خرجت قدامو وهو وراها يزرب باش يخلط عليها جبدها من يدها ودورها ليه عدا عينيه على وجها باين تاعب واصفر عينيها ذابلين باين تعدات بفترة صعيبة أما مزالت مزيانة وهرتها رغم تعبها وحزنها ديما تبقى عينيها مهما ذبالو يبقاو يلمعو
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
_ شنيا لقلتو لداخل _ نعم فاش تحكي؟ _ شمعناها تخدم مع يونس لباس انتي في مخك؟هبلت؟ _ سامحني شمدخلك؟نعرف ليصلح بيا مانستناش في واحد كيفك ينصحني يا بابا _ مرام راو دومان هذا مخطر تنجم تخسر حتى حياتك جرتو افهم _ اسمعني سي أمين،مابيناتنا كان الخدمة توى ماعندك لواه تدخل في خشمك في حكايات ماتخصكش ليلة تجيني عند يمينة باش تهزني للحفلة باش نعملو حاجة تحبها الكذب والتمثيل على خلق ربي موش هكا عطاتو بضهرها ومشات ضرب على جبينو بيدو _ ياربي باش نهبل رجع يجري ليونس ضرب على طاولتو _ تدخل في مرام في الخمج هذايا علاه؟؟ _ أول حاجة تلم واعرف كيفاه تحكي قبل وثانيا انتي لدخلت مرام موش انا وهي جات بساقيها لهوني وانا بالطبيعة فرصة كيما هذي مانجمش نضيعها _ معناها تحب تقلي تعاون فينا باش نقتلو بوها؟ _ هذاكا طلبها تعاونا ومانقتلوهش أما نعملو فيه لنحبو _ باعت بوها؟ _ انتي تاخذ في بثارك هي زادت كيفك تحب توصل لسر لمخبي على أمها _ هذاكا وين زدتا تهردنا أما خلي تصيرلها حاجة يايونس نتحاسب معاكم واحد واحد دخل كريم _ شفما شنيا الحس هذا _ اسأل عرفك وخرج على طول داوود في دارو قاعد هو وانيس _ بابا توى سوار وين مشات _ سكر فمك عليا وانتي سوار سوار هجت مافماش ريحتها فالبلاد لوجت عليها بقعة بقعة المهم خرجت من هوني أما ماعندها وين تهرب اما _انا شنيا _ مرام فما شكون عاونها مستحيل تكون وحدها عملت الخطة هذي لكل يلزمني نلقاه روحت لدار يمينة تلقاها ناصبة الطاولة بالماكلة _ أمي يمينة شنيا هذا لكل _ هذوما لبنتي مرام باش تاكل لين تشبع مشات عنقتها وباستها _ علاه تعب في روحك _ بلعكس فرحانة قد الدنيا لخرجت وبدلت ونشوف فيك تتحسن موش ناوية تحكيلي يا بنيتي _ وقت يسهل ربي نقلك موش توى قعدت تاكل هيا ويمينة لمت وغسلت لماعون ودخلت لبيتها تمدت على الفرش حلت تاليفونها تتفرج في تصاور ڨالوري معبية بتصاورهم قداش كانت فرحانة معاه توى يلزمها تعفس على قلبها خاتر الدنيا موش ديما فرحة وسعادة فرحتك انتي يلزم تحارب عليها راحة البال يلزمك تتعب عليها هدف مرام توى تبدل مرام معادش تحب تعيش حياة ورد مرام تحب تحارب على حياتها،قامت من سرحتها ودخلت لدوش عملت دوش ريحتها رجعت كالمسك سشورت هاك الشعيرات عملت مكياج يهبل لبست روبة تهبل وحطت parfum لشمها عليها إمين كي جاتهم أمو لدارهم كان تتذكرو،خرجت باربي مالزين
