عام 2020 تحديداً
2020/1/10
ايام كورونا
_______________________
بداية عام دراسي جديد والكل يتحضر للمدرسه
كعدت اسماء ساعه 4ص حتى تتجهز للمدرسه بما ان هذا اول يوم دراسي الهم
بدايه السادس الابتدائي
اسماء الساعه 6:55
اسماء: يمه حروح اني حتى اشتري ومناك اروح اوكف حتى يجيني الباص
ابتسام:يلا الله وياج ديربالج راح اباوعلج منا
اسماء: يلا مع السلامه
طلعت اتمشى بالطريق لمحت الباص واكف حتى ما اشتريت اكل وضليت حايرة
ركضت للباص اول ما صعدت سلمت على المعلمه وسجلت اسمي وي باقي الطالبات
(طبعاً المدرسه اهليه مال ايتام وبيها ابتدائي ومتوسط وثانوي)
صعدت مثل باقي الطالبات ضليت منتضرة ورا ما وصلنه للمدرسه نزلنه من الباصات وصارت عادات مثل كل المدارس العراقيه اصطفاف واراشادات وغيرها.....
صار الداوم اربع ايام بالاسبوع من ورا مرض كوفيد 19
ورا اسبوع بالدوام رحت للمدرسه عادي مع صديقتي طيبه سلمنا على بعض وهي راحت مع صديقاتها
اخذت الرحله الاخيرة ورا نصف ساعه دخلت بنت حلوه وتقريبا شوي مثل ملامحي شفت محد حجه وياها وكأنها غريبه عرفت شعورها ورحت بسرعه حجيت وياها
اسماء: هلا يا بنيه شلونج
بنين: اهلا
اسماء: جديدة هنا انتِ؟اول مرا اشوفج
بنين: اي صح
اسماء: هلا بيج تعاي اكعدي يمي
اخذتها وكعدتها يمي
اجت طيبه ورا شويه وشافتنه كاعدين سوا اجت وسألتني
طيبه: منو هاي اسماء؟
اسماء: هاي صديقتنه الجديده
طيبه: صديقتج الج وحدج بعد لا تمشين وياي
اسماء: طيبه شبيج ترا بنيه جديده اجت وعيب.
طيبه: تمام واذا جديده روحي وياها ما احجي وياج.
كل هذا الحجي صار بينه بالممرات المدرسيه
انصدمت من موقفه بس عفتها براحتها
ورا كم يوم المدرسه كالو راح ننقل بعض البنات لغير مدرسه والصدفه جانت البنيه بنين وياي بس طيبه لا وطلعنا اني وبنين بنفس الخط او بالاحرى نفس المنطقه
(نقلونه لغير مدرسه مختلطه واهليه كذلك)
صار الدوام يومين بالاسبوع الي هن الاحد والخميس
اني اسبوع كامل ما داومت ثاني اسبوع داومت يوم الاحد طلعت على الشارع بعد ما ودعت امي طلعت بس جان غير خط فما عرفته بس لمن وكف
طلع استاذ من الباص متوجه الي
سألني
استاذ علي: انتِ بمدرسه.............
اسماء: اي
استاذ علي: يلا تعاي هذا الباص شنو اسمج الثلاثي
اسماء: اسماء محمد........
استاذ علي: يلا امشي انتبهي من السيارات
عبرنه الشارع وصعدت للسيارة جانو ولد هواي وبس ثلث بنات الي هي بنين واني وبنيه ثانيه
اسماء: لج هلا مشتاقتلج هوايي
بنين: اني هم ليش ما اجيتي لعد من اول يوم
اسماء: ما جنت ادري لان ماكو احد دخلني بالكروب مال هاي المدرسه
بنين: تمام
اسماء: شنو دروسنه كلشي ما ادري وشنو المدرسه حلو لا
بنين: هسه نروح وتشوفين اما دروس ما اكدر اشرحلج نروح للمدرسه ونشوف
