هل تعلمون ماهو المشترك
بين حياه كل البشر ؟؟
ان الكل يأخذ نصيبه من المعاناه
بلا استثناء
أنا رحيل عندى ١٨ سنه صحيت على خبر غيرلى كل حياتى
بابا وماما ماتوا فى حادثه وهما رايحين يعملوا عمره
( الحقيقه انهم مش أهلى الحقيقين انا أصلا معرفش مين أهلى بس من وقت ما وعيت على الدنيا وهما ابويا وامى )
انهارت وقتها ومكنتش مستوعبه ازاى ده يحصل
اتصدمت صدمه حياتى كنت حاسه كأنى فى كابوس وهصحى منه
بعد ايام العزاء دخل عليا عمى
بكل قسوه : اتفضلى لمى كل هدومك وامشى من هنا
اتصدمت من كلامه ودموعى نزلت
= انا ياعمى هروح فين ؟؟
خلاص اللى كان بيصرف عليكى طول السنين دى مات
وانا مش مستعد اصرف عليكى مليم واحد والشقه دى ابنى هيتجوز فيها
انهارت اكتر
طيب وانا هروح فين يا عمى ؟؟ انا ماليش حد غيركم
= تروحى مطرح ما تروحى مش مشكلتى ارجعى الشارع اللى جيتى منه
مسحت دموعى ولميت كل هدومى
وخرجت للشارع
روحت ل واحده صاحبتى استقبلتنى حلو اوى وقعدت عندها اسبوع
وبعدها نزلت ادور على شغل بس الكل كان بيطمع فيا
مكنتش بكمل يومين فى اى مكان
فات كام شهر وحسيت ان اهل صاحبتى زهقوا اضطريت امشى ورجعت الشارع من تانى
كنت ماشيه مش عارفه انا رايحه فين
شافتنى ست عرفت بعد كده ان اسمها ام محمود واضح من ملامحها الطيبه قربت منى
انتى قاعده كده ليه يا بنتى
= ماليش مكان اروحه
ام محمود : ليه فين اهلك
= ماتوا وسابونى( ونزلت دموعها )
حضنتها ام محمود بحب : يا ضنايا يابنتى قومى تعالى معايا
= هنروح فين ؟؟
ام محمود : هاخدك بيتى هو صحيح صغير بس اهو احسن من الشارع
اترددت كتير ان اقوم بس الدنيا بدأت تمطر وصوت الرعد خوفنى قررت اروح معاها
ام محمود : اتفضلى يا حبيبتى بيتك ومطرحك
أنت تقرأ
العشق الحرام
Roman d'amourهى فتاه فقيره يتيمه اضطرت انت تتزوج من شخص فى عمر والدها اما هو عصبى متملك لا يؤمن بالحب ف النساء عنده مجرد شهوه ليس اكتر
