كابرت في حبك لأكن الأقدار لها رأي .

البارت السادس

يوم جديد :

راكان اللي كان يفكر في كلام جده ولا كان مع الأوراق اللي معه
سعود اللي دخل وكان يكلم راكان عن الأوراق لا كن واضح انه مهوب معه : راكان ولد
راكان اللي ناضر فيه بمعنى وش تبي
سعود : وش آصار ع الأوراق ؟؟
راكان : هاك حطيت الموافقه
سعود اللي جلس جنبه : وش فيك تفكر في كلام جدي ؟
راكان اللي تاففف : هخ ياخي وربي وش نسوي نبي لنا حل
سعود بدون م يفكر : شف أنت افضل لك أخذ ه اليتيمه وتين احسن حل لك والله وأنا والله م في بالي احد ف راح حاول فيه
راكان اللي رافض الفكره : مستحيل تخيل سلامات
سعود اللي طلع : بكفيك عطيتك الفكره
راكان اللي طلع و قعد يفكر فيها بس م دخلت رأسه الفكره
نجد اللي دقت ع راكان وهي تضحك : وينك
راكان طالع من المركز ، ليه
نجد : جيب لي أنا ووتين قهوه
راكان : أنتي عند وتين
نجدد: أي
راكان : ابشري يلا
حرك راكان وخذا طلبهم وفجاه دق جواله وطلع جده : لبيه
الجد : وش قرارك ي ولدي ؟
راكان : يجد والله مهوب وقته
الجد : قلت اللي عندي وأنت اللي ودك
وقفل قبل م يرد
راكان وهو ضاق من جديد نزل و دق الباب وكانت نجد في دوره المياه أكرمكم الله وفتحت وتين اللي استغربت شكل راكان صح م تعرفه بس اول مره تشوفها ب ه الحاله
راكان اللي شاف وتين اللي فتحت الباب بدون تفكير : تتزوجيني ؟
وتين بصدمه : وش؟؟
راكان اللي عاد الكلمه : تتزوجيني ي وتين ؟
وتين اللي عصبت منه : وش قاعد تقول أنت ؟؟؟؟ صاحي
راكان اللي سحب وتين برا ع السياره وكانت تحاول تفك يدها
نجد اللي طلعت ع الأصوات لأكن م قدرت تلحق عليهم وبدت تدق ع راكان اللي كان م يرد
وتين وهي معصبه : راكان وين موديني ؟؟؟؟
راكان وهو يوقف في مكان م فيه احد ويلف عليها : وتين أنا بقول لك أسبابي والقرار بيدك إذا لا ولاكن شي صار
وتين : قول ؟
راكان آللي بدأ يشرح كل شي وتنهد وحط رأسه ع الدركسون : قلت لك كل شي والقرار بيدك وترا راح يكون اتفاق بيني وبينك ولا راح يصير بينا شي
وتين اللي كانت بترفض لأكن كسر خاطرها و لا تبي ترده وهو اللي وقف معها في كل شي : تمام موافقه
راكان اللي أنصدم كان متوقع ترفض : اجل بكره نجيب الشيخ
وتين اللي هزت رأسها و رجعو للبيت و كانت نجد معصبه عليهم : وين كنتو !!!!
راكان بدون مقدمه : راح نتزوج أنا ووتين بكره
نجد بصدمه :منجد!!!!!
وتين اللي هزت رأسها بمعنى أي
نجد وهي تحضنها بحب : اللهههه كنت ادعي انك تصيرين زوجت اخوي مسرع تحقققق
راكان اللي ضحك منها ولف ع وتين : القهوه ع الطاوله
طلع من عندهم
نجد اللي كانت تخططط مع وتين اللي كانت مو صوب الزواج صح انه اتفاق بس كانت خايفه من الأيام الجايه
وتين اللي وقفت : نجد
نجد : لبيه
وتين : خلاص
نجد اللي ضحكت : لا تخافين والله م راح تلاقين نفس راكان

