شمس:- كعدت على صوت فاطمة تفلش بالباب رحت ركض فتحته شكو شصاير محمد بي شيء
فاطمة:- متت ضحك على شمس شعرها منثور وتعلاكة وحدة من كيمونة نازلة عبالك جانت بحرب بضحك لا كلشي مابي أسم الله بس باعي بيش ساعة ولج كلها هناا اليوم مسوين عزيمة جايت عماتي والبنات كلهن وعمامي هم
شمس:- الله ياخذج من الصبح وكعتي گلبي شكول عليج أكو واحد هيج يكعد أنايم بلا صار بيا سكتة قلبية شتگولين الربج يلا جوى
فاطمة:- ضحكت ماعليج شيء عمرج طويل
شمس:- دخلت مثل مطي وين كرامتج أطلعي أريد أنام نعسانة تفهمين لو لا
فاطمة:- بعتها الج ولج يا نوم غير اليوم حبيب روح راح يجي
شمس:- هيا كالت هيج خلتني أطفر عليج لعباس صدك شو البارحة حاجيتة وما گلي لا تجذبين عليه حبابة
فاطمة:- لا والله مامجذبة يجوز راد يسويها الج مفاجأة يلا ماكو فرق أني ويا واحد
شمس:- أيع هيا ويا واحد ترحيلة فدوة أجابج شحطج علي هو واحد ماكو مثلة
فاطمة:- حقيرة حقج غير مريحج شلون ما دافعين علي
شمس:- يلا ولي أريد أبدل شوية وأنزل وراج
فاطمة:- بسرعة مو ترجعين تنامين
شمس:- راحت فاطمة وأني رحت غسلت وبدلت ملابسي وخليت مكياج خفيف وعطر نزلت وصايرة لخه كلها جاية سلمت عليهن ورحت للمطبخ سويت ريوك وغسلت مواعين ومر الوكت
أم شمس:- ماما نظفي خضرة وسوي زلاطة
شمس:- تمام خلصت خضرة وغسلتها ودا أسوي زلاطة دخل محمد وليث يمه من شفته مدري شلون لزمت روحي عيوني مانزلت من عندا بقى يسلم على عماتي وعلى بنات راحتلة فاطمة تركض لوكية سلمت علي بقيت بس أني بلا جذب ما كلي شلونج بقيت بصدمتي هذا شبيء شصاير معقولة من سالفة البارحة زعل
محمد:- ماگلت شمس اليوم أنزل رحت البيت عمي سلمت عليهم بعدين دخلت جوى سلمت على عماتي والبنات وشفتها بوية غير ردت روحي فدوة الوجهه بس ما سلمت عليها مبقيلها سلام خاص
شمس:- طلع محمد وأني بصدمتي كملت زلاطة وصعدت فوك ما مقسوملي فرحة كل ما أنزل روحي تحترك من قهر هاي دوم رحت للغرفة ردت أسبح حور بالحمام طلعت للحمام الي بالصالة بقيت فترة طويلة لا أني الباجية ومرتاحة ولا أني حاجية ذبيت كل قهري بجسمي طلعت لفيت منشفة عليه وخاولي على شعري وكع خاولي من شعري قبل لا أفتح باب الغرفة فتحتها وشفت محمد هناك
محمد:- طلعت ويا ولد بالحديقة ضحك وسؤالف وشقة شباب مرخضتكم بس رايح أرتاح شوية وارجع
ليث:- مرخوض عيوني حقك تعبان روح أرتاح وغمزتلة
محمد:- ماكدرت أسوي شيء ردت أهفه بس الولد كاعدين دخلت للبيت وشمس ماكو صحت فاطمة وين شمس
