هو يريدها ملكه لا يراه أحد غيره
وهي تريد الحياة و الحرية
من سيفوز رجل احب حتى جن جنونه
ام امرأة تريد تحقيق أحلامها
في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين
قصة بدراجة الجزائرية 🇩🇿🇩🇿
كلات عمرتها كالعادة تفتحتها الشهية ماشي كما لبارح و ما هامها حتى واحد من لي قاعدين معاها في نفس طابلة اغلبية متعرفش اسماء تاعهم ممبا و ما ناوياش تعرف اسماء تاعهم ممبا
خرج و منبعد ما خلص فطورو بلاما يهدر خرج ديراكت ركب طونوبيل و ديمارا مدورش وراه هي قررت متطلعش لاشومبر تاعها تقعد دور شوية في هذا لقصر اموا تحفظو متقعدش غريبة متعرف والو حتى وصلت لصالة العائلية و لقاتهم يهدرو بلي معروضين عراضة فليل و سمعت اسم شركة امبوسيبل متروحش امبوسيبل لازمها تروح لازمها هزت تيليفونها عيطت للمساعد تاعها ز قالها بلي صح راهي معروضة و هدرو شوية على لخدمة و زادت عيطت لصاحبتها زينب و تفاهمت معاها و قالتلها تهبط لدزاير كاش ما تعاونها و تهرب منو و من هبالو
وصل ليل سناتو يجي مجاش و سقسات لخدامة عليه قالتها نورمالمو ميجيش راهو معروض للحفلة و يروح ديراكت ميشقاش لدار و يعاود يولي جاتها من الجنة راحت دريسينغ جبدت لي غوب قاع لي كانو تما و بدات تخير لي تجيها شابة فرصة كما هادي متتعوضش الا حاط هو في بالو بلي يقدر يحبسها نو وامبوسيبل لبست ماكيات ماكياج تقيل بزاف و لي زاد برز الجمال تاعها لون الاحمر المخملي لي حطتو في فمها لي زادها جاذبية
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
تفهامت مع مساعد تاعها طونوبيل تسناها خارج لقصر هبطت و خرجت من باب لقصر حتى لقات بوتيغارد انفاص ليها بوتيغارد(عيناه فلأرض مهزهمش عليها):ميسيو فهد امرنا انثالدي تخرجي ريماس: هو لي قالي خرجي بوتيغارد: مقالناش ريماس: يقلك ليك راني مرتو نسا هدا مكان الا تحب نعيطلو و نقولو راك مكتر معايا الهدرة و خليتنيش نخرج بوتيغارد(ما لقا ما يقولها خلاها تعدي )
ركبت و ديمارت و ضحكة واصلتلها لوذنها و اخيرااا خرجت من قصر تاع لخرة كانت قادرة تخرب بصح متقدرش فلمومو هادا علابالها بلي يطلعها من سابع لرض و زيدلها باسبور تاعها معاه هو مخبيه عندو يعني امبوسيبل تهرب منو و تقعد فدزاير
بوتيغارد مقدرش يصبر هز تيليفونو و عيط على فهد بوتيغارد(بتوتر): ميسيو فهد فهد(ببرود): واش كاين بوتيغارد: مدام خرجت و مقدرتش نحبسها قالتلي بلي انت هو لي قولتلها تخرج فهد(كوبا عليه ديراكت بلاما يهدر معاه)
ركب طونوبيل تاعو و ديمارا كان مسافر لولاية خلاف مي بسبتها منهار عرفها وهي تزغد جامي قعدت في بلاصة علابالو بلي راحت للحفلة لي كاينة ليوم ديمارة ديراكت ما شايف والو قدامو ابار خي يحكمها امبوسيبل يشفعلها هادي المرة خلاص
انا عندها دخلت للحفلة بكل ثقة نسات فهد و نسات لافامي تاعو مراحتش جيهتهم ممبا دارت روحها متعرفهمش همها غير تدير صفقات و تبروفيتي المعارف على قدما تقدر غافلة على شيء لي راهو يسنى فيها
ڨسرت و ضحكت و كلات و شربت وهي واقفة مع واحد تهدر معاه في امور الخدمة حتى حست بيدها تجبد بلافورس تا و جعها ريماس: اييي يدي هزت راسها شكون بخلافو لي يقدر يحط يدو عليها ابار هو لي منهار عرفتو وهو مهبلها فحياتها كلما يلقاها لازم يفسدها عليها واش جابو لهناا شافت فيه عيناه الحومر تحلف عليه ماشي بنادم خافت منو علابالها و كان تقعد معاه راس فراس امبوسيبل تخرج حية ميديلها والو ليوم يقتلها ما فيهاش
جبدها قدام غاشي كامل وهي تعيط واحد ما قرب ليها يعاونها كامل قعدو يتفرجو فيهم
طلعها بسيف لطونوبيل وهي مزالها تحاول تهرب منو وهو شادها قريب يكسرها يدها
ريماس: فهد بلعقلي على يدي راك وجعتني فهد(مردش عليها ركبها و راح ركب هو و ديمارا و دم يفور لداخل فيه) فهد(يهدر و يعيط): واششش قلت لقسامكككك انااااا ريماس: بلعقل شوف والله ما كاين والو عرضوني و لعراضة هادي لازمني نحضرلها منقدرش منحضرش فهد(خبط الفالو): و هدرتي انا و هدرتيييي ريماس: ما درت والو حاجة نورمال خرجت ساعة برك ساعة ما فيها والو فهد: و مزالك تهدري مزالك لحمك كامل على برااااا صدركككك لي يسوا و لي ميسواششش شافووو و فخاذيككك(و ضربها على فخاذيها حتى تسمع صوت ضربة) ماكياج لي في فمك راكي تقوليلهم شوفو فيا شوفو في شواربي شوفي في صدري اناااااا حاجتي واحد ما يشوفهااااا خلقت لياااا و تقعد ليااا لي يشوفها عينو نخرجها من بلاصتها كارا قدام لقصر هبط و قفل عليها طونوبيل مخلاهاش تهبط
فهد(بعياط): شكون لي كان مسؤول على الباب بوتيغارد(لي من قبيل): انا اميسيو فهد فهد(قرب لعندو): واش قلت لقسامك بوتيغارد(بخوف): متخليش مدام تخرج فهد: وانت واش درت بوتيغارد(سكت مهدرش) شي هذا كامل و ريماس تشوف و تسمع فيهم مقدرتش تخرج و تهرب منو
فهد(جبد سلاح من ورا ظهرو و تيرا بيه بوتيغارد في رجلو): هادي على لي خليت هدرتي طيح لرض زادو على رجلو تانية تا طاح للأرض و هادي علي طولت معاها الهدرة خلاه و راح بلاما يرمش و سيد غارق فدم و يبكي من شدة لوجع لي فيه ريماس تشوكات واش دارلو نوووو هذا مهبول صح هي يقتلها ليوم ما فيهاش علاه مسكين واش دخلو مدار والو ندمت عدي خرجت و ندمت على واش دارت للبوتيغارد بسبتها حاكمتها الخلعة لواش مخبي واش لي راح يديرها ليوم يدفنها يحرقها يقتلها حتى حست بيه ركب و عاود ديمارا طونوبيل و خرج من القصر ريماس زادت تخلعت مافيهاش رايح يقتلها سورخرج من لقصر واحد يسمعها و واحد ما يقدر يعاونها دروك
