أبيك تدري إني فيك اكتفيت

بارت 1؛<ربِ زدني علما>🤍

..بسم الله نبدأ..
.
>
.
(عند رهف)
..تصلي الظهر ب غرفتها..و دخلت عليها امها..و عقب ما خلصت..
رهف تقوم و تحب راس امها:شحالج امي؟..
ام رهف تبتسم:تقبل الله صلاتج امي و أنا بخير دامج بخير ي بنتي..كم باقيلج و تخلصين؟..
رهف:منا و منج صالح الأعمال..بحاول قد ما اقدر ما اتأخر..
ام رهف:زين عيل..عشان نلحق ع الغدا و نعاون يدتج بالعزيمه..
..العزيمه هذي كانت ل رهف بمناسبة تخرجها من الجامعه ب شهادة الدبلوم..و كان ودها تكمل لكن اخوها صقر منعها..
رهف:ان شاء الله امي..
ام رهف:يلا خلصي..و أنا بروح اجوف حرمة اخوج لو خلصت..
رهف اللي تكره تسمع طاريها:امي روحي انتي و أنا بروح اجوفها..
ام رهف:خلصي انتي بروحج تاخذين وقت!..
رهف:حلفت عليج ما تسيرين لها..أنا بسير..خلج مرتاحه..و بعدين هي تعرف عن العزيمه لازم يعني نزن فوق راسها؟..
ام رهف:بعد هذي حرمة اخوج..ملزومين فيها..
رهف:امي انتي شو الفايده محترمتنها و هي م خلت كلام ما عقته عليج؟..
ام رهف اللي ع نياتها:مجبوره أتحملها..و انتي تعرفين المشاكل مع اخوج صقر مب بسيطه..
رهف:هو مب عنده خير؟..ليش ما يروح يسكن ف بيت بروحه؟..
ام رهف:لا لا..خليه هني عندنا..احب اجوف كل اهلي ببيت واحد..و بعدين حرام عليج هذا اخوج العود..
رهف:تعبت منه..تعبت من كثر ما يتحكم فيني!..أنا توقعت عقب م اخلص ثانويه يعتقني لكنه للحين ع نفس حالته..تراني كبيره مب صغيره الحين اعرف لنفسي..و ودي اكمل دراستي لكنه خلاني أوقف ع الدبلوم!..هذا ما يسوي شي..
ام رهف:بس عالاقل الحمدلله درستي..و رفعتي راسنا..و منو قالج ما يسوي شي؟..بالعكس يسوييي..
رهف:حتى ولو!..ودي اكمل امي..
ام رهف:اخوج جي طبعه..ما يتغير فيه..
رهف:خلاص امي..روحي تزهبي و أنا بروح اجوفها و بتزهب على طول..
ام رهف:تمام..و إذا قالت لج شي اسكتي عنها..
رهف:ما عليج ما عليج..
..طلعت عنها امها..و عقب راحت صوب غرفة اخوها و حرمته و ولدهم و هي لابسه لبس الصلاه بعدها..و دقت الباب..
خوله بصوت عالي:الباب مفتوووح..
..دخلت رهف و هي تبتسم..
رهف:مساء الخير..
خوله بدون نفس و تبتسم تسليك:مساء النور..
رهف:اخوي وين؟..
خوله:بالمسيد يصلي!..نسيتي انه اليوم الجمعه..
رهف:لا ما نسيت..بس الصلاه بالمسيد من مساعه مخلصه..
خوله:مادري كيفه وين ما يسير..شو تبينه؟..
رهف:عشان نخلص قبل حزة الغدا..
خوله:ما تجوفيني أتجهز؟..
رهف مسكت نرفزتها:امبلا اجوف الحمدلله!..
..سعيد ايي صوب رهف و يحضنها..
سعيد:رهوفي..
رهف تبتسم و تلعب بشعره:ها حبيبي ي عيون رهوفي انت..
..تنزل له عشان تواسيه بالطول و تقدر تجوفه..
رهف:صليت حبيبي؟..
سعيد:هي صليت..مثل ما انتي علمتيني..
رهف تبتسم:شاطر حبيبي..و كل ما تكبر بعلمك أشياء واااايد..
خوله:سعيد!..روح العب بالآيباد..
سعيد:بتم ويا رهوفي..
