أبيك تدري إني فيك اكتفيت

بارت 2؛<سبحان الله و الحمدلله>🤍

.
>
هزاع:يلا انزلي..
..نزلت رهف..و هو نزل وراها..
هزاع:يبتج الممشى لانه احس صقر اخوج نادر يكون هني!..
..رهف وقفت ورا الشير..
رهف:احسن..و عشان ما يقدر يجوفني من هني..
..هزاع سار وراها و يلسوا ثنينهم ع الكرسي..
رهف:شو تبا تقولي؟..
هزاع:شو سالفة صقر وياج؟..سمعت صريخه و كلامه لج..
رهف:أنا مستغربه منك!..كيف نحن اهل و دايما بنفس البيت و ما تعرف!..و انت و فهد وايد قراب من بعض اكيد يقولك..
هزاع:فهد ما يرمس عنج عندي..ولا نسيتي كلامه؟..
رهف:صح بس..
هزاع يقاطعها:ليش ما تبين تخبريني؟..
..رهف حطت عينها بعينه..
هزاع:ليش؟..
رهف:مب عن مابا أخبرك..بعدين انت يايبني هني عشان بس هالسالفه؟..
هزاع:لا تقولين بس عشان هالسالفه!..فضولي بشي يخصج يذبح!..
رهف:فيك فضول؟..و تبا تعرف؟..
هزاع:وايد!..اكيد ابا اعرف!..اي شي يخصج ابا اعرفه اول ب اول..من حقي!..
رهف:أخطبني عيل..بدال ما تتراوغ بالكلام و أنا أخاف أطالعك حتى..أخطبني عشان اقدر احس اني اكلمك بدون خوف..
..هزاع تم يطالعها بصدمه..
رهف فصلت عليه:أنا عبالي انك يبتني هني عشان هالموضوع..يعني عقب المواقف اللي صارت اليوم و قبل توقعت يعني..و دامك كلمت امي!..
هزاع يبتسم:يعني انتي تتحرين عشان هالموضوع؟..
..رهف تصد عنه و بوزت..
هزاع:طالعيني..
رهف تطالعه:شو هزاع؟..
هزاع:ليش عصبتي؟..
رهف:بس جي مزاجي..
هزاع:انتي كيف جي تتغيرين؟..مساعه غير و الحين غير..
رهف:المهم..
هزاع:انزين عن موضوع الزواج خليه عقب..
..رهف انحرجت لانها يابت العيد ب هالطاري..
رهف تنزل راسها و تلعب ب ايدها:اساسا اتمصخر..ما قصدت شي..
هزاع:ما قصدتي شي!..و انتي تعرفين اني مابا غيرج!..اباج انتي..
..رهف رفعت راسها و تمت تطالعه..
هزاع:بكون صادق وياج..و انتي تعرفين اني احبج!..من عرفت انج تخرجتي من الجامعه و أنا متحرقص اتريا الليل عشان اكلم ابوي عنج..
رهف:المهم..نرجع ل موضوعنا..
هزاع:ما بنرجع..خلينا ع نفس الموضوع..
رهف قامت عنه و تمشي:اوكي..
هزاع يلحقها:ما تبيني رهف؟..
رهف:منو قال ما أباك!..
هزاع:عيل كلميني بجديه..ابا رهف العاقله..ليش تتهربين؟..
رهف:منحرجه منك..ما كان لازم اقول هالكلام!..
هزاع يبتسم:انزين أنا عايبني انج قلتي هالكلام!..
..رهف تطالعه..
هزاع:براحتج لو ما تبين تخبريني عن شي..أنا بس..
رهف:بس شو؟..
هزاع:ابا الزم حدود الناس اللي يسوون فيج جي..
رهف:محد يقدر ع صقر..لدرجه ابوي ما يقوله شي..يعني يقوله..لكن صقر ما يتوب ولا ينفع معاه شي..
هزاع:باخذج من الكل..و محد بيقدر يسوي فيج شي..و بتكونين ملكي..و أنا ما أرضى على ملكي!..ودي اروح معاج لمكان مافيه إلا أنا و انتي!..
..رهف استحتتتت..
رهف:راضيه غصبا عني!..دامك معاي راضيه راضيه!..
هزاع يبتسم:نرجع ل دارنا؟..و نتريا لين تزين امورنا و فالج طيب اوديج المكان اللي بس يضمنا نحن..
..رهف هزت راسها ب هي..و مشوا للسياره بيروحون..
.
.
*** خذني ل مكان ما فيه إلا أنا و أنت و حبك ***🤍
>
.
..ينتهي هذا اليوم بوناسة هزاع و رهف و هم يتذكرون المواقف اللي صارت لهم اليوم..
.
..اليوم اللي بعده!..
.
(ب غرفة رهف)
..تلعب ويا سعيد..
رهف:سعووووود!..لا تغششش..
سعيد:ما غشييييت..
رهف:جب مابا العب وياك..
..صقر يدخل..
رهف:ليش ما تدق الباب؟..
صقر:نعم!..ادق الباب؟..من متى ادق الباب يوم ادخل حجرتج!..
..رهف طنشته..
صقر:المهم..ربيعي بيي بعد شوي..انا بيلس الحين و عقب يوم بيي بسير له..
رهف:و المطلوب مني؟..
صقر:شو بيكون مطلوب منج؟..قومي سوي قهوه او اي شي..كيك مثلا..ولا ما تعرفين تضيفين حد!..
رهف:مالي خلق..
صقر:لا تخليني اضربج قدام ولدي..و قومي..
رهف:الشغاله مقصره معاك ب شي؟..
صقر بحده:بتقومين ولا اقومج بطريقتي؟..باجر لو تزوجتي كيف بتنفعين ب هالشغله..
رهف تبتسم و ايي عبالها هزاع:بيعذرني..ولا بيقول شي..
صقر ب استغراب:انتي ما تزوجتي و تحكمين!..
رهف:اقول هالكلام عشان قدري يكون مثله!..
صقر:ما علينا من هالكلام..و قومي..
..رهف معانده فيه و مطنشتنه ع الأخررر..
صقر يزخها من ذراعها و يقومها و بملامح حاده:يوم اقولج قومي تقومين!..