سعود و عادل : منجدك ؟
راكان : وش أي
سعود اللي ضحك : فكرتي دخلت رأسك
راكان : أنا شفت لنفسي مخرج أنت دبر نفسك
دق راكان ع جده و أبوه و قال لهم
لتريف ترا الأب م يهتم لشي مو كل أب أب
اتفق مع جده و بحيث ان أمها توها متوفيه ف م راح يكون زواج عصب الجد اللي كان يبي يفرح في احفاده و يبي زواج كبير و راكان رفض الفكره راح يكون في حفل بس مو الحين وافق الجد
يوم جديد
وكان يوم كله توتر ع وتين
نجد اللي دخلت : بسم الله ع قلبشششش غزال يبختتتت اخوي فيش
وتين وهي تضحك فعل كانت نجد تخففف التوتر عنها
نجد ترا راح يجون عماتي و بناتهم
وتين بتوتر : نجد احس إني خايفه
نجد وهي تغمز لها : وش يخوفك وأنتي بتكوني حرمت الظابط راكان
وتين وهي تضحك : خلاص بس بس يعني كذا راح الخوف مني
نجد اللي بدت تضحك عليها اللي واضح متوتره
راكان اللي دق عليها : يلا الشيخ جاء بنملك بيجكم عادل ب الكتاب
نجد اللي قالت لوتين اللي توترت
وفعلا م طول ودخل عادل وهو يضحك : وقعي وقعي انتضر بس تصيرين من العايله عشان اطلع لك قرون
وتين وهي ضحكت ووقعت وهي متوتره
نجد اللي طارت من الفرحه يوم شافتها وقعت و بدت تبارك لها وتحضنها
عادل : ألف مبروك ي اختي الكبيره اهلن بك في العايله
وتين وهي ترد عليه
وطلع
نجد وهي تقول لوتين لازم يلا تدخل ع راكان في المجلس
وتين بخوف : أصلن قد شافني وش يعني ؟
نجد : لازم هاذي عادات
وتين اللي كانت رافضه الفكره لأكن جبرتها نجد
راكان اللي باركو له العيال و بدو يطيقون عليه و جده اللي بارك له هو و عمامه
وفعلا م طولو وراحو وتركو راكان ب المجلس
وتين اللي كانت مستحيه صح مهوب اول مره تكون معه لحالها لأكن هاذي المره غير غير دقت الباب و دخلت وهي قدهي بتموت
راكان اللي اول مره يركز ع جمالها وبدا يسمي عليها في قلبه وكان واضح عليها أنها مستحيه منه ضحك يبي يخفف التوتر يوم شافها جلست بعيد عنه : قربي ترا م أكل
وتين اللي تمنت الأرض تنشق وتبلعهها و قربت وكانت تناضر تحت
راكان اللي قرب منها : وتين صح انه اتفاق بينا لأكن وعد مني انك في وجهي من الأيام و الدنيا ولا تقولين م لك احد من اليوم أنّا عائلتك وأنا في وجه الدنيا ووجه من يقرب منك أنتي صرتي ع ذمتي وفي وجهي وراح احترم العلاقه اللي بينا وراح يكون بينا احترام وتقدير واتمنى انك تبادليني الشي هاذا
وتين اللي حست بشعور غريب ودمعت عيونها
راكان اللي لا شعورياً مد يده ع خدها ومسح الدمعه من عيونها : افا تبكين تخسى الدموع إنها تطيح من عيونك وراسي يشم الهوا ارفعي راسك ي حرمت راكان مهيب إنتي اللي تبكين
وتين اللي جمدت من لمس خدها و ابتسمت لا شعوريا ع كلامه
راكان اللي دق جواله ووقف ولف عليها : أكيد الحين يبون يشوفنك عماتي واللي معهم
وقفت وتين وهي تمسح دموعها و متوتره
راكان اللي حس أنها متوتره : لا تتوري هدي الوضع عادي بعدين نجد معك
وتين وهي متوتره : احس م اقدر خايفه
راكان اللي ضحك : افا حرمت الظابط راكان تخاف
وتين اللي ضحكت لن كلامه نفس كلام نجد
راكان اللي دق ع نجد تجي نجد اللي جات و بدت تبارك لهم
طلع راكان و كأنو العيال يطقطقون عليها و يضحكون
وتين وهي تسمي بالله و تدخل المجلس وكانت أنضارهم عليها كلهم وكانت تحاول تهديها نجد و بدت تسلم عليهم
بدو يباركون لها
والكل يسمي عليها من شكلها و جمالها