روح تراني طايب النفس مابغاك حكم طغى ماعاد ينفع نظامه

البارت ٨

فتحت توليب عيونها بهدوء وناظرت توق الي جنبها وماسكه الجوال
توليب : توق
تركت توق جوالها ومسكت يدها : لاتخافين بعيدين من بيت امير
حاولت توليب تقوم بس رجعت توق تسدحها مرة ثانيه : ارتاحي نامي زيادة تونا بدري
توليب : وش صار ؟؟
توق : اغمى عليك وجبتك هنا
ضحكت بخفه وكملت : تدرين مين عالجك ؟!
توليب : مين !!
توق : طبيبة بيطريه
ابتسمت توليب تضحك بخفه وتأوهت بألم من كتفها : لاتضحكيني تكفين
توق : طيب ، وش الي وداك هناك ؟!
ناظرتها توليب تسكت شوي وتقولها كل شي عن جابر والتهديد
______________
كان اسر جالس يضبط بدلته وانطق باب غرفته وتوقع انها حوريه او تغريد : ادخل
لف وشاف امل خذ نفس يحاول يهدي نفسه لايتوطى فيها الحين
امل : اسري ايش رايك نروح انا وانت اليوم نتمشى
اسر ببرود : اسمه اسر اول شي ثاني شي لا مشغول روحي مع امي او صديقاتك
امل : اسر ليش تعاملني كذا
ناظرها اسر وتكتف يقول : اول شي انتي الي اخترتي كذا انتي الي شاركتي بتفريقي عن توليب واتهمتيني مو غصب احبك يا امل اعرفي شلون تصونين نفسك وصدقيني رضيتي ولا مارضيتي توليب بترجع هي زوجتي الاولى والاخيرة وانتي راجعه بيت اهلك وامي مهيب نافعتك صدقيني
خذ اغراضه بيمشي بس وقفه كلامها : انا بقعد زوجتك وبتحبني غصبا عنك وبصير ام عيالك صدقني يا اسر ولو فكرت بس تقرب من ذيك بتلوم نفسك على الي بيصير لها
اسر : تهديدك ماله داعي انا بحميها منك
ولا اشوفك جايه مرة ثانيه غرفتي
طلع يتركها مقهورة اول ماتسكر الباب بدت تضحك بشكل هستيري
امل : نشوف يا اسر

نوال وهي تبرد اظافرها : وي اشبها دي تضحك كذا انجنت اخيرا
حوريه وهي تقلب صفحات كتابها : ياليت تنجن وتنقلع
____________
كانت ولاء تبحث عن طبيب شرعي مثل ما طلب منها رعد وشافت اسمه
حطت العنوان حق المستشفى وراحت سيارتها تتوجه له

وصلت قسم الاستقبال توقف عندهم وتوريهم هويتها : معتصم ال صقر هنا ؟!
الموظفه : ايه شوفي مكتبه على اليمين
شافت وين اشرت وراحت له طقت الباب وسمح لها تدخل
اول مادخلت شهقت بصدمه لما سمعت كلامه
كان معتصم يتكلم مع الممرضه الفلبينيه
ويتغزل فيها
تقرفت من المنظر وصفقت مرتين انتبه لها معتصم ونزلت الممرضه من على الطاوله توقف ورا كرسيه
استغفرت ولاء وقالت : ذي الحركات ماتكون في نطاق الشغل يا استاذ عندك بيت سو الي تبيه مو تجلس تقرف امنا بالمناظر ذي
رجع ظهرة على ورا وابتسامه سخريه مرسومه على وجهه : مكتبي واسوي الي ابيه انتي الي مكانك غلط
رفعت حاجبها من تحت النقاب ولفت راسها يمين يسار ومالقت شي تهبده فيه وطلعت هويتها تجلس على الكرسي : انا ضابط ويحق لي اني اتكلم واقضي على الصعاليك زيكم
تنهد معتصم يعدل جلسته وكان يناظرها بأستفزاز : قولي يا حضرة الضابط وش بغيتي
رمت بوجهه ملف بينار وبيلين : شوف ذي الملفات وباقي التفاصيل عند مدير المستشفى بنطلبك فجأة
وقفت بتروح وناظرت الممرضه : عاد ليت ذوقك حلو بعد كش مالت عليكم
ناظرها بصدمه توها شايفته وسوت كل ذا لو انها تعرفه من اول وش بتسوي
طلعت تسكر الباب بقوة ووصلها صوته : وكسر ان شاء الله
ولاء : يكسرك
مشت وهي متنرفزة منه ومن الي شافته بعد ماشافت خيانة سليم خذت فكرة عن الكل انهم خاينين وماعاد صارت توثق
ركبت سيارتها تطلع جوالها : رعد تم عطيته الملف
رعد : ممتاز ممتاز احسنتي ارجعي
_________________
كانت توق تدور حول نفسها ومتنرفزة من الكلام الي قالته توليب ووش سوت