رهف:بقوم!..لازم تضرب؟..
صقر:ما تفهمين بطريقه ثانيه لانج..
..يطالع رقبتها..
صقر:طلعتي انتي اليوم من غرفتج؟..
رهف:لا..أصلا قبل شوي قايمه من النوم!..
صقر:زين..غطي رقبتج..عن حد يشوف العلامه الحمره!..اللي سببتها لج امس..
رهف تبتسم غياض:لا تحاتي..ابوي و امي ما يقولون لك شي..
..صقر يهدها..
رهف تطالع سعيد:بتي وياي المطبخ تساعدني؟..
صقر:لا!..سوي كل شي بروحج..
..يطالع ولده..
صقر:تعال وياي..
سعيد:ان شاء الله بابا..
..طلعوا صقر و سعيد من الغرفه..و رهف دخلت تسبحت و لبست قميص و جينز و رفعت شعرها الطويييل ع فوق و نزلت تحت و راحت المطبخ..سوت القهوه و جهزت التمر و طلعت الكيك الجاهز من الثلاجه و حطته بصحن مزين و حلو..و حطت كل شي بالصينيه الكشخه..و حطتها ع الطاوله و جافت صقر اول ما طلعت..
صقر:خلصتي؟..
رهف:هي..
صقر:تمام..ودي الصينيه الميلس..
رهف:ليش أنا اوديها؟..
صقر:وديها و اسمعي الكلام..
رهف:اوكي ربيعك اول مره ايي بيتنا!..ليش كل شي علي أنا؟..
صقر:ما احب شغل الشغالات و وصاختهم..
رهف:وط صوتك!..الشغاله موجوده!..و عيب تقول هالكلام..ولا تعلم سعيد جي..غلط..
صقر:تربيني انتي الحين ولا كيف؟..سيري ودي الصينيه الميلس و بخري الميلس..ربيعي ع وصول..
رهف:ان شاء الله!..
..صعد عنها فوق و هي شلت الصينيه و طلعت برع و سارت الميلس..دخلت الميلس و حطت الصينيه ع الطاوله و بخرت المكان..و طلعت برع الميلس و وقفت صوب المنظره اللي تخص الحمام و انتوا بكرامه..تطالعت نفسها و فتحت شعرها الطويل الكستنائي و رتبته بطريقه حلوه..
رهف:هممممم..مالي خلق لشي اليوم أبدا!..
..و فجأه!..
.
..ايي صوبها ربيع اخوها صقر و هو مب منتبه لها..رفع راسه و جافها و هي صدت و جافته و انصدمت ما عرفت وين تنخش..
ذياب ربيع صقر ينزل راسه و يغمض عينه لكن ما اقولكم انه ما انبهر من جمالها:السموحه اختي..
..رهف شردت و راحت الصاله..و هي ميته خووووف و رعب..ش هالصدفه الغريبه!..
.
.
**** صدفة غريبة جمعتنا بدون حساب! بتقلب كل شي بلحظه و ما نعرف شو مخبيه لنا! ****🤍
.
.
<
(عند بطلتنا الرهف)
.. عقب ما دخلت الصاله..
رهف مفزوعه خوووف:اميييي تخيلي!..
ام رهف:شوي شوي شو مستوي؟..
رهف:ربيع صقر بالميلس!..و أنا دخلت و ما كنت ادري انه موجود!..
ام رهف:غريبه صقر ما يدري عنه؟..
رهف:توا يا بس..
ام رهف:ماعليه بالغلط جافج..لا تخبصين الموقف!..
رهف:بس احرااج!..و اساسا صقر دام لهدرجه يتحكم فيني المفروض ما يخليني اسوي هالشي..المفروض يحط بباله انه لو استوا هالموقف!..اكيد الحين بيذبحني..
ام رهف:ماعليه انتي المهم لا تييبين طاري لحد..
رهف:لو ربيعه ياب طاري!..
ام رهف:لو ريال صدق المفروض ما يطري..
رهف:يااارب ما يطري!..لو طرى بروح فيها جد..
..يلست ويا امها..و تمت تفكر بداخلها و تقول"المفروض اسمع كلام هزاع! و حتى ف بيتنا اسوي اللي هو قاله لو كنت متغطيه احسن!"..
صقر ينزل من فوق و معاه خوله:وصل ربيعي؟..
ام رهف:و نحن من وين ندري؟..لازم يكلمك..
صقر:ما كلمني!..قلت يمكن دق جرس او شي..
رهف بتوتر:أنا سرت..لكني ما حصلت حد هناك..
صقر:خلاص أنا ساير الميلس الحين..بترياه..
..طلع و سار الميلس..و خوله يلست ويا رهف و امها و شغلت التلفزيون و حاطه مسلسل اجنبي و مطوله ع الصوت..
ام رهف:خوله امي..قصري شوي ع التلفزيون..الصوت وايد عالي..و عمج ابو رهف راقد فوق..
..خوله مسويه عمرها ما تسمع و مطنشه ام رهف..
رهف:خوله!..سمعتي امي شو تقول ولا لا؟..
..خوله مطنشههه..و تطول ع التلفزيون اكثر..
.
..قامت رهف و سارت صوب التلفزيون و بندته بكبره..
رهف بعصبيه:عندج مشكله بالسمع؟..
خوله:انتي ما يفيد وياج؟..تبيني اخبر ريلي عليج مره ثانيه!..
رهف:خبري..لكن امي يوم ترمسج تسمعينها..و تحترمين ابوي اللي راقد فوق!..
خوله:ما سمعتها!..
رهف:لا تلعبين علينا!..سمعتي لكنج تعاندين..انتي من ييتي هني ما عمرج سويتي شي صح..
ام رهف:امي رهف خلاص..ما صار شي!..
رهف تطالع خوله:ترا امي تصرفج..ولا تقدر تفرج برع!..و ترد عليج بعشر..
خوله بجديه:ما سمعت؟..تفر منو برع؟..
رهف تبتسم:فهمتي!..و سمعتي..و انتي الشخص الوحيد اللي صدق صدق بينفر برع جريب..
