بين عينيها حكايا

الجزء الخمسون

#بين_عينيها_حكايا
.
.
.
.
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
تعليق بين الفقرات والتصويت دعماً للقصة
متابعة الحساب دعماً للقصة لطفاً ❤️
.
.
.
.
.
.
لا غائب يعود كاملاً
لا شيء يستعاد كما هو

فَي
______________________

فراشات تحلق داخل روحي
واني أشوفهم
يمشون گدامي
سبحان الله الذي خلق الروح
من الروح

بعز الصيف الحار
ماكو غير المسبح نملي الهم
يبلبطون بي لازمة الصوندة اترس بالمسبح
وهمة يفترون يمي
أيڤ وشعراتهة المجنونة مثل خالتهة وهج
آدم وجمالة اللي يشبه أبو
تتخطى أيڤ ماشية
لخالة وهي لابسة حفوضتهة
وطالعة مدبدبة عبالك نحلة
بمايوه أسود وأصفر جابة الهة خالو
بآخر سفرة الة
تتدلع وتحجي ويا بيبيتهة
وتشوفهة الشخط اللي انشخطتة بأيدهة
اللي مينشاف الا بالمجهر وهي تتظاهر
بالبكاء وتگول

-نانا اووووووووة

-يابعد نانا وأهل نانا منووو السوالج اووووة
وهي تجاوبهة

-اااااادو

-آدم اليوم اشلعلج اذاناتة
فَي تلزمين ابنج المسربت عن بنتي
مو مستگفينهة لأن أياد طالع

حضنت آدم واني اعيب على أيڤ

-ننننانا اوووووة
هو انت منو اليگدرلج الصلفة ام البلاوي
تعاي خالة شوفي العضة بيدة عبالك سااااعة
وهو خرمشهة دافع عن نفسة
تقبليهة

-اقبلهة شلوووون مااقبلهة
يمة بنيتي مشوهين شكل ايدة بهالجرح

-بعددددد خالة بعددد سووهة يرادلهة سبع خياطات

-شعبالج لعد
امشي نانا امشي اخليلج لزگة حتى متتلوث

-عزززززززززة خاااالة هي هاي غايتهة وبسرعة
وصلتلهة ممخلية لزگة بصيدلية الغرفة حتى ويا الاكل تاكلهن ولججج ايڤ

تباوعلي وتضحك علية وهي بحضن بيبيتهة

-نانا عسيييير ستروبري

-انهجم بييييييت ابوج عسير ستروبري بنت الاوربي

-تتتتتف عليج وعلى ابنج ولي خلوهة تشرب عصيرهة
بعافية

شالتهة خالة وهي تمد لسانهة علينة وأيڤ تقلدهة
آدم واگف لازم ايدي يساعدني املي
ايدة مدبدبة وهو لابس شورت سباحة
وكروشة مبين مدعبل
جعصتة وبستة من خدة واني احجي ويا عبالك
شخص بالغ وجبير

-نانا وجدو وبابا وعمامك يردون أيڤ حتى يسدون
نقص البنات اللي عدهم
واني وخالاتك نموووووت عليك حتى نسد نقص الاولاد اللي عدنة
تعرف اني اول ماجبتكم مجنت مصدگة لأن كل السونرات
تگول بنات اثنين اني مو افرق
فرحت بيكم اثنينكم
بس فرحتي بيك جانت متنوصف
اجاني ولد راح يصيرلي
ابن وصديق والاهم يصيرلي اخوو
وأيڤ عدهة اخو تستند علي
مثل مااستندنة طول عمرنة على اخوتي
بس تبقى غصة عدم وجود اخو شقيق النة بگلبي
اسمع خطوات وراية وصوت يسار،يضحك