بين عينيها حكايا

الجزء التاسع والأربعون

#بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
تعليق بين الفقرات والتصويت دعماً للقصة
متابعة الحساب دعماً للقصة لطفاً ❤️
.
.
.
.
.
أعرف قسوة صدي
لذلك أنا أغرقك بالفرص

وهج
_________________

گلبي متعب
وروحي خاوية
امضي يومي لمجرد العيش اتخذ السكوت سبيلا وكأن الكلمات
ضلت طريقهة لفمي

أشهر مرت عالحادثة اللي سواهة ليث
وجبل جليدي قائم بي
وبين ديان بسببهة

نشتغل سوة
اجتماعات
وتلفونات بس للسؤال عن الحال كأسقاط واجب
جاف ماعاد أكو بينة همسات
حب ولا كلمات دلال
علاقة عملية بحتة
الكل لاحظ هالشي
واني لاازال على قناعة ان اللي سويتة لخاطر
عمار هو الصح

كل يوم اداوم
يدز علي السكرتير
ياخذ اوراق الشغل
والمعلومات عالحاسبة
ادزهم بقرص
اي جلسة خاصة بالمكتب ماكو بينة

بس اجتماعاتي وية عمو بعدهة قائمة
نمضي هواية من وقتنة نحجي بكل شي
لا اني شكيتلة برود ديان
ولا هو سألني
علاقتي بعائلتهم حلوة
شذر بشكل متواصل تتصل وتسأل
ونوعا ما كونة علاقة صداقة حلوة

وبيان شخصية مرحة بس عملية
بأمتياز يحب دوامة

اغلب المرات يعزموني ببيتهم
هناك يشوفني ديان البرود على أصولة
رغم اهتمامة من بعيد لبعيد بية
بس هالشي مأرقني
ومتعبني
هاليومين اتصلت شذر گالت راح اجي لأهلي
ومنتظرتج تجين
بالفعل
يوم جمعة ماكو دوام رحت صبحية
ساعة عشرة ونص
لگيت خالة بوجههة البشوش وابتسامتهة
وفرحتهة بية
ولطافة واخلاق شذر
گعدت وياهم اساعدهم بالمطبخ وعيني
عالباب بلكي يجي
ندستني خالة وهي تضحك

-رجلج بعدة نايم روحي گعدي

-هااااا خالة لا ميصير خلي براحتة

-امشششي شذورة ويا مرية اخوج
گعدنة بلكي من يشوفهة يصحصح

التفتت وهي تحاجيني

-رجلج يوم الجمعة يگضيهة نوم
بلكي من يشوف هالوجه الحلو يگعد
ويانة يتغدة

-أن شاء الله خالة

صعدت شذرة كدامي وتأشرلي بيدهة

-لتطلعين صوت خل نسويلة
مفاجأة اوگفي ورة الباب من ادخل

فتحت الباب الغرفة ضلمة

اسمعهة وبشكل واضح واني ورة
الباب تحاجي

-دياااااان ابو الدووووون أگعد مو جاية علمود اشوفكم
-دياااااان شبيك صار حلم عندي تتغدة ويانة

اسمعة رد عليهة بصوت رايح من النوم

-هلا شذرة حبيبتي تعبان والله تعرفين
طول الأسبوع اني اشتغل