الريتانين " متراس الدرزياء "

_ الغُـرزة 23 || خطوة نحو الجحيم

﷽

روايـه  :  الريتانيـن  " مِتـْـراسِ الدَّرْزِيُّــاء  "
الڪاتبه  :  تاليـن    

•  لا تنسوون التصويت بنجمة والتعليق بين      
   الفقرات  " ڪونتيساتي "   ...   🤎🪶
• متابعة حساب الواتباد باليوزࢪ   tallen9n
• حساب الأنستا   tallen.n_
• مُعࢪف قناة التلي   9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪  
"  غيدة  "

اتسعت عيونها بصدمة واني صدمتي من صدمتها واڪبر
شاهيندا   ::-  شنو   !!

ما ينطي لنفسه مجال يتنفس يريد يحجي
سامر   ::-  سمعته ديڪول لامي يريد يتزوج

وجهها ضاعت علومه
شاهيندا   ::-  وهي شڪالت ما اعترضت   ؟

حجت مبتسمة
حُريـة  ::-  المبلل ميخاف من المطر ماما تزوج عليها مرة وما اعترضت يتزوج الثانية وتعترض  ؟!  بعد ما تهتم

التفتت لأبنها تحجي صوتها مختنك بقهر
شاهيندا    ::-  ماما ما تسوي شي  
محمد    ::- هو شصاير حتى اسوي   ؟
شاهيندا    ::- ابوك دياخذ علية مَرة

حجت ضاحڪة
دينا   ::-  ناني هم تنحسب مرة   ؟ 

رد بحرگة گلب
سامر   ::-  الما شايفتها مرة ابوج راح يخليها مرته

حجه ممصدك بـ سامر
محمد     ::-  جذاب تاخذين بحجية

باو؏ لـ شاهيندا وحجه رافع اڪتافه
سامر    ::- السمعته وصلته الج وبڪل صدق بعد انتي بڪيفج لا تصدڪين مثل ابنج

باوعله خازرة
محمد   ::- واك انت ماتبطل هالسوالف اسڪت لا تسوي مشڪلة بتفاهتك

باوعت حواليها تريد تضربه بشي بس ما لڪت  وڪعت عينها على صحن الڪرزات المحطوط عالطاولة
ڪامت تشيل وتذب على محمد  
شاهيندا     ::- انت مو ابني ڪوم ڪول لابوك ليش يسوي هيج بية

مطرت علي ڪرزات
محمد   ::-  شلووون اندفع ورا هالمخبل
سامر    ::- اليحجي الخبر وما يضمه يصير مخبل  !
ليش تسڪت امك راح تنزل عليها ضرة

هَيبـت ڪييف بالخبر ڪام يوزها بالدگ الناعم
هَيبـت    ::-  خاف امي عاملتج زين ناني ما تعاملج مثلها وراح تناڪلين قهر من يتزوجها اني اڪلج الضرة مُرة

ندسها بڪتفها التفتتله حجه يوصي بيها
سامر   ::-  انتي اضمني نفسج بحصتج حتى اذا تزوج ما تهتمين
شاهيندا  ::-  ما عندي حصة
روهان    ::- والـ 60  ٪    ؟؟؟
شاهيندا   ::- سحبها  

هزت راسها بفهم
حُريـة  ::-  خوش خطة من بابا ما خلة عندج حصة لخاطر ما تتمڪنين علي 
شاهيندا   ::-  وحصصڪم هم انسحبت
حُريـة  ::- اي طبعا يسحبها لخاطر من تصير السالفة ويصير عدنا خبر بزواجة الثالثة ما نتعاطف وياج ونڪف ضده شادين ظهرنا بالفلوس
هَيبـت  ::-  مِتْراسِ  قرر يطلع من حياته الجنازة الثانية