تهتـان
تـجلس بهدوء ولكن!.. هَل چوفها هادئ؟
حركات عشوائية متوتره عيون تنظر ولكن .. لـا تنظر
:صوچي.. الي بيه من ايدي!
:وبعدين راح تكعدين تلومين بنفسج ؟ صلحيها!!
:صح صح بس
أخذت نفس وبعدت شعرها عن عينها
:بس هواي صلحتها دائمًا اعيد الخطأ نفسه
باوعت الي بيدي
:يا هاي چكاره
ضحكت بصوت واخذت نفـس منها
: يلا بس هالمره
شغلت مـاجد "شلونك حبيبي"
وادندن .. عيني ع قطرات المُطر الي احبه
طلعت جوه المطر .. صوت مـاجد "بُعدك ملاني جروح"
انتبهت اكو احد من بعيد يباوع .. يا هذا منو اصيحه لا عيب،زين اغلس هسه يكول مخبله لا بله هو مخبل ليش ديباوع ركزت عليّ بينما دا افرفر
حذاء اسود .. كوت طويـل اسود .. ربطة عُنق بُنيه بيده مَضلة .. انداريت للسيارة ارجع لميار
شغلت وانطلقت ..
ميار:تهتاننننن هاي شنو المي بطلييييي هالعادة
تهتان: احب المطر شسوي اهو.. امج وين؟
ميار: خالتج بالمطبخ اطفري لشوفج هيج
تهتان: خالتووووووو
ليلى: عيونها شهكت من شافتني ..هاي شنوووو!!
تهتان: مـي مبارك اخذو مراد
دنكت للكاع تريد تاخذ الشبشب
ليلى: الا اتوبج اليوم
صعدت لغرفتي اختفت ضحكتي .. خلبدل حتى اكمل شغلي ..