خوله:بتسمع الكلام ولا اكلم بابا؟..
رهف:خليه عندي شوي!..متعود ييلس وياي دوم..
خوله:ما اباه ييلس وياج..
رهف:ليش شو مسويه أنا؟..
خوله:ولدي بعده صغير..من الحين تعلمينه الصلاه!..
رهف:ترا شي زين انتي ليش مولعه؟..و بعدين ها السن الصحيح اللي لازم يتعلم فيه الصلاه!..
خوله:هو ولدي صح ولا لا؟..و كيفي اقول اللي اباه..و أنا ما اباج تعلمينه شي..أنا امه و بعلمه بروحي..و عنده ابوه بعد..ما تقصرين..
..تمت تطالع رهف بنظرات..
رهف وقفت و بجديه:إذا انتي بنفسج ما ربيتيه اول ما انولد!..امي حليلها هي اللي ربته عنج..كيف بتربينه الحين؟..
..خوله ما قدرت ترد عليها..كان كلام رهف يغثثث بالنسبه لها..
رهف تبتسم و تطالع سعيد:بروح أتجهز و عقب بيي اوكي حبيبي؟..
..سعيد هز راسه ب هي..و رهف طلعت عنهم من الغرفه..
خوله بقهر:لسانها بدا يطول علي!..ماعليه كل علومج توصل ل صقر..
.
(نرجع ل رهف)
..دخلت غرفتها و تلفونها كان يرن..ردت عليها..
شمسه:هلا ب بنت الخاله..
رهف تبتسم:هلا فيييجج..
شمسه:تصدقين اني ناسيه العزيمه!..
رهف:أنا مستحيل أنسى اي مناسبه..
شمسه:هي طبعا..لانج تموتين بالكشخه..
رهف تضحك:ولله التجهز للمناسبه احلى من المناسبه نفسها..
شمسه:انزين ي ام المناسبات..زهبتي خلصتي؟..
رهف:لا ولله بعدني..
شمسه:غريبه!..كالعاده تتجهزين قبلها بساعتين..
رهف:اليوم الجمعه تعرفين أشياء ثانيه اهم..يلست اقرأ سورة الكهف و ادعي و صليت..
شمسه:هممممم..حرمة اخوج الكريهها هذي بتي العزيمه ولا لا؟..
رهف:هي بتي..فيه شي يديد؟!..
شمسه:الحمدلله عشان ما اتم ملانه..
رهف:شموس ولله مب ناقصين..تعرفين امي كيف تتضايق يوم تتمشكلون وياها؟..
شمسه:بعد خالوه وايد تعطيها فوق حجمها و بزياده..
رهف:عشان غلاوة صقر اخوي عندها..ولا عرفت تتصرف..
شمسه:يعني لو كانت حرمة فهد بتسوي نفس الشي؟..
..رهف لاحظت القهر اللي ب شمسه..
رهف تبتسم نغزات:و ليش انقهرتي؟..
شمسه:انقهر ع شو؟..اخوج صقر بروحه يغث..
رهف:نسيتي راشد اخوج؟..
شمسه:ولله انه ارحم عن صقر..
رهف:اتفق وياج ب هالنقطه..
شمسه:انزين جلبي ويهج يلا..خليني اخلص..
رهف:ولا كأنج انتي اللي داقه لي!..
شمسه تبتسم:امي تزقرني انزين!..
رهف:روحي لها يلا و بسكر عنج..
شمسه:تمم..
..سكرت عنها و قامت تتجهز..تكشخت كالعاده اكبررر كشخه..و طالعه تجنن مثل كل مره..طلعت من غرفتها..و نزلت تحت..جافت ابوها يقرا جريده..سارت صوبه و باست راسه..
ابو رهف ب طنازه:عن تخيسيني بالمنكر مالكم هذا..
رهف تضحك:لا افا علييك ابوي..خلاص تعودت عليك..
ابو رهف:يزين بنتي القمر..خلصتي بابا خلاص؟..
رهف:هي خلاص..
ابو رهف:الحمدلله عبالي فيه شي بعد زياده بتسوينه..زود اللي مسوتنه..
رهف تبتسم:ولله ودي بس حاولت أستعيل..
ابو رهف:مب زين بابا..تكشخي لكن مب جي..عيون الناس م ترحم..و ابوج يخاف عليج!..
