماالك شي يمي بعد

وعمي يحلف يگول مااخذت
ومرت الايام كبرنة وعمي ساكت وسوة نفسة
الحنين اللي يحب اخو وگامو يطبون ويطلعون علينة
ورجعت العلاقات
الى ان حلت الكارثة
وصار اللي صار
وانقتلت امي على ايد ابن عمي
والنية جانت واضحة ان ابن عمي يقتل امي ويشرد
وابوية يوگع بيهة
وعمي يزوجني ابنة وهيج يرجعلة البيت
بس اللي مجان محسبلة عمي ان ابنة راح يكبسل
ويعترف على نفسة بالجريمة
بس بطريقة وبعد ما وعى على نفسة
اعترف علية وعلى ابوية
وصارت بالفعل ابوية مات مظلوم
واني يمكم هنا بجريمة ماارتكبتهة