خوله:محد يقدر يسوي فيني اي شي..حتى اكبر واحد بالبيت ما يقدر!..دام صقر ريلي للحين عايش..
رهف:ضحكتيني!..تراج مسكينه و ع نياتج..و شخصيتج هذي ما بتنفعج نهائيا..عدليها لو سمحتي..
..سارت يلست حذال امها و مب هامنها شي..
ام رهف تكلم بنتها بصوت واطي:شعليج منها؟..خليها برايها..
رهف بجديه:اي حد ما يحترمج مستحيل اخليه و اعدي الموقف..
..ام رهف ما علقت لكن حبت حركة بنتها..
.
.
..عقب صلاة المغرب..بعد ما رد صقر من المسيد..دخل غرفته..
صقر:انتي اول وحده ابا اخبرها عن هالموضوع..
خوله:اي موضوع؟..
..رهف كانت ماره بالصدفه و سمعت حوارهم..و تمت واقفه..
صقر:ربيعي ذياب..اللي زارني اليوم..
خوله:اهااا بلاه؟..
صقر:يبا يتقدم ل اختي رهف..
..رهف شهقت و حطت ايدها ع حلجها..
صقر:عاد مادري وين شافها او من وين يعرفها..لكنه يعرف عنا..و يبا اختي..
خوله تبتسم:ولله زين..احسن لها تاخذ واحد انت تعرفه..اسهل شي!..
صقر:فكرت فيها..و ربيعي ريال يناسب رهف بشكل كبير!..بيعرف يمشيها سيده..بدال المنكر اللي هي يوميا تسويه..
خوله استانست من الخبر و اخيرا بتفتك من رهف:أنا الصراحه اقولك كلم ابوك و إذا صار نصيب ايي يتقدم لها!..اختك مب ناقصنها غير الزواج!..
..رهف رصت ع نفسها و نزلت دموعها بغزاره..ركضت ل غرفتها و قفلت الباب و انهااارت صياح..
صقر:بكلم ابوي اليوم..و إذا وافق..بخلي ربيعي ايي باجر و ييلس ويا رهف شوي..يتعرفون ع بعضهم..
خوله:زين تسوي..بس استعيل!..نبا نفرح ب اختك..
صقر يبتسم لها:قرييييب ان شاء الله..
..ابتسمت خوله براحه..لانها تعرف انه رهف تحب هزاع و تعرف انه رهف ودها تاخذ هزاع..دايما عينها على رهف بكل تجمعات و تعرف اللي يستوي لها..و ناويه تخرب اللي بينها و بين هزاع..
.
.
*** التفريق بين الحبايب سهل!لو دخلت بينهم نية ما تخاف من الله ***
.
.
<
..بعد كم ساعه..
.
..ابوها يدق عليها باب الغرفه..تنهدت بتعب و بدون نفس و قامت و فتحت الباب..و انصدم ابوها من منظرها..باين عليها انه كانت تصيح..
ابو رهف:بلاج بابا؟..ليش تصيحين؟..
رهف:ادخل ابوي..لا اتم واقف برع..
..يابت له كرسي و هو يلس و هي يلست مقابله ع الشبريه..
رهف:سمعت الخبر؟..
ابو رهف:شكله الخبر اللي ياي اقوله لج الحين..
رهف:مع الأسف هو..
ابو رهف:مع الأسف!..
رهف:هي مع الأسف!..ما خبرك صقر؟..
ابو رهف:مب صقر اللي خبرني!..امج!..و بعدين الولد قالي إنكم تبون بعض من زمان!..
رهف:اي ولد؟..
ابو رهف:اي ولد!..اقصد هزاع يا بنتي..
..رهف انصدمت و مسحت دموعها و تمت تطالع ابوها مب مستوعبه!..
ابو رهف:مب انتي تبينه؟!..
رهف:هي بس!..أنا عبالي..
ابو رهف:عبالج منو؟..
رهف استانست انه ابوها ما يعرف عن ربيع صقر للحين:محد!..يعني مول ما يا عبالي حد..بس انه استغربت..
ابو رهف:انتي تبينه؟..تبين هزاع؟..
رهف:ولله مادري شقولك ابوي..احس استحي اقولك اني هي اباه..
ابو رهف يبتسم:هذا و أنا ابوج..
..صقر يدخل..
صقر:يبا انت هني!..أباك بموضوع..
..رهف توهقت..حست انها عرفت الموضوع اللي ياي عشانه صقر..
ابو رهف:ما تشوفني اكلم اختك عن موضوع؟..
صقر:بس هالموضوع مهم..مهم وايد!..
ابو رهف:شو هو الموضوع؟..
صقر:تمام بقوله هني مره وحده..دام رهف موجوده بعد..لانه الموضوع عنها..يخصها..
ابو رهف:تكلم!..
صقر:ربيعي اللي زارني اليوم..يبا اختي..يبا يتقدم لها..
..رهف على طول تطالعت ابوها..
ابو رهف:اثنين تقدموا لها اليوم!..
صقر:منو؟..
ابو رهف:هزاع..ولد خالتك..
صقر:و ليكون بترضى؟..
ابو رهف:أنا و ابوه عشرة عمر!..و أنا جايف هزاع كيف..و يستاهل بنتي..
صقر:و ربيعي؟..
ابو رهف:نعتذر منه..
صقر:ابوي لا تحطني بموقف محرج!..كيف اروح اقول له انه فيه غيرك يباها..
ابو رهف:سهله..يعني تدمر حياة اختك عشانك ما قدرت تقوله هالكلام!..
..صقر تطالع رهف بنظرات و طلع..
ابو رهف:للحين ما برد خبر لهم..استخيري و بلغيني..و بنجوف الأوضاع مع ربيعه هذا..
..يبتسم..
ابو رهف:و إذا فيه نصيب..ما اقولج غير ع البركه يا بنتي..
رهف تبتسم:ان شاء الله ابوي..
ابو رهف:ربيعه هذا وين جافج من وين يعرفج؟..
رهف توترت:مادري يا ابوي..
ابو رهف:ع العموم أنا بسير الخيمه الحين عند الشباب..انتي جوفي امورج و خبريني..
رهف:ان شاء الله..
..حب راس بنته و طلع..و بدقايق يا صقر عندها..