رهف:لا تحاتي يبااا..أوردي امي كل يوم تقرا علي..قرت علي الصبح..
ابو رهف:تراني أنا موصيها..تعرفين اخاف عليج بابا..
رهف تبتسم بحياء:بعدد عمريي انتتت..
..صقر يدخل عليهم..
صقر:السلام عليكم..
ابو رهف+رهف:و عليكم السلام..
صقر:ما تعلمتي للحين تقومين تحبين راس اخوج العود؟..
رهف:ويهي كله مكياج..انت ما تحب!..
صقر:هي ترا انتي جي كل يوم..م تعرفين تسوين شي غير هالفساد..
رهف بجديه:حلال ع حرمتك حرام ع اختك؟..
ابو رهف:اسكت عن اختك و خلها تسوي اللي تباه..أنا بعدني حي و لله الحمد..ولا نسيت يا صقر؟..
صقر:لا ابوي ما انسى..و يديمك لنا رب العالمين..لكن دلعك لها هذا يخليها تكبر راسها علينا..
ابو رهف:من حقها..ما تنلام بنتي!..
..رهف استانست من داخلها..لكن مثل كل مره مستحيل فيه شي يغير صقر..
ابو رهف:رحت جفت يدتك؟..ناقصنها شي؟..
صقر:جفت هزاع بالمسيد عقب ما خلصت صلاه..قالي هو بيروح لها..و ما عليك دام هزاع موجود يدوه ما بيكون قاصرنها شي..
..رهف نزلت راسها و من سمعت طاري هزاع تقشعر جسمها..
ابو رهف:عسى ربي يحفظه هالهزاع..
..رهف بداخلها"آمين يارب و وين ما يكون و يديمه لي رب العالمين"..
صقر:ما خلصوا هاييل؟..عن نتأخر!..
رهف:بصعد فوق بجوفهم..
صقر:مب تتأخرين وياهم!..
..طنشته و سارت فوق..
.
.
*** و في طاريك ما لخلق الله ب البال طاري *** 🤍
.
.
>
(عند هزاع)
..ايي صوب يدته و هو رافع كم ايده و شعره كان مكشش شوي و واضح عليه التعب عقب ما رتب كل اللي تباه يدته..
هزاع:قاصرنج شي بعد يدوه؟..
اليده مريم:فديتك تعبتك وياي..من عقب ما توفى يدك ما عندي حد غيرك..
هزاع يبتسم:انتي الغاليه..تستاهلين كل اللي تبينه..حتى لو يدي الله يرحمه للحين عايش أنا تحت امرج باللي تبينه..
اليده مريم:مشكور حبيبي و ما تقصر..جهزت كل شي ب ميلس الرياييل؟..
هزاع:هي كل شي جاهز مثل ما تبين..
اليده مريم:زين الحمدلله..يلا سير انت بيتكم تجهز قبل ما ايون الرياييل..لازم تضيفهم..
هزاع:ان شاء الله يدوه..تبيني امر اييبلج شي؟..
اليده مريم:سلامتك فديتك..
..حب راسها و كان بيطلع لكن صدلها ب فضول يذبح..
هزاع يحاول يبين انه طبيعي قد ما يقدر:خالتي ام رهف بتكون موجوده بعد اليوم؟..
اليده مريم تبتسم:هي يا ولدي..الكل بيكون موجود اليوم..
هزاع يبتسم ب راحه:الله يجمعنا دوم ع المحبه يارب..
اليده مريم:آمين يارب..
هزاع:يلا بتوكل عنج..
اليده مريم:الله يحفظك حبيب يدتك انت..
..ابتسم لها و طلع متوجه ل بيتهم عشان يتجهز..
.
.
*** عجلي يا ساعات اللقى ما عاد فيني صبر ع شوفة حبيبي *** 🤍
.
.
>
(نرجع ل بطلنا هزاع)
..دخلت عليه اخته شمسه..
شمسه:شو بغيت؟..حرقت تلفوني من كثر ما اتصلت علي!..
هزاع:وين الدخون اللي دوم أتبخر فيه؟..
شمسه:مخلص..
هزاع:متى خلص؟..البارحه كان فيه..
شمسه:اليوم امي الصبح بخرت فيه الصاله و خلص..
