قصة زواج متقـــف الفصــــل الثاني(التتمة)

bart 309

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  309💀

بعد دقايق طويلة...

توقفات اللوطو بجنب دار مهجورة حتى تحكو الروايض مع الأرض...نزل منها دراغون بمعاليم ممحية كايدور أنظارو على النواحي...

قلب عينيه لجيهة الرجال لي منتشارين تماك و رسم نظرة قاسية قبل ما يخطو خطواتو للداخل...

فوسط صمت رهيب متخللو أنين أشخاص كانو يتسمعو خطواتو حذائو...حتى ظهر أمامهم و صفارو لي مربوطين تماك كثر ما هما صفار...

الراجل 1:الله يتوب عليك أ سي دراغون ما تقتلناش...

دراغون ما خسرش لو شوفة فيه و تقدم لواحد الطبلة مستف فيها ݣاع أدوات التعذيب حتال الموت...يتمناو الموت تاخدهم و لا يقتلهم بهاد الطريقة و هما عارفين بلي ما غايرحمهم على غلطهم...

الراجل 2:[كايتوجع]سمح لينا أ سي دراغون الله يحفضك و الله ما درناها بلعاني...

الراجل 3:قتلنا أ سي دراغون و ما ديرهاش الله يرحم ميمتك...

دور نصف وجهو ليهم و هما كايطلبوه حتى من البكا قريب يبكو...حاسين بالبرودة كاتطلع من الخوف المجموع عليهم..

نقل شوفتو لراجل واقف مربوط من يديه و رجليه...عاري الجسد ..سخفان من الجوع لي تقطع عليه حتى ريحة الغائط عاطية منو...هو نفسو لي ضرب ساريتا بالطموبيل...

بساطة خلا محمد ملاهيه بطريقتو يقلب على هاد الراجل فطريق الغلط...فالوقت لي كان دراغون سابقو كايقلب عليه و قدر يوصل ليه باش يتفنن فيه حد الموت...

غمض عينيه و حلهم لجيهة رجال لي فهمو المطلوب...لكل من دوك ثلاثة الرجال لي فشلو فمهمتم كانو تكلفو بيهم الرجال و عراوهم على الآخر...

بعدو على جنب و خلاو دراغون يقرب لعندهم و أدوات التعذيب فيديه كايلعب بيهم بتلذد..لما لا و هو غايمارس احد طقوسو الوحشية لي كاتنغمو...

دازو دقايق و من الكراسي لي كانو مربوطين فيهم تحولو للسناسل معلقين من رجليهم...حالتهم كاتبكي الحجر و لكن ما حركات شعرة منو هو لي واقف امامهم...

جروح غارقة دايزة بالدم حتى بلاصة صحيحة ما بقات باينة وسط الدمايات النازلة منهم...سنانهم و أظافرهم حتى من لسانهم تقلعو من بلايصهم...

بيدو حديدة حماها بالعافية و قرب ليهم بهدوء مميت قبل ما ينزل عليهم للظهر و الرجلين مخليهم يقفزو كثر من اللول...الدموع نشفو من كثرة ما نزلو...

بقى هكاك معاهم حتى حس بيهم سخفو و تهدو...قلب عينيه للما لي كايغلي تحتهم و عطاهم بالظهر شاير بصبعانو لواحد من رجالو يكملو لي بداه...و بالفعل كانو نزلوهوم بشوية حتى وصل الماء لريوسهم و تماك كانت اللخرة ليهم فالعذاب الجسدي قبل ما يموتو...