أرويني بدماء جحيمك [Quench me with the blood of your hell]

𝑃𝐴𝑅𝑇❀88

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في هَــواك♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀88

اليد لي على فمها بدات كاترجف، حالها حال اليد الثانية لي مداتها للماسك و هزاتو كاتحقق فيه بتمعن، عاقلة على كل تفصيلة فيه و مستحيل تنساه واخا يدوزو سنوات عديدة،لكن السؤال لي مسبب ليها حيرة حاليا هو اش كي دير هاد الماسك هنا و فالجناح ديال زياد؟ الاجابة كانت واضحة لكن من فرط الصدمة ما بغاتش تفكر فداك الاحتمال...

حتى جات فبالها الرائحة لي كاتشمها فيه هاد الفترة و لي فكل مرة شماتها كاتفكر ديك العيادة مباشرة، هنا عاد فهمات الموضوع و ربطات الأمور مع بعضها، لكن مازال عندها شكوك أو بالأحرى رافضة تتقبل هاد الحقيقة، ما بغاتش تتقبل فكرة أن الشخص لي سبب ليها فمرض نفسي هو نفسو لي كان كي عالجها منو، الشخص لي كرهاتو هو نفسو الشخص لي بغاتو...

الدموع بداو كي ديرو بلاصتهم فعيونها، كي نتاظرو أمر منها باش يتمردو كيف بغاو فوق خدودها، لكن بقات مصرة على انها ما تهبط حتى دمعة، و باش تحبسهم زيرات على القناع بيديها حتى برزو عروقها من قوة الضغط، لحظات و سمعات خطاويه و هو كي قرب للجناح، عرفاتو جا و ديك الساعة مشات بخطوات سريعة لعندو، زياد يالاه بغا يدخل و هو يوقف ملي بانت ليه جاية بملامح متشنجة، غاضبة، و غير وصلات لعندو تعلات على أصابع رجليها و غطسات وجهها فعنقو كاتستنشق رائحته بتركيز عالي...

سارة(بتلعثم): نتا...نتا...(زادت خشات فيه وجهها اكثر) نتا لي كنتي كاتجي عندي للعيادة...

زياد غمض عينيه منتشي و هو كي ستشعر أنفاسها الساخنة على رقبته، كي تحسس ملمس شفايفها الدافئة و هي كاتحاول تستنشق أكبر كمية من رائحة عطره لا ربما تكون غالطة، ما باغاش تفكر فأنها تخدعات جوج ديال المرات من عند نفس الشخص..

لكن ثانية من ورا ثانية شكوكها بداو كي تأكدو، و هي غاطسة وجهها فعنقو ادركت ان زياد هو نفسو الشخص لي عطاها دافع كبير باش تتقبل مرضها و تبغي تتعالج منو، كان لها العزاء فأقسى فترة فحياتها و لو ما كانش هو نفسو معذبها و كون ما غبرش فجأة كان ينسيها فحقدها و رغبتها في الانتقام...

بداو دموعها كي نزلو بسرعة كأنهم في سباق على المرتبة الاولى، زياد بلع ريقو و حل عيونه ملي حس بدموعها و عرفها كاتبكي، لحظات و سمعها كاتقول بنبرة خافتة، منكسرة و مؤلمة...