هزاع:وقته يعني يخلص اليوم صح؟..
شمسه:لهدرجه عايبنك؟..
..هزاع يبتسم..
شمسه:شو وراك انت؟..
هزاع:يعني رهف ما تمدح الدخون عندج؟..
شمسه تبتسم:هممممم..إلا ولله تمدح..من زمان يعني..
هزاع:عشان هالسبب احب أتبخر منه دوم..
شمسه:ما عليك بناخذ غيره و بيكون لك انت بس..بس من وين تعرف انها تمدح ريحة بخورك؟..
هزاع:تتحريني ما اسمع ولا افهم؟..اللي يحب يعرف عدل بدون تلميح..
شمسه:ياويلي ع اخوي..حسيتك ثقيل لدرجه مستحيل تخضع لبنت بسرعه!..لازم وحده تييب راسك..
هزاع:هذي بدون مجهود يابت راسي..يابتني كلي مب بس راسي..
شمسه تبتسم و قلبها فراشات:ولله ما توقعتك جي يا اخوي..
هزاع:مب تنقلين علومي عندها!..خلينا جي جاهلين بعضنا..
شمسه:عندي عندي لا تخاف..ما انقل لها كل شي..
.
<
..بعد ما بيت اليده مريم انترس من المعازيم..
.
(عند الرياييل)
..عقب ما هزاع ضيف الكل..
هزاع:تفضلوا ع الغدا و سامحونا ع القصور..
ابو هزاع يربت ع جتف ولده:ما تقصر دومك شهم ي ولدي..
..ابتسم ل ابوه..و يلسوا الرياييل كلهم ع السفره و بدوا ياكلون..و طول المده هذي صقر يطالع هزاع بنظرات حقد..
فهد اللي لاحظ:عسى ما شر؟..شو مستوي بينك و بينه؟..
صقر:ما بينا شي..
فهد:نظراتك تذبح الولد و تقول ما بينا شي!..
صقر:كل و انت ساكت عشان ما اقلب الميلس فوق راسك..
..فهد سكت عنه لانه دايما يتفشل من اخوه وقت المشاكل..المشاكل كلها تكون من عنده..
.
(عند الحريم)
..عقب ما خلصوا الغدا..
رهف:بروح اعدل مكياجي..
شمسه:مافيه شي!..هاي المره الثالثه تعدلينه..
رهف:شسوي احس انه خسف..
شمسه:ما بترتاحين إلا و انتي معدلتنه..
رهف:تعالي وياي نجيك إذا فيه حد من الرياييل برع او لا..
شمسه:ما اظني كلهم يتغدون الحين..
رهف:عيل خ نسير بسرعه قبل ما ايون..
..طلعت هي و شمسه برع و راحوا صوب الحمام اللي جامته كبيييره..البنات دايما يتعدلون فيها..مسكت الروج و بدت تحط ع شفايفها..
شمسه توايج كل شوي:رهوووف بسرعه..عن يطلع واحد منهم من الميلس..ياويلج من اخوج صقر هالوقت!..
رهف:محد بيطلع اهدي..
شمسه:خلصي بسرعه انزين!..
رهف:لا تحنييننن..
شمسه:انزين رهوف تخيلي هزاع يطلع الحين و يجوفج جي..
..رهف تبتسم..
شمسه تضحك:حيوانه تبينها من الله..
رهف بجديه تطالع شمسه:تحسين يكن لي مشاعر؟..
شمسه:طبعا حبيبتي!..كل شي يبين منه..
رهف:ليش ما لاحظت؟..لكن فيه احساس بداخلي يقول انه لا!..
شمسه:انتي تستحين منه وايد..انتي حتى ما تطالعينه نهائيا..وين بتلاحظين؟..
رهف:انزين أنا تخرجت من الجامعه!..ليش ما كلم ابوي للحين؟..
شمسه:صبري توج متخرجه بس!..حتى حفلة تخرج ما سويتي..
رهف:اخوي صقر قال مب لازم حفله..حفلة الثانويه تكفي..
شمسه:اخوج هذا لو ما بينا صلة قرابه جان ذبحته ب ايدي..يقهر!..
رهف:الله كريم..
شمسه:انزين شرايج نسير داخل؟..عن حد يطلع يلا!..
رهف:انزين انزين يلا!..
..ركضوا داخل..