صقر:الحين تكلمين ابوي و تقولين له ما تبين هزاع..
رهف تطالعه:على كيفك؟..
صقر:هي على كيفي!..و بتاخذين ربيعي..
رهف:لا مب على كيفك..و باخذ هزاع..
صقر:رهف لا تعانديني و اسمعي كلامي..
رهف:بصفتك!..انت تتحرا اني أنا أحسك اخوي؟..انت مستحيل احط لك اعتبار انك اخوي..
صقر:اخوج و غصبا عنج..سواء رضيتي ولا ما رضيتي..
رهف:ليش يعني مجبوره اخذ ربيعك؟..
صقر:هو جافج اليوم صح؟..
..رهف بلعت ريجها و توترت..
صقر:أنا بخلي هالنظره تكون حلال..و ياخذج..
رهف:تراك فاهم غلط!..دام بالغلط خلاص عادي!..
صقر:تبيني اسوي شي ما يرضيج صح؟..
رهف:انت كل مره تسوي شي ما يرضيني أصلا..
صقر بجديه:رهف..تدرين شو ممكن اسوي عشان ترضين؟..
رهف:شو؟..
صقر يقرب منها و يهدد:عادي اذبحه..اذبح هزاع..
..رهف توترت مليوووون توتر..لانه تعرف انه اخوها عادي عنده يسوي هالشي..
رهف:ما تسويها!..
صقر بجديه اكبر:أسويها!..أسويها يا رهف..ما تستبعدينها مني..و دامج ما بتخبرين ابوي..أنا بخبره الحين و بنفسي!..
رهف تمسك ايده و شوي و بتنهار:دخيلك لا تخرب شي!..دخيلك..
صقر:شو اللي بينج و بين هزاع؟..ليش لهدرجه تبينه؟..
..سكتت..
صقر يمسكها بوحشيه و يصارخ بويهها:جاوبيني..فيه حب بينكم؟..
رهف تصيح:ولله محترمني و صايني..ما سوينا شي غلط..عمرنا ولله..و إذا بغا شي مني يروح ل امي و يخبرها..
صقر:ما شاء الله كل هذا و أنا مادري؟..
خوله تدخل عليهم:أبشرك..ما كنت تعرف عن اختك و سواياها..لكن تحسبك مدمغ ما تعرف عن شي..
رهف تطالعها:ممكن ما تتدخلين؟..
خوله:لا خليني هني..عشان إذا ذبحج او شي اساعدج!..
..صقر يفر رهف ع الارض و هي منهاره تصيح..و يطلع برع و ينزل تحت و يزقر امه بصوت يهز المكان..
ام رهف بخوف اتي صوبه:اللهم اجعله خير؟..ليش شاب؟..
صقر:كلمي خالتي ام هزاع..و قولي لها ماشي نصيب..
ام رهف:ليش شو مستوي؟..ليش ماشي نصيب؟..
صقر:بنتج هايته معاه و تعيش قصة حب من وراكم معاه..و ساكتين!..الحين يوم الحزه يبا يتقدم لها!..
ام رهف:لا تتكلم جي عن ولد خالتك..طول عمره ما سوا شي غلط..حتى بحق بنتي..محترمنها و أنا اشهد..
صقر:من جدامج..انتي ما تعرفين وراج شو يستوي..
رهف اتي صوبهم:لا تتحرا كل الناس مثلك و شراتك..يرضون بالحرام و الغلط..
صقر يصارخ بعصبيه:لا ترادديني..
..يطالع امه..
صقر:ولله و طول ما أنا عايش هزاع ما ياخذ اختي..سامعين؟..
ام رهف بخوف:ان شاء الله ان شاء الله..اذكر الله و شوي شوي..الحين اكلم خالتك و اقول لها ماشي نصيب..
..رهف تطالعهم و تسمعهم و هي مب حاسه باللي يصير لها..
صقر يصد لها:باجر ع العصر تجهزين عمرج..يا ايي يجوفج و يتعرف عليج يا خطبه..سامعه؟..
..رهف تطالعه و دموعها تنزل..
صقر:سامعه؟..
رهف تبلع ريجها بخوف:سامعه..
..دخلت غرفتها و تصيح بصوت مسموع و ب انهيار كبير..
صقر:ولا اقولج امي..أنا بكلم هزاع بنفسي..
..فتح فونه و اتصل ب هزاع و رد عليه من اول مره..
هزاع:مرحبااا صقر..
صقر كاتم عصبيته:اسمعني..من اليوم و رايح اختي مالك دخل فيها..ولا حتى تقرب صوبها..حتى سلام بينكم ماشي..
هزاع:عسى ما شر؟..صاير شي؟..
صقر:متقدم لها ما شاء الله..حسبالك بترضى؟..ما بترضى دامني أنا اخوها..
هزاع:و ليش مب راضي؟..
صقر:الحب و الخرابيط اللي بينكم بيخترب كله..و ماشي نصيب بينك و بين اختي..و اسمع..لو قربت تتشكى عند حد و تحاول معاهم صدقني ما تشم ريحة اختي بعد..اذبحها ولله اذبحها..يا انها تكون عايشه و تتألم انت وياها..يا انك تاخذ بدال الألم المين..الم انك ما خذتها و الم موتها..و لو جفت انك مقرب منها او تحاول تكلمها او حتى يت عينك عليها صدقني أراويك الويل..و يلا اذلف..
..سكر بويه هزاع اللي مصدوم بشكل كبير و مب مستوعب اللي يسمعه..يحس انه يحلم مب صدق اللي يسمعه نهائيا..حبيبة قلبه يخسرها بلحظه!..كيف يهون عليهم يخربون اللي بينهم!..
صقر يطالعهم:ربيعي باجر بيي و بحدد موعد معاه..و رهف ما تاخذ غيره..سامعين؟..
..صعد فوق و دخل ع رهف..
صقر:تنكرين اللي بينكم يا الخايسه؟..
رهف تصيح:ولله ما بينا شي غلط ولله..ليش مب راضي تصدقني؟..
صقر:سواء ان كان بينكم شي او ما بينكم شي..ما تاخذينه..و قلت لج ربيعي بيي باجر..جهزي عمرج!..
