قصة زواج متقـــف الفصــــل الثاني(التتمة)

bart 285

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  285🎲

سميحة:[ميقات فيها معلية يديها حتى هي]لا عنداك شوفو يديا أنا تبارك الله يشعلو من البيوضية على من زيناتهم...

ساريتا:دبا ما غاتنكروش بلي تبريمتي عطات نتيجة...[شافت فحسناء لي ساكتة و عاقدة حواجبها]و نتي مالك ضربك الطم هاا؟...

حسناء:[حطات يدها على حنكها بزعل]كيفاش عطاتك الخاطر ديري ديك الخلطة لشعرك و تزعري شعرك بلا بيا...

ساريتا:[قربات لعندها عنقاتها]أويلي يا الهبيلة بغيتي نغامر بشعرك و أنا أول مرة نجرب هادشي...يا لالة هاد المرة غاندير ليك وصفة تحمر ليك الشعر تولي كي جورجينا...

حسناء:حلفي..

ساريتا:[نوضاتها من بلاصتها]حمقة و الله...[مدات يدها لسميحة و فضيلة]يالاه العيالات حطو فلوس الخلطة و زيدو مع الطريق...قبل ما نحكها فالپيپي...

سميحة شافت ففضيلة لي شافت فيها و حركو ريوسهم بلا حول و لا قوة...مرة تكون بعقلها مرة يطير ليها..كل وحدة جبدات لي عندها و عطاتو ليها مخليينها تضحك..

خشاتهم فحمالات صدرها زادتهم مع 30 ألف لي جمعات من الأفير ديالها مع عيالات الدرب...

ناضو جميع غاديين للشانطي يقطعو و ساريتا هي و سميحة فالمقدمة شادة فيها بيد..و يد هازة بيها تيليفون سميحة باغا تجبد ليها نمرا عتيق تصوني ليه...بحكم سميحة ناسية نظاظرها و صعيب تجبد نمرتو...

غافلين على طموبيل كحلة نفسها ديال قبيلة لي كانت مراقباهم...جاية لجيهتهم بسرعة كبيرة بالكاد لي يوقف قدامها استحالة يعيش مزال من الدقة لي ياكل فيها...

ساريتا دورات وجهها لسميحة تقوليها بلي عتيق شحال و هو كايصوني عليها...حتى تلجم لسانها ملي لمحات عينيها الطموبيل قاصداهم..لا و جاية ناحية سميحة ناوية ضربها...

وسعات عيونها بريبة و بدون سابق انذار خلات يدها لي تصرف و جرات سميحة اللور حتى طاحت..كانت غاترجع بخطواتها اللور فالتة...و لكن كان فات الآوان و عوض ما تضرب سميحة كانت تضربات هي بالغلط بلاصتها...

تضربات مع جنب الطموبيل حتى تقاست لجنب الشانطي مكركبة...تدريجيا بدى ينزل من تحت راسها الدم...

هادشي كان وقع فمدة قصيرة لدرجة سميحة و فضيلة و حسناء ما ستاوعبوش الأمر...تصدمو من هادشي لي طرا و الأسوء لي تعرضات ليه ساريتا..حتى الرجلين باش يمشو لعندها فشلو من الصدمة...

الناس بداو يتجمعو عليها و فضيلة ما تمالكاتش راسها ...مشات تجري لعند بنتها طاحت حداها كاتغوت نازلين دموعها...

تبعوها سميحة و حسناء و حالتهم حالة..دموعهم سابقينهم...حسناء هزات تيليفونها عيطات على الاسعاف...

دورات ساريتا راسها بصعوبة لعندهم كاتشوف فيهم و يدها على كرشها...نازلين دموعها وسط بسمة حزينة صغيرة...رموشها كايتلاصقو بغاو يتشابكو...

فضيلة:[كاتلمس ليها وجهها و يديها كايرجفو]بنتي..بنتي كاتسمعيني..عافا بنتي جاوبيني الله يرضي عليك ما تغمضيش عينيك...

ساريتا:[فتحات فمها بزز ناطقة]م..ماما..ق..قولي لبابا يسمح ليا...

فضيلة:باباك مسامحك أ بنتي ما تقوليش هاكا و صبري صبري...على قبلنا و على قبل راجلك و الپيپي صبري...

حسناء:[قالت بخوف]ساريتا ما تفورصيش على راسك عفاك الاسعاف جايين فالطريق...

سميحة:[تلاحت حداها شادة فيدها تبكي]الله على بنيتي أشنو درتي فراسك..علاش درتي فراسك هاكا علاش...