ဟန်ဂျူဂျူကို မကြောက်ဘူးဟုဆိုလျှင်လိမ်ရာကျပါသည် ။ ဖုန်းအားကိုင်ထားသည့်တုန်ယင်နေသောသူ၏လက်များနှင့်ဂနာမငြိမ်ဖြစ်နေသည့်မျက်လုံးများကသက်သေပင်။ သူ၏သူငယ်ချင်းအမွှာသုံးယောက်အားဖုန်းဆက်ပါသော်လည်းတစ်ယောက်မှပြန်ဖြေဆိုခြင်းမရှိကြ။
" မဟုတ်တဲ့အချိန်ဆိုအားတယ်၊အရေးကြီးချိန်ဆိုဘယ်ချောင်ထဲအိပ်ကုန်လဲမသိဘူး ချီးလိုပဲ "
စိတ်အလိုမကျစွာသူငြီးတွားလိုက်ပြီးဆေးရုံကားကိုဖုန်းဆက်ဖို့ရန်သတိရပြန်သည်။သို့သော်သူအခုရောက်နေသည့်နေရာကိုသူကိုယ်တိုင်ပင်ကောင်းကောင်းပြောမတတ်။သူနေသည့်နေရာနှင့်အလှမ်းဝေးနေသလိုဘယ်လမ်း၊ဘယ်နေရာတိတိကျကျသူမသိ ။ လိုက်လာတုန်းကလိုက်လာပါသော်လည်းလမ်းအမည်များမမှတ်တတ်သည့်မှတ်ဉာဏ်တစ်ခုပိုင်ဆိုင်ထားသည့်သူ့အဖို့ဘာမှကိုမမှတ်မိပါ ။သည်လိုဆိုလျှင်ကလေးမလေးအားကိုယ်တိုင်ချီကာလမ်းရှာပြီးသွားမှဖြစ်တော့မည်။
ထိုအချိန်......
" အကူညီလိုနေသလား "
အမှောင်ထဲမှထွက်လာသည့်ထင်ရှားလှသည့်အသံ။
ထိုအသံ၊သူရင်းနှီးလှသည့်အသံ။ စိတ်အလုံးစုံတို့အားနွေးမြစေပြီးလုံခြုံသည့်ခံစားချက်ပေးနိုင်သည့်
တည်ငြိမ်လှသည့်အသံ။
" ဦးအံ့! "
သူမယုံကြည်နိုင်စွာအမြန်ပြေးဖက်လိုက်တော့အေးစက်စက်ခန္ဓာကိုယ်နှင့်သူကသူ့ဦးအံ့မှဦးအံ့။
အဝါရောင်မျက်ဆံလေးများနှင့်မျက်လုံးများမှာ
သူ့ကိုနူးညံ့စွာကြည့်နေပြီးသိမ်မွေ့လှသည့်အပြုံးလေးဖြင့်တည်ငြိမ်စွာပြုံးပြလာသည် ။
" ဘယ်ကနေဘယ်လိုရောက်လာတာလဲဗျာ၊ရုတ်တရက်ကြီးပေါ်လာလိုက်တာသရဲကျလို့ "
" ဟုတ်ပြီ၊ဒါဆိုကိုယ်ပြန်မယ်၊ပြီးရင်လိပ်လိုလေးဘက်ထောက်ပြီးပြန်လာခဲ့မယ် "
အံ့မှိုင်းညီပြုံးတုံ့တုံ့လုပ်ကာကျီစယ်တော့ကလေးပေါက်၏မျက်စောင်းဒိုင်းခနဲကသူ့ထံတည့်တည့်။
" ကျွန်တော်ကြောက်နေတာဗျ "
" ကိုယ်သိတယ် "
YOU ARE READING
Sunshine Of My Life [ Ongoing ]
Romanceအဖြူနဲ့အမည်း......။ လူသားနဲ့ဝိညာဥ်......။ ဆန့်ကျင်ဘက်သူတို့နှစ်ယောက်ကြားကချစ်ခြင်းမေတ္တာ........။ အျဖဴနဲ႕အမည္း......။ လူသားနဲ႕ဝိညာဥ္......။ ဆန့္က်င္ဘက္သူတို႔ႏွစ္ေယာက္ၾကားကခ်စ္ျခင္းေမတၱာ........။ Boy x Boy
![Sunshine Of My Life [ Ongoing ]](https://img.wattpad.com/cover/374341581-64-k670496.jpg)