رهف:ان شاء الله..
..و طلع..
.
..و تمت رهف ع هالليله تصيح و تكبت اللي بداخلها..و المسجات و الاتصالات ما توقف..غلقت تلفونها و فرته بالسده..و لا قدرت تسوي شي غير انها تصيح ل مده..
.
.
*** ضياع النصيب بين الحبايب قسمة مكتوبة! حتى لو كان القلب يبا ***🤍
.
.
<
..اليوم اللي بعده..ابوها و فهد يدخلون عليها و كانت بكامل زينتها كالعاده!..
ابو رهف يبتسم:يازين البنااات..
..تروح صوب ابوها و تحضنه..
ابو رهف يخليها تقابله:اسمعيني يا بنتي..نصيبج مب مكتوب مع اللي تحبينه و تبينه..مكتوب مع شخص ما تعرفين عنه شي..لكن ان شاء الله و ب أذن الله بتتعدل امورج معاه و بتحبينه و بيكون الزوج الصالح و المناسب لج..و أنا إحساسي ما يطلع غلط!..بيي اليوم اللي تحمدين ربج عليه..
رهف تنزل دموعها:و هزاع؟..كيف يهون علي اخليه ينهار و نحن توقعنا حياتنا مع بعض؟..
ابو رهف:مجبورين كلنا نتحمل يا نظر عيني انتي..
رهف ب قهر:ليش محد منع صقر؟..بالأخص انت ابوي..
..ابو رهف نزل راسه..حس بتلوم كبير..
فهد يحب راس اخته:ماعليج من شي..الحين انتي سيري و جوفي!..صدقيني بيي يوم بتفرحين فيه قد ما زعلتي اليوم..توكلي ع الله اختي!..و أنا وياج و بوقف وياج..و ما بقصر فيج..نحن كلنا مب قادرين نسوي شي..
رهف تبتسم غصب:ان شاء الله..احاول أتقبل لانه مول ما بقدر اسوي شي..
فهد يبتسم:يلا بابا سيري..
رهف:ان شاء الله..فهد..
فهد:عيون اخوج فهد..
رهف:انزين ليش ما تدخل وياي..أنا بتم ساكته..احس اني خايفه..
فهد:انتي اول شي ادخلي و تعرفي عليه..و عقب من عيوني بدخل على طول..
رهف تبتسم و تحضنه:تمام..
..نزلت تحت..و صقر كان يطالعها..
صقر:الشيله ما تتبطل من ع راسج..و هالله هالله بالريال..
رهف تبتسم بحسره:لا تحاتي..مثل ما بلشتني فيه..
..سكتت ما كملت كلامها و طلعت برع..و تمت متردده و واقفه صوب باب الميلس ما تعرف تدش ولا ترد..و مليون فكره ملخبطه براسها..مب عارفه هاليوم المعقد..
.
.
..خذت نفس عمييييق..و استعدت استعداد تام!..و دخلت..كانت مرتبكه و خطواتها تتمايل من الخوف..و منزله راسها..و هو كان يطالعها..يلست حذاله..بس بينهم مسافه وجيزه!..
.
..ساكتين ل مده بسيطه..
رهف اللي ملت من الجو:شو الفايده من السكوت الحين؟..
ذياب:مخلنج ع راحتج..اترياج لين تهدين من التوتر..عشان اقدر اخذ راحتي و احس اني مرتاح بكلامي معاج..
رهف حطت عينها الحلوه بعينه اللي تجذب و تريح الإنسان:مرتاحه و مب متوتره ما عليك..
ذياب:هذا اللي اباه..انتي عارفه انه اخوج هو اللي جابرنا نحن الاثنين..
رهف تطالعه و ب استغراب:يعني مب انت اللي قلت له انك تباني؟..
ذياب:طبعا لا!..و أنا حاولت معاه انه ما يجبرج علي..لكنه مصر اني اخذج..
رهف مب مستوعبه اللي يستوي لها:يعني حتى انت مب عارف تقول لا؟!..مب عارف تمنع؟..تخلي صقر يمشي كلامه عليك؟..
ذياب:مثل ما قلت لج اني حاولت امنعه..المهم..شوفي يا..
رهف تقاطعه:رهف..اسمي رهف..
ذياب اللي انعجب ب اسمها بعد:اخوج حتى اسمج ما قالي إياه..ع العموم..تمام يا رهف..انا ما عندي أي اعتراض اني اخذج..و لو تبين الصدق انا ما احب الزواج اللي يكون عن حب..
رهف تبتسم بحسره:عشان جي ييت تخرب ع اثنين يحبون بعض..
ذياب ب استغراب:ما فهمت عليج!..
رهف:لا ولا شي..ماقصدت شي..كمل كلامك..
ذياب:احنا مضطرين نكمل مع بعض..
رهف تبلع ريجها:صح..
ذياب:يعني خلاص..موافقه؟..
رهف نزلت راسها:موافقه..شوري من شور ابوي و اخوي الكبير طبعا..
..بلعت ريجها و غمضت عينها بقوه و بقهر مستحيل حد يقدر يحس فيه..و طول الوقت بالها مع هزاع..
ذياب:عيل اسمعي شروطي..لاني انا ريال ماحب اللويه و التأخير..
..رهف اللي انهبلت و قالت بداخلها"شروطي!توا ما قلت بسم الله حتى!"..
ذياب:معاي؟..
رهف:هي هي..معاك..
ذياب:أولا و اهم شي طلعه من البيت بدون اذن مني مافي..ثانيا المكياج مسموح لج لكن خفيف..يعني بس بالمناسبات!..مكان غيره ولا نقطة مكياج..ثالثا لو حابه تعزمين حد بالشقه اللي بنسكن فيها..تستأذنين مني..حتى لو ابوج اللي ياي!..رابعا نهائيا ما أبا اجوف انج مصوره نفسج سواء كنتي كاشخه ولا مب كاشخه..تبين تتصورين!..تصوري لكن صورج محد يشوفها غيري..و تحطينهم بمكان محد يقدر يشوفها فيهم..خامسا ترتيب الشقه كل يوم..حتى لو كانت نظيفه..سادسا انتي ما تسوقين نهائيا..و ارتحت يوم عرفت انج ما خذتي الليسن للحين..سابعا ملابسج تكون محتشمه و مافيها كشخه بزياده..الا عندي..تلبسين اللي تبينه..ثامنا مابا اسمع شي اسمه بقص شعري..انا ريال احب البنت اللي شعرها يكون طويل..تاسعا العيال اباهم فوق العشره..و مافي شي اسمه تعب و ما اقدر..عاشرا ما تمشين بالشقه بدون شيله الا اذا انا سمحت لج!..و حتى لو رحتي بيت حد..الشيله ما تطيح من ع راسج حتى لو كنتي مع بنات بس..
