"حبيبي صباح الخير ياقلبي"
"صباح الخير يا ماما اومال فين بابا" صبح علي مامته اللي كانت واقفة بتشرف علي الخدم
"مش قولنا بلاش ماما دي انا صغيرة علي كلمة ماما دي و بعدين ياسيدي باباك في المكتب دخل يبعت أيميل لحد ما نحضر الفطار"
قلب عينه و هو بيضحك "مبيبطلش شغل الراجل ده"
"أبن الوز عوام ما انت كمان طالعله... "
قاطع قسمت جرس الباب اللي كان بيرن بسرعة "أيه ده في ايه"
"أستني انتي يا ماما"
راح خالد فتح الباب و اتفاجئ بوجود الشرطة قدامه "حضرتك الاستاذ خالد جلال الزناتي" سأله الظابط
"أيوة؟" رد خالد بقلق
"في ايه يا خالد" سألت قسمت بخوف و قلق
حاول خالد يهديها "متقلقيش يا حبيبتي أستني"
"معانا أمر من النيابة بالقبض عليك" اتكلم الظابط و هو بيخرج أذن النيابة من جيبه و بيديه لخالد
"جلال ألحقني يا جلال" صرخت قسمت لجلال اللي خرج بسرعة من المكتب و أتجه للباب
"أيوة بس انا عملت ايه" سأل خالد بقلق
"هتعرف كل حاجة فالنيابة أتفضل معانا" مسكه الظابط من دراعه
"في ايه يا حضرت الظابط" حاول جلال يعرف من الظابط لكنه تجاهله و فضل ماشي بخالد للعربية
"كلم كريم يا جلال بسرعة" قالت قسمت و هي بتعيط
"اهدي ياقسمت خليني اعرف اتصرف..." رفع جلال تليفونه و طلب كريم .. "كريم حصلني علي نيابة العجوزة حالاً خالد اتقبض عليه"
كريم: "اتقبض عليه ليه ايه اللي حصل"
"معرفش يا كريم محدش قال حاجة يلا بسرعة"
خرج خالد مع الظابط و وراه قسمت و نزل نادر بيسأل "ماما خالد ماله"
عيطت قسمت "معرفش يا نادر معرفش"
"متخافش يا خالد انا وراك انا و كريم متخافش ابوك معاك" اتكلم جلال و هو بيركب عربيته
ركب خالد البوكس و عينه جت في عين نادر اللي كان بيبصله بصة غريبة كلها دموع
بس خالد شافها من منظور تاني شافها كلها ندم و ممكن انتـ.قام؟
و في لحظة حس ان المشهد بيتعاد قدامه
(فلاش باك)
"لا انا عارفاها دي بنتي اكتر منك" ضحكت قسمت لفريدة اللي قلبت عينيها
"بقولك ايه لو انتي خدتيها فـ انا واخدة منك ولدين زي القمر" ضحكت فريدة و هي بتغمز لخالد و نادر اللي ضحكوا معاها
أنت تقرأ
تمن أختيار
Romance"معانا أمر من النيابة بالقبض عليك" اتكلم الظابط و هو بيخرج أذن النيابة من جيبه "انت متهم بجريمة قــ.تل" "انا مقتلتهاش،، هقتلها ليه و احنا كنا هنتجوز بعد يومين!" "الاخبار بتذيع خبر القضية عالتلفزيون" "و أكد رئيس النيابة سامح فاروق المسؤل عن قضية...
