انت اللى كنت بتكلمنى في التليفون مش وليد صح
استغرب جاسر
كنت بكلمك ازاى
نزلت دموع شهد :
انتم كلكم لعبتوا عليا محدش فيكم مظلوم امك حبكتها مع امى وزغللت عيونها بالفلوس ،وانت كنت الصوت بدل اخوك وخلتنى احبك بكلامك صح
نظر لها جاسر وهو مش مستوعب صوت ايه
صرخت شهد
عامل نفسك بريئ وبتنكر ،لكن انا مش مسمحااحكم
الكل يطلع برا مش عاوزة حد هنا ولاا قولكم
انا الى هسبلكم المكان .
عقاب الحب الفصل ٨
الكاتبة صفاء حسنى
تدخل الجد وطلب من الكل ينزل
نزلت عليا جري قبل ما يشوفها جاسر، وهو مش فاهم شهد بتتكلم عن ايه
وفعلا الكل نزل وفضل وليد وشهد فى الشقة
كانت شهد فى قمة الغضب قفلت الباب وراهم وقعدت تفكر هتعمل ايه لكن قبل اي حاجه هتعملها لازم الاول تقلع الفستان ده
دق الجد على الباب
افتحى يا بنتى انا جد وليد وعايز اطمن عليكى بعد اذنك
قامت شهد بصت من العين وقالت:
دقيقه حضرتك
ودخلت خلعت الفستان ولبست عباية سودة
وراحت فتحت الباب
نعم حضرتك
الكاتبة صفاء حسنى
عقاب الحب الفصل ٨
ابتسم الجد بسم الله ماشاء الله عليكى يا بنتى زى ما وصفك ابنى هشام الله يرحمه
هزت راسها شهد بجملة:
الله يرحمه اتفضل وليد اقعد اهوه
وبعد اذنك تسملحي انزل اروح عند امى
أوقفها الجد وقال :
حاضر اقول كلمتين عجبك تمام مش عجبك اوصلك لحد هناك
نفخت شهد واقعدت :
كان وليد ماسك لعبة بيلعب بيها
نظر الجد ليه بحزن وقال :
شوفي يا بنتى انا عارف ان اللى عليا عملته غلط
استغربت شهد وسألته
عليا مين
تنهد الجد :حماتك
نفخت شهد متقولش حماتى
كمل الجد
طبعا مش حماتك واصلا وليد مش جوزك
فكر كان عايز يقولها أن جاسر هو الا جوزها لكن لو اعترف ب الا هو عمله كمان ممكن البنت تخاف الاول امهد ليها الدنيا وبعد كده اعرفها واعرف جاسر كل اللى حصل من البداية وتنهد
انسي موضوع الجواز ده خلاص اعتبري انك مضيتى على اتفاق شغل مش جواز لكن عشان تكونى موجودة هنا بشكل طبيعي من غير حرمانية فكرنا بالموضوع ده
استغربت شهد :
مش فاهمه ممكن توضيح حضرتك
وضح الجد اعتبري كل الا اتعمل ده تمثيلية اقدام الناس عشان محدش يعرف بحالة وليد ووجودك في البيت مكنش ينفع غير كدة وكانت المفروض عليا تتفق معاك على كدة بس عشان غشيمة اتصرفت كدة
نفخت شهد
والمطلوب حضرتك
عقاب الحب الفصل ٨
الكاتبة صفاء حسنى
رد الجد
دلوقتي ابنى كتب وصية أن كل حاجه ب اسم وليد وحرم كل أولاده من حقوقهم
استغربت شهد
عمى هشام عمل كدة طيب ليه ؟
ابتسم الجد
اقولك بس اقفل الباب عشان محدش يسمعنى
وفعلا شهد قفلت الباب
بدأ يشرح لها الجد
وقت مرض هشام سأل الدكاترة على حالة وليد والدكاترة طلبوا أشعة وتحاليل وحاجات كتير
وكله طلعت سليمة وقالوا إن وقف نموا العقل بسبب الحبسة هو فعلا كان عنده مشكله واتعمله عملية وهو صغير وكان محتاج متابعة لكن الله يسامحها عليا
خافت من كلام الناس وحبست الواد وهنا نمو عقله وقف بدليل لما خليتيه ياخد العلاج لمدة شهر بس كنتى بتحسي أنه طبيعي
هزت راسها شهد على غباءها ،ومقراتش تصرفاتهم صح
الكاتبة صفاء حسنى
وتحدثت بسخرية
وممكن عشان غبية كمل سامعاك
شكر الجد
شكرا يا بنتى انك بتسمعينى
وأكمل دلوقتي انتى هتكون ممرضة ل وليد فترة من الوقت وتمشي معه توديه كل حاجه تساعده على علاجه وكل المصاريف تحت امرك خلال الفترة دى نجحتى ان وليد يكون طبيعي مش هقولك ٪ في ٪ لكن على الأقل يفهم كل حاجه يعرف يعمل كل حاجه لنفسه عقله يتفتح
ووقتها يابنتى يكون ليكى فى الورث بتاع ابنى وتاخدى نصيبك وتطلقى وتعيشى حياتك
وقفت شهد ولو منجحتش
ضحك الجد هتنجحى انا واثق انك اشطر ممرضة فى المستشفى بشهادة الجميع كدة كدة الشقة الفاضية مكتوبة ب اسمك وكمان اخواتك يدخلو احسن مدرسة وهتكونى جزء من عائلتنا الكبيرة
وانا واثق فيكى قولتى ايه اعتبري عقد عمل بمقابل وبدل ما تهتمى بناس كتير مش عندك الا واحد فكرى يا بنتى والصباح رباح لاقيتى العرض مناسب اكون ممنون ليكى
