أرويني بدماء جحيمك [Quench me with the blood of your hell]

𝑃𝐴𝑅𝑇❀95

🩸أࢪوينـــــــي بدمــــ♡ـــاءِ جحيـــــــمكَ🩸     

🫀الفصـل الثالــث و الأخيـࢪ:دَع القَلْـــبَ يَهْـــوَى🫀

     ♡لَـوْ ذقـت يا غزالـي،ما ذُقْــتُ في ♡

✎𝑆ℎ𝑒 𝑊𝑜𝑙𝑓
𝑃𝐴𝑅𝑇❀95

ساجد بمجرد ما سمع كلام الممرضة طلق منها و كملات هي طريقها كاتجري، في حين هو بقا واقف فبلاصتو جامد و عاقد حواجبو بإستغراب ما فاهم من كلامها والو، حتى سمع ناجد لي شد راسو كي زفر و كي نطق بإنفعال...

ناجد: وا يالاه على قلا وي...

ساجد(بتعجب): كيفاش البلان ثاني؟

غزال(تنهدات بضيق): غاتولد ولادة مبكرة....يعني قبل من الموعد...

ساجد(شافيها): غاتولد على خمس شهور؟

غزال(قالت كاتحاول تطمأنهم): اه عادي راه كاينين حالات كثيرة كي ولدو على خمس شهور...

ساجد(مشا جلس حداها و هو راسم على وجهو ملامح باردة،لحظات و زفر بضيق قبل ما يقول): قالت الخطر عليها و على البنت...

غزال: ما تخافو والو غاتنقزها ديك الشينوية هي و بنتها...

ناجد(بعصبية): توقع ليها شي حاجة غانقتـ ـل عدو ربو داك زين...

غزال(هزات حاجبها): و علاش؟

ناجد(شافيها مخنزر): لاش يحملها لاش...

غزال:و نتا لي محمل ديك حمرة الشعر؟

ناجد(ضر ب قرعة الما مع الارض بغضب شديد):قلا وي كي داير...

نطق بهاد الكلام و مشا من تما هابط للