_සංසාර_ [ONGOING] [BL]

3 🌹

" ම් කියන්න මැණික ... "

" ඇයි මාව ඔයාගෙ යාලුවෙක් කරගන්න හිතුවෙ ? "
සොදුරු අර දුඹුරු ඇස් වලින් කෙලින්ම ආදිශ් දිහා බැලුවා.

" ඔයාට මේක යාළුකමක් විතරද මගෙ මැණික .. "
ආදිශුත් ප්‍රතිප්‍රශ්නයක් දුන්නා.

" නෑ .. ඔව් .. මොකක් හරි ඇයි මාත් එක්ක මෙහෙම කතා කරන්න හිතුවෙ ? "
සොදුරු ආයෙම ආදිශ්ව අමාරුවෙ දැම්මා ..

සංඝමිමං සරණත්ත මුපේමි ...

අනිත් ළමයි ඔක්කොම පන්තියෙන් යන නිසා ආදිශ් සොදුරුවත් ඇදන් එළියට ආවා..

" අපි බස් එකේදි කතා කරමු .. "
ආදිශ් කතාව අවසන් කළේ එයාල දෙන්නම එකට යනවා කියල නොකියා කියන ගමනුයි.

ස්ටෑන්ඩ් එකේදි සොදුරු ආයෙම කතා කළා
" ඔයාගෙ ගෙවල් කොහෙද ? "

"මං පානදුරෙන් ටිකක් ඇතුළට වෙන්න " ආදිශ් උත්තර දෙද්දි සොදුරු හිනා උනා..
" මාත් පානදුරේම..."

"මං දන්නවා මැණික.."

ආයෙම වතාවක් ආදිශ් හිනා වෙද්දි සොදුරු තක්කාලි ගෙඩිය උනා.

°°°°°°°°°°°°°°°°°°°°°°°°°

ටික වෙලාවකින් බස් එකේ අන්තිම සීට් පේළියේ දකුණු පැත්තෙ ජනේලෙ අයිනෙ ඉදන් හිටියෙ සොදුරු.. ඊට එහාපැත්තෙ ආදිශ්. තාම 1.45ට වත් නැති නිසා රංචු පිටින් එන එවුන් ටික ඇවිත් නෑ. අනික ප්‍රයිවට් බස් එකක් නිසා කොහොමත් ඉස්කෝලෙ ළමයි වැඩිය හිටියෙ නෑ.

ආදිශ්ගේ එහා පැත්තෙ වෙන ඉස්කෝල වල කෙල්ලො හතරදෙනෙක් වාඩි වෙලා හිටියා.
ආදිශ් හොදට වටපිට බලලා බෑග් එකට යට වෙලා තිබ්බ සොදුරු ගේ කකුලක් උඩින් අත තියා ගත්තා .
සොදුරු ඒක දැනුනෙ නෑ වගේ අහක බලන් ඉන්න හැදුවත් ස්පර්ශය ටිකක් රළු වෙද්දි එයා ආදිශ් දිහා බැලුවා.

"ආදිහ්... මෙතන මිනිස්සු ඉන්නවා. මොකද මේ.. "

" මගෙ මැණික එක්ක මම ගොඩක් ඉස්සර නම් මෙහෙම ඉදියා .. ඒ දවස්වල අපිට කාගෙන්වත් බාධා උනේ නෑ... "

ආදිශ් ඒක කිව්වේ කෙදිරියක් තරම් පහත් ස්වරයකින්. බස්වල සද්දෙ එක්ක සොදුරුට ඒක ඇහුනෙ නැති එක පුදුමයක් නෙවෙයි.
" ඇහ් .. මොකද්ද ? " සොදුරු කන ටිකක් ආදිශ්ට ළං කරල ආයත් ඇහුව .

" මුකුත් නෑ මැණික.." ආදිශ් ඒක කියල ඉවරවෙවා එක්කම ඒ සිදු කන් පෙත්තට සිපුමක් තියන්නත් දෙපාරක් හිතුවෙ නෑ..

" අනේ ආදිහ්..." සොදුරු ගේ නෝක්කාඩු හඩ ආදිශ්ට හොදට ඇහුනා.