..رهف تقشعر جسمها و تذكرت هزاع على طول و اول ما سمعت عن سالفة الشيله..
ذياب:11 تنامين وقت ما انام و تقومين وقت ما أقوم..12 ياويلج لو دريت انج احتكيتي بريال او ريال حاط عينه عليج او حتى تكلمتي معاه براويج الويل..13 امد ايدي عليج وقت ما أبا و محد يحاسبني و حتى لو ع سبب سخيف بعد بتجوفيني مديت ايدي عليج..14 محد له دخل بعلاقتنا نهائيا..حتى لو ابوج و امج..و محد يدري عن اللي يدور بيني و بينج..15 و أخيرا و اهم شي عندي و اهم من كل اللي قلته..ما تتعطرين الا عندي..و اذا حابه تتعطرين بمكان ثاني ريحة العطر تكون خفيييفه..سامعه؟..و ترا يمكن اخفف عليج كل هالقوانين يعني اسمح لج فيهم بين فتره..
..رهف ع زود القوانين اللي انقالت مب قادره تلحق ع شي..
رهف لانها مطيعه طبعا ما قالت غير:ان شاء الله..
ذياب يبتسم:عفيه عليج..و الحين يلا روحي لبسي عباتج و تعالي لي السياره..
رهف:وين بنسير؟..
ذياب:لازم تجوفين امي!..هي بروحها هناك بالفله..بتروحين لها و بتتعرفون ع بعض..ما باقي شي و تصيرين ملكي..
رهف ماسكه دموعها:حاضر..الحين بروح..
ذياب:لا تتأخرين..
..قامت بتوتر و طلعت من الميلس و دموعها اربع ب اربع..دخلت الصاله و جافت كل أهلها متيمعين..
رهف تصيح:أنا مب بنتكم؟..شو هالبلشه اللي باخذه؟..ليش بلشتوني فيه؟..ناقص يقولي يوم اقولج موتي تموتين ما اتمين عايشه!..شروطه من كثرها و قوتها مب قادره استوعبها..
..خوله ماسكه ضحكتها..
ام رهف بمحاتاه:صقر؟..
صقر:ولله هذا ريلها بيكون..من حقه يتشرط عليها..و ربيعي من النوع الغيور..
رهف ب اندفاع:غيور؟!..مع نفسه اوكي؟..مستحيل اخذ واحد مثل هذا..
أبو رهف بجديه:اسمعني يا صقر..اختك و بياخذها ربيعك..لكن شروطه هذي ما تتطبقها بنتي..بنتي تطلع من هني معززه تروح له معززه بعد..
رهف تبتسم بغصه:انا وين معززه ب هالبيت؟..دام صقر يتحكم فيني و أي شي يباه أقوله تم..و محد فيكم يتكلم؟..انا تعبت من كل صوب..تحملت فوق طاقتي..شذنبي؟..ولا لاني البنت المطيعه اللي ما تقول لا..و لو قالت لا غصبا عنها ترضى!..أنا بنتكم الوحيده!..خافوا الله فيني..
خوله:شدعوه يا رهف!..اللي يسمعج تحسسيني بيذبحونج مش بيزوجونج..
رهف بقهر:انتي بالذات مالج دخل فيني نهائيا..و أنا أعرف انج مستانسه من كل قلبج..اكثر عن صقر حتى..
..هزت راسها يمين و يسار بحسره و صعدت فوق..لبست عباتها و نزلت تحت و طلعت من الصاله و هي مب مسويه اعتبار ل أي حد..
ام رهف:و بعدين..بنتم جي؟..من متى غصبنا ع الزواج نحن؟..
فهد:صح!..انا اللي مفروض أقول لكم..لكني مب قادر!..كلمة صقر هي اللي دايما مسموعه..
صقر:لو مب عايبنك غصبا عنك يعيبك..طول عمرك عشت ع هالشي..اليوم مب عايبنك يعني؟..
خوله:ترا ما صار شي عود!..البنت بتتزوج..و نحن الحين ع زمنا هذا متوقعين شروط اوفر مثل هذي..و صدقوني هو الوحيد اللي بيصلبها عدل..و يمكن تستخير له و تحبه!..لازم تكدرون عماركم؟..
فهد:انتي بالذات ما اسمع حسج..يكفي انه اختي كل يوم تتشكى منج و تسمع كلام منج..و اكيد انتي عايبنج!..بتفتكين منها..
صقر بعصبيه:اعيد و ازيد محد له شغله ويا حرمتي!..
فهد:مالي شغل وياها أصلا!..آخر وحده افكر انه يكون عندي شغل معاها..
..فهد طنشهم و طلع من البيت و هو اكثر واحد متضايق ع اختهه..
.
.
*** زوجوني غصب و ما كان لي رأي،مكتوب لي أعيش معاه غصب عن خاطري ***
.
<
(ب سيارة ذياب)
..ركبت رهف و ذياب حرك السياره متوجه ل فلتهم..
ذياب:قلتي ل اهلج شي يخصني؟..
رهف تبتسم غصب:لا..
ذياب:ممكن انتي تحسين اني قاسي معاج او انه شروطي زادت عن حدها..لكني ريال شعوره يوم يغا..
..سكت ما كمل كان بيقول"يغار"..رهف فهمته و صخت..و قالت بداخلها"هو ليش ناوي يخليني اطيح بحبه!احس مستحيل احبه مادري ليش!الله يستر منه"..
ذياب:وين سرحتي ب أفكارج؟..
رهف:ما سرحت بس ساكته ما عندي شي اقوله..