نزل الجد وقفل الباب وراه
وقعدت شهد تفكر قطع تفكيرها وليد
هو انتى زعلانة ليه هو انتى مش بتحبينى انا زعلتك في حاجة
تنهدت شهد ومسحت دموعها وردت
ازعل منك ليه انت ضحية زى زى ما قال جدك ضحية جهل المجتمع واي طفل يكون مريض أو عنده ضعف في الفكر أو مختلف يستخبوا بيه من غير علاج
المهم انت اكلت
ابتسم وليد بطفولة
لا انا جعان اوى
انصدمت شهد
يعني محدش أكلك خالص من الصبح
نظر لها بحزن
لا ماما كانت بتجهزنى عشان ابقي عريس
شهقت شهد
لا حول ولا قوه الا بالله طيب مين بيهتم بيك
اتكلم وليد
كان بابا وجدى
وسألته شهد
وبعد ما باباك مات مين راعاك واهتم بيك
رد وليد
عمتوا فاطمة
صفقت يد على يد
يعني محدش بيهتم بيك ولا بيحب يقعد معاك
أو يتكلم معاك
عقاب الحب الفصل ٨
الكاتبة صفاء حسنى
رد وليد
اه كانوا على طول حابسينى في الاوضه انتى عارفه انا مخرجتش الا لم ماما قالت إنها هتجيبلي عروسة ولم شاورت عليك من بعيد فرحت اوى
انك انتى هتكونى العروسة
تنهدت شهد لا حول ولا قوه الا بالله العلي العظيم
هما على طول معاك كدة
رد وليد
بابا وجدى اكتر ناس كانوا بيحبونى وبابا مات
وجدى سافر هو وجاسر عشان يهتموا بالشغل
سالته شهد
طيب اختك واخوك الصغير
كشر وليد على طول بيضربونى ويقولي لي انت عبيط ازى بابا كتب كل حاجه ليك
قامت شهد وقالت
طيب احنا هنتفق مع بعض اتفاق اوكيه
رد وليد
يعني ايه اتفاق
ضحكت شهد وحطت ايديها على أيده وقالت
كدة احنا اتفقنا ومحدش يعرف حاجة
مسك وليد أيدها جامد
كدة الاتفاق صح
عقاب الحب الفصل ٨
الكاتبة صفاء حسنى
ضحكت شهد
اه بس براحة شوية ايدى وجعتنى المهم
انا هفضل معاك لحد ما افهم من الدكاترة حالتك بالظبط وليه علاج ولا لا عشان انت من الظاهر طبيعي مفيش اي اختلاف مجرد تأخر فى العقل وده ممكن سببه أنهم سابوك وماهتمواش بيك واعتمدوا انك مريض
مكنش فاهم وليد منها حاجه
يعني ايه كل ده
ابتسمت شهد
افهمك ازاى طيب انت بتعرف تغير لوحدك ولا لازم حد يساعدك
ابتسم وليد
لا انا شاطر بابا علمنى ازى استحم وازى اغير هدومى عشان عيب حد يشوفنى
ابتسمت شهد برافو عليك
تعال معايا
عقاب الحب الفصل ٨
الكاتبة صفاء حسنى
قامت معه ودخلت على اوضة الاطفال وقالت
السرير ده يكون بتاعك وده يكون بتاعى اجيبلك هدوم انت ادخل حمام الضيوف وانا هدخل حمام الاوضه ونغير هدومنى وبعد كده ناكل واحنا نضاف ونبدأ في رحلة الاتفاق
فرح وليد
رحلة يعني هتفسحينى
ضحكت شهد.
طبعا هنتفسح ونروح اماكن كتير وكمان هنتعلم
فرح وليد
زى سمير وسعاد
ضحكت شهد وقالت
برافو عليك عاوزة اشوف وليد البطل
دخلت شهد الغرفة طلعت هدوم ليه و ل وليد ودخلته في الحمام وظبطت البانيو بماء مظبوط وبعد كده بدات تفهم وليد
انت هتمسك الكوباية دى وتملاها من البانيو وترش على نفسك وانت قاعد على التواليت
سألها وليد
يعني ايه
مسكت أيده وكأنه طفل صغير زى اخوه الصغير الا عنده ٨ سنين وقاعدته على التواليت وبدات تشرح ليه وبدات ترش على نفسها وغرقت نفسها
وهو قلدها وغرق نفسه وفضلوا يضحكوا
وبعد كده قالت
يلا انت بقي اخلع الهدوم الا اتبلت دى وانا هدخل الحمام التانى خلي بالك من نفسك اوكى
هز رأسه وليد بفرحة
ماشي
خرجت شهد وفعلا خلع وليد هدومه وحطهم في الجردل زى ما فهمته شهد
وهي دخلت الحمام التانى ونزلت تحت الدوش تعيط استنشقت بوجع وهى مش عارفه أن كنت تستمر والا تقول لا
وبعد كده خلعت هدومها ولبست هدوم تانى وخرجت عند وليد تشوفه عشان اتاخر وكانت بتدق الباب وهى محرجة وسألته وليد خلصت والا لسه رد عليا
تابع
أنت تقرأ
عقاب الحب الكاتبة صفاء حسنى جديد وحصريا
General Fictionاسمعني اسمعني اسمعني لا تعطي فرصه للفراق أن يكون أقوى من حبنا اسمعني لا تجعل قلبك قاسي هكذا عليا في لحظة غضب منك اسمعني لا تتركني هكذا ضعيفه يائسه في لحظه أنا احتاجك فيها اسمعني انت على الاقل لا تكون أنت و الحياه قاسيه عليا هكذا اسمعني انت لا...
