حياه

الفصل الخامس والعشرين

اللهم صل وسلم وبارك على سيدنا محمد وعلى آله وصحبه وسلم........

انا قررت اني اسميه الفهد على اسم بابا فهد
فرح الجميع بهذا معدا واحده فقط قالت
بس بابا اسمه احمد مش فهد ياعمر هكذا قالت الحرباء نسرين بحقد لم تستطع مدارته

نظر لها الجميع باشمئزاز
فرد عليها الطفل بحزن

انا عارف ان بابا اسمه احمد وأنه عند ربنا بس انا بحب بابا فهد جدا وحاسس أنه كمان بابا نزلت دموع من عيون الصغير وأكمل وبعدين بابا فهد بيعاملني زي بابا احمد ويمكن احسن وانا بحبه وهو كمان بيحبني مش كده يابابا بتحبني

احتضنه فهد بشده وظل يقبله وقال له بحنان
كده ياقلبي انا بحبك اوى ياعمر انت ابني خليك عارف ومتأكد اني شايفك ابني الكبير

خزن الجميع على خزن الصغير ودموعه وخاصه في يوم ميلاده
وهنا تدخل امير بمرح
عمر يالا نتسابق انت اركب المهر بتاعك وانا هركب الحمار الي هناك ده
قههقه الصغير على كلام امير وقال بطفوله
انت بتخاف بأمير من الخيل
رد امير بطفوله
لا مش بخاف بترعب
ضحك الصغير مره اخرى ونسى حزنه وظل امير بمرح معه هو والجميع
أما تلك الحرباء حاولت تبرير موقفها
انا مكنتش اقصد حاجه بس كنت فاكره الولد مش عارف مين باباه
هنا ردت حياه لم تستطع أن تسكت أكثر من ذلك
لا انت كنت قاصده عمر عنده ست سنين دلوقتي ولما باباه اتوفى كان خمسه يعني عارف باباه كويس
واكيد انت عارفه كده بس حاولتي تكسري فرحه ابني

ردت نسرين بتمثيل البكاء
وانا هعمل كده ليه انا بجد كنت فاكره أن نسي باباه فحاولت الفكره مش اكتر

فقالت حياه
اه فعلا كتر خيرك

نسرين ببكاء مصطنع
صدقني يافهد مكنتش اقصد حاجه

فهد بهدوء
مصدقك يانسرين معلشي اعزري حياه

نسرين بقصد
عادي ياحبيبي مفيش حاجه

ذهل الجميع من هذه الحرباء وودت جوري ومني وحياه أن ينقضوا عليها
حياه لمنى بهمس
انا هقوم اجيبها من شعرها خلاص مش قادره
ردت منى
انا نفسي اقلع إلى في رجلى واديها بيه على دماغها الكلبه دي

وهنا جوري همت أن تتحرك نحو تلك الحرباء
لا انا فعلا هروح اضربها اعضعها اعمل حاجه علشان ارتاح
امسكتها حياه و
اهدي ياجوري هي عايزه كده سبيها بكره تيجي الفرصه وتعلمها الادب
سكتت جوري
أما نسرين فكانت في قمه سعادتها أن فهد لم ينهرها عندما قالت له حبيبي إذن فإنها اقتربت من هدفها

انتهي اليوم وصعد الجميع إلى غرفهم ذهبت حياه الى غرفه عمر حتى تحممه وتعده للنوم
حياه بحب لعمر
كل سنه وانت طيب ياعموري
رد عمر وهو يقبلها
وانت طيبه ياماما
حياه
اتبسطت النهارده ياعمر
عمره بسعاده
جدا جدا ده احلى يوم بقى عندي مهر وعندي بابا وكل الناس إلى بحبها معايا معدا طنط سردين
دي انا مبحبهاش وبعدين جتلي العاب كتير هبقى اشارك نور وحور ونلعب بيهم سوا وانا كمان ابقى العبي معايا انت وبابا ماشي
ردت عليه حياه بحب
ماشي ياعموري هنبقا نلعب سوا وقبلته وقالت يالا ننام بقا ولا ايه تصبح على خير ياحبيبي
رد عمر
وانت من اهل الخير ياماما
دثرته ثم أعطته قبله على رأسه وغادرت إلى غرفتها
فتحت الباب وصدمت مما رأت ..