ذياب:افتحي السده..
..فتحت السده..
ذياب شل المناديل و مدالها اياه:هاج..
رهف:شو اسوي فيه؟..
ذياب:امسحي كل هالمكياج اللي ع ويهج..
رهف:انت بعدك ما خطبتني!..
..ذياب عطاها نظره حاده خلاها تزبن..شلت المناديل و مسحت المكياج اللي ع ويهها..
ذياب يبتسم:ما شاء الله..قمر..جي ويهج حلو و يفتح النفس اكثر..
رهف نزلت راسها:شكرا..
ذياب:ارفعي راسج..لا تنزلينه..
رهف رفعت راسها:ان شاء الله..
ذياب:رهف..
..رهف تطالعه..
ذياب بحده:قولي نعم!..يوم ازقرج تقولين نعم..
رهف تبلع ريجها بخوف:نعم..
ذياب يرد طبيعي و يحاول يهدأ:أنا مابا اوهقج وياي..ولا ابا اخلي شخصيتي معاج جي..
..يطالعها..
رهف بخوف:شوف الشارع!..
ذياب:خايفه ع نفسج؟..لا تخافين دامج مع الذياب..
..رهف لا إرادي ابتسمت..
ذياب:اعنبوا اللي يابج!..
رهف خافت:ليش؟..ولله ما سويت..
ذياب:ابتسامتج هذي كيف اخلي الكل يشوفها؟..
..رهف تمت تطالعه..
رهف:ليش مب حلوه؟..
ذياب:أنا بغيت ادعم من حلاوتها!..
..رهف استحت و صدت راسها الصوب الثاني..و هو تم يبتسم..ما يدري بالشعور اللي يحس فيه..و كأنه ياب راسها ب كم كلمه..
رهف:ذياب..
ذياب:عيون ذياب..
رهف تبلع ريجها:لا تحاول تقص علي بكم كلمه..
ذياب:و ربي اللي خلقني ما اقص عليج!..
رهف تغير السالفه:زين متى نوصل؟..
ذياب:الحين بس باقي هاللفه..
.
.
*** آسرت قلبي ب ابتسامتها اللي خذت قلبي ***🤍
.
<
..وصلوا الفله..و رهف يلست تسمي ب قلبها ع كبر الفله و جمالها..كأنها قصر ما شاء الله!..
ذياب:لحظه لا تنزلين..
..سكر السياره و نزل..و راح على طول فتح لها الباب..و نزلت رهف..
رهف تبتسم ب أدب:شكرا..
ذياب:ولو احترامي هذا..
..خلاها تدخل اول شي..بعدين هو دخل وراها..
.
..اول ما دخلت الصاله..ام ذياب تطالعها بنظرات غريبه..
رهف راحت صوب ام ذياب و باست راسها و ايدها:السلام عليكم..
ام ذياب بدون نفس:و عليكم السلام..
..ذياب يأشر ل امه انها تعدل مزاجها..
ام ذياب:ما شاء الله هذي اللي قلت لي عنها؟..
ذياب يبتسم:هذي بنفسها..
ام ذياب:ما شاء الله جميله..و كامله مب ناقصها شي..لكن لابد انه فيه عيوب!..
..رهف تمت تطالعها ب استغراب..
ام ذياب تطالع ولدها:خلني بروحي معاها..
ذياب:ان شاء الله..لا تبطين!..
..طلع عنهم..
ام ذياب:قربي..ليش رايحه بعيد؟..
..رهف ابتسمت لها و قربت منها..
ام ذياب:بطلي الشيله و العباه..
..رهف تمت تطالع أنحاء الفله..
ام ذياب:لا تخافين مافي حد بالفله..
رهف:تمام..
..فصخت الشيله و العباه..و ام ذياب انبهرت من شعر رهف..طويييل يوصل لين تحت ظهرها و ناااعم و حريييري و لونه كستنائي يجنن و كثيف وايد و يلمع..و حتى جسمها كان مثالي و مرتب..
ام ذياب وقفت و مسكت شعر رهف بوحشيه:شعرج ان فكرتي تقصينه على طول اروح ل ولدي و اخليه ما يطل بويهج حتى..سامعه!..و حتى لو عقب الزواج..بخليه يطلقج..
..رهف بخوف هزت راسها ب هي..
ام ذياب تبعد عن رهف:ارفعي ثيابج..
رهف مب مستوعبه:عفوا؟..
ام ذياب:أنا نفس امج!..
..رهف بلعت غيضها و غمضت عينها بقوه و حسره و رفعت ثيابها..
ام ذياب:كلها كلها..لين فوق..
..رهف مسكت دموعها و سوت اللي قالته..
ام ذياب:همممم..تعالي معاي..
..مشت ام ذياب و رهف مشت معاها..و دخلوا الحمام و انتوا بكرامه..كبييير و عباره عن رخام..و حلووو..
رهف بصدمه:ليش يينا هني؟..
ام رهف:ابا اجوف طبيعتج كيف..
..رهف تمت تطالعها ب استغراب..و يت ام ذياب و حطت راس رهف ع المغسله و تمت تبلله و تبلل ويهها و حتى رقبتها!..و رهف معروف عن بنيتها الضعيفه..ف تألمت..
ام ذياب ترفع راس رهف:الحين تمام..مافيج شي..
رهف:ليش مضطره تتعبين نفسج و تسوين كل هالاشياء؟..
ام ذياب:انتي تعرفين نحن منو؟..نحن الناس كلها تعرفنا..و بعدين هذا ولدي العود..ما ابا اظلم ولدي..ولا ابا الناس تتكلم و تنتقدنا..عشانج..
..رهف بلعت غيضها للمره المليون..و ام ذياب تطالعها مب فوق لين تحت بنظرات..و رهف كانت خيفانه مووووت..
.
..و فجأه!..
.
..ام ذياب تفر رخامه موجوده بالحمام ع الارض..و تطيح بكبرها ع الارض و تتصنع الدموع و تصارخ..
ام ذياب بصوت عالي:ذياااااب..الحقني يا ذياااب..
..رهف واقفه و بس تطالعها ب صدمه كبيره..
