نشوف اول مشهد فى الحلقه الاولى مريم هانم نازله من سلم الدور التانى ب فستان راقى ومحتشم وهى بتنده على الخادمه زهره
مريم: زهره ..... يا زهره
جريت زهره لستها مريم
زهره : أوامرك يا يا مريم هانم
مريم : الولاد صحيوا
زهره : ادهم بيه صاحى من بدرى بس بياخد شاور ونازل و مراد بيه لسه مجاش من امبارح فى شغله و نور هانم بتلبس ونازله
مريم (بأستغراب): امال زين فين
زهره : اا هو جه على الفجريه كدا ولغايت دلؤتى مصحييش
مريم (بديق): طبعا مش هيصحى باللى بيعمله دا ، تطلعى حالا تصحى وقوليله مامتك بتقلك متتأخرش على الفطار .... وخلى سميره تجهز السفره يالله
زهره : عنيه يا هانم
طلعت مريم تقعد فى الجنينه شويه عقبال ما الفطار يتحط على السفره زى عادتها
وطلعت زهره تخبط على زين مش راضى يفتح خبطت تانى مفيش صوت ف فتحت الباب اتكسفت تدخل لانه مش لابس تيشيرت ، بس حاولة لانه لازم يصحى
زهره : زين بيه .... زين بيه اصحى
زين ابتسم وهو نايم راح شد ايديها
زين : مش هتحنى عليا يا زيزى بقا
زهره شدة ايديها بكسوف
زهره : زيزى ايه يلهوى زين بيه اصحى الفطار تحت
وطلعت تجرى وقفلت الباب اتعدل بعد ما حس بالمصيبه اللى عملها ومسح ايده على وشه ودخل الحمام بنعاس
نروح بقا لدنجوان العيله ادهم صبري العدوى
كان بيشرب سيجاره فى البلاكونه وهو مش لابس تيشيرت جاله تليفون فجاه
ادهم : الو ....ممم... مين دى .... طيب لما اجى يا معتز
وقفل الموبايل ودخل حطه على الترابيزه ودخل ياخد شاور
نزلت نور وهى لابسه لبس الجامعه الشيك اللى كل البنات بتغير منها وبتتكلم على بنت العدوى المدلله
نور : (بابتسامه): صباح الخير يا مامى
مريم : صباح النور يا حببتى
زين (بكسل ): صباح الخير
نور : صباح النور يا زين
مريم (شبكت ايديها فى بعض ): كنت فين امبارح يا زين
زين : فى النادى
مريم : فى النادى ولا فى الزفت عند الرقاصه بتاعتك
زين : كنت عند الرقاصه بتاعتى
مريم : انت قليل الادب
نور : خلاص يا مامى خلاص يا زين بقا مش كل يوم يعنى
