كابرت في حبك لأكن الأقدار لها رأي .

البارت الثاني

وتين اللي دخلت البيت وهي معصبه
أم وتين :وش فيش ؟
وتين : ولا شي ي روحي أنتي ه وش سويتي
أم وتين : والله ي بنتي طفشت من البيت
وتين ادخل و ابدل ونطلع كل شي ولا تطفشين
وتين اللي عطول بدلت و طلعت هي وامها ركبو ع تاكسي وتين اللي تذكرت الموضع بس م اهتمت لفت ع أمها ع وين تبين
أم وتين أي مكان
وتين : مول يلا
راحو المول وكأنو يفرون في المحلات وتين اللي كانت تمشي وعينها ع أمها بدون م تحس صكت في شخص لفت عليه وكانت تعتذر لأكن انصدمت من الشخص اللي كان قدامها: إنت ؟؟؟
راكان اللي كان يفر مع سعود في المول م حس الا صدمت فيه أنصدم أنها نفس البنت : بسم الله
وتين بعصبيه : بسم الله منك أنت وش اللي بسم الله وش شايف ؟؟؟
راكان اللي ماسك ضحكته واضح أنها انفعلت : ولا شي
سعود اللي أنصدم من لقاهم مره ثانيه
أم وتين اللي تمسك يد بنتها عشان تهدى : المعذره منك
وتين وهي تلف ع أمها : ليه تعتذرين منه ي يمه ؟؟
أم وتين : بس خلاص اعقلي
راكان اللي كان ماشي : عوافي ي خاله حصل خير
سعود اللي كان يضحك و راكان يقبصه : اعقل امش الله يفضحك
وتين اللي مشت مع أمها وكانت معصبه
أم وتين بتعب خلاص ي بنتي خلينا نرجع
رجعو ع البيت

سعود اللي يضحك ع راكان : دقيقه ليه جاتك ابتسامه
راكان بضحكه : ياخي احس خذيت حقي يوم شفتها عصبت
سعود : فيك نذاله ي ولد العم
راكان اللي ضحك وغمز له : من بعدك
دق جوال سعود لف ع راكان : يلا نمشي أكيد كلهم ب المزرعه
راكان اللي مشى ع سيارته و سعود ع سيارته
دق جوال راكان ورد : ارحبي ي عيني
نجد : وينك م جيت ؟
راكان : أنتي رحتي للمزرعه
نجد : أي أبوي خذاني و دق ع عادل ف كلنا ب المزرعه
راكان : يلا ي عين اخوك دقايق وأنا عندكم تبين شي ع طريقي
نجد : جيب معك قهوه لنا كلنا من دانكن و دونات نفس العدد كل مره
راكان اللي ضحك : ابشري
وقفل مشى ع دانكن وخذا الطلب وراح وصل للمزرعه لقى سعود باقي م دخل نزل وهو مستغرب : وش فيك م دخلت
لف عليه سعود : انتضرك
راكان : ليه لا يكون أنا زوجتك وأنا مدري
سعود بعصبيه : راكان
راكان اللي ضحك : خلاص خلاص اذلف ذلحين داخل بدق ع نجد أبيها تجي تأخذ القهوه
سعود اللي راح بعيد بحيث م يشوف نجد
راكان اللي دق ع نجد وطلعت خذت الأغراض و دخلت ع طول يوم قال لها راكان ب سعود : تعال يلا
دخل سعود وراكان المجلس ولهم السمعه الطيبه بينهم كلهم و هيبت حضورهم تغطي ع الكل : السلام عليكم
ردو السلام أهل المجلس كله ووقفو لهم
وبدا الحديث بينهم وكان سعود و راكان جنب بعض ومعروفين بخوتهم وقوه العلاقه بينهم مو بس عيال عم اخوان
عادل اللي جلس من جنب راكان بصوت خافت : راكان
لف عليه نفس نبرت صوته: سم
عادل : سم الله عدوك ياخي احس جويع
راكان اللي لف عليه : وش تبي مني ؟ م عندي م طبخ يعني وش اسوي لك
عادل : ياخي والله جوويع المشكله أني لبغيت اروح للمطعم إنت عارف أبوي
راكان اللي دقه : قصر صوتك طيب صبر و نمشي كلنا
قاطع حديثهم صوت يسأل عن القضيه : إلا م قلت لنا ي راكان وش صار ع القضيه
راكان اللي م أعجبه الطاري ولا يبي احد يتكلم عن الموضع لف عليه بنضره هزت كيانه وتلخبط: وأنت وش عليك من القضيه ؟
عم الهدوء ع المجلس الكل عارف راكان إذا عصب
سعود اللي حب يلطف الجو: يلا يلا خلونا نطلع ي شباب نمشي شوي
راكان اللي لف عليه ووقف: أنا طالع ماني رايح معكم
لف ع عادل يعني يلا
طلع عادل و راكان ولحقهم سعود : كل تراب أنت وياه ع وين
عادل :ع المطعم والله
سعود اللي ركب معهم
راكان اللي كان ساكت
عادل اللي كان يناظر في سعود ويتهامسون ع الخفيف
لف عليهم راكان : خير أنت وياه
ضحك سعود : ياخي خير أنت وش تبي
عادل اللي شغل الأغاني وبدا يغني وشبك معه سعود ولا طول راكان اللي بدأ يغني و أصوت ضحكهم وصياح عادل

وتين اللي كان بكره يوم تخرجها وكانت تجهز كل شي بحيث م تنسى شي فجاه جاها اتصال وردت وهي تضحك ،يالله حيها اللي قطعتني ولا عاد لها حس

انتضروا البارت الجاي راح يكون كله حماسسسس م راح احرق عليكم لا كن لا تقرون بصمت اتركو بصمتكم علقو ع الرايه وعطوني وش تحسون راح يصير ؟

الكاتبه Manal