رهف اتي صوب ام ذياب و بمحاتاه:خالتي شصار لج؟..خالتي فيج شي؟..
..و ب هالوقت..دخل ذياب مفزوع عقب ما سمع صريخ امه..مسك رهف بقوه و دزها بعيد عن امه..و دقت ظهرها بالطوفه..و تألمت..
ذياب يمسك امه و يسندها:شو سوت لج؟..
ام ذياب تمثل الدموع:أنا بس كنت معاملتنها ك بنتي..لكن شوفة عينك شو سوت فيني..
..ذياب يقوم و شياطين الدنيا كلها فوق راسه و يعطي رهف طراااق من الخاطر..و رهف انصدمت صدمههه..
ذياب يصارخ:جبروج علي و ييتي تطلعين حرتج عند امي؟!..
..ام ذياب ابتسمت بخبث..
رهف توقف و بعصبيه:تقوم تهيني و انت عارف اني مستحيل اسوي جي؟..و تصدق امك اللي مصغره مخها؟..
..ذياب مخلي كل شي و بس مركز ع جمال شعرها و جمالها..
رهف تصيح:مستحيل اكمل معاك..و لو صقر يذبحني..
..طلعت من الحمام و انتوا بكرامه و راحت صوب عباتها و شيلتها و لبستهم بسرعه و طلعت برع الصاله و هي تصيح..
رهف بهلع:وين حطيت كعبي!..
..من كثر ما دموعها ما توقف مب قادره تشوف بوضوح..
.
..سحبت ع كعبها و طلعت برع الفله و هي حافيه مب لابسه شي بريلها!..
.
..يا وراها و مسكها من ذراعها و خلاها تقابله..
ذياب ب ملامح حاده:وين رايحه؟..
رهف تصيح اكثر:مستحيل اضغط على نفسي و اتم نفس الدلوعه داخل و اسمع اهانات..
ذياب يصارخ:جربي تروحين مكان..ولله ما اخليج..
رهف تبا تقوم عنه لكنه اقوى منها:هدني!..
ذياب يمشيها معاه و بيركبها السياره:اركبي!..
رهف تضربه:ما بركب..
ذياب:اركبي و خلي النفس عليج طيبه..
رهف تصيح ب انهيار:انت تعرف شو سويت؟..انت صفعتني!..أنا اخوي صقر ما صفعني..ما عمري انصفعت!..إذا انت بعدك ما خطبتني و جي تسوي..عقب كيف؟..و من الحين مب مصدقني..
..ذياب ما تحمل دموعها..
ذياب يحط ايده ع راسه:انزين الحين اركبي و خلينا نتفاهم..
رهف:مافي اي تفاهم ويا شخص من اول يوم عرفته فيه ما يصدقني و يمد ايده علي..
ذياب:انتي تذكرين الشرط ولا ما تذكرينه..
رهف تشاهق:اذكره..اذكره عدل..حاولت قد ما اقدر اني احترمك و اسمع كلامك..لكن امك!..
ذياب:ب امانه..سويتي شي فيها ولا لا؟..
رهف:انت المفروض تعرف ذياب..
ذياب:جاوبيني نفس ما سألتج..لا تلفين و تدورين..
رهف:أصلا انت كيف ياي تحاسبني؟..كيف تتجرأ تحاسبني؟..و أنا بنفسي رضيت ع كل شي..رضيت عليك..و تخليت عن موضوع كنت احلم فيه من و أنا صغيره!..و تحملت سوايا امك..قراراتها غريبه!..
ذياب:شو اللي حاولت تسويه امي فيج؟..
رهف:تتفحصني!..أنا امي ما سوت فيني جي!..و بعدين عيب..ولله عيب..كيف لو كان فيني مليون عيب بجسمي!..مب حلوه تنقال..و لو بنت غيري جربت نفس الشي!..مب حلوه..ما عمرها تكون حلوه..
ذياب ارتحت ملامحه و بعذاب يكلمها:مافي بنت غيرج..
رهف تبلع ريجها:إذا عندك اخوان..ها اللي قصدته..
ذياب:شو تبين ف اخواني..
رهف:شو ابا منهم مثلا؟..أنا قصدت لو هم بعد فكروا يعرسون..امك بتسوي ف حريمهم نفس اللي سوته فيني..
ذياب:لو سمحتي ممكن تركبين السياره؟..
..رهف نزلت راسها و تطالع ريلها..و ذياب تطالع وين ما تتطالع..
ذياب:ليش حافيه؟..
رهف:من الدموع ما لحقت ادور كعبي..
ذياب بدون ما يحس ع نفسه:يازين دموعج يعلني ما اجوفها إلا ب افراحج..
..رهف تمت تطالعه مب قادره تتحمل كلامه تحس انه كل ما يقول لها كلام حلو تحس بشعور حلو اكبر..
ذياب يغير السالفه:اوكي انتي اركبي عن تتعورين بشي..أنا بييبه لج..
..ركض داخل و ياب لها كعبها و رد لها و على طول وخا و لبسها الكعب..
رهف ب احراج:محشوم..
..ابتسم لها و سكر الباب و راح ركب و حرك السياره..
ذياب بنبرة هدوء:السموحه..ما قصدت امد ايدي عليج..
رهف:لا عادي حصل خير..لكن مره ثانيه لو سمحت تفهم الموضوع..يعني أنا ممكن يستوي فيني نفس هالموقف ب امي..بدال الضرب و الإهانات..بحاول اني اتفهم الموضوع عقب بسوي السالفه اللي انت سويتها!..
..ذياب يضحك..
رهف:قلت شي يضحك يعني؟..
ذياب يبتسم:لا ابد..
رهف:ليش عادي قول؟..
ذياب:مستحيل اقدر اكون بالفكر اللي انتي فيه..أنا ما عندي وقت على طول ابدأ مشاكل..
..رهف ابتسمت..
ذياب:خلاص عاد..
رهف:ما سويت شي؟..
ذياب:بس ابتسامتج تسوي وايد أشياء..
..استحت و صدت عنه و تمت تبتسم نفس الهبله و متشققه..
.
.
*** الصدفه اللي جابتك يوم مريت،تسوى مواعيد العمر و التلاقي ***🤍
.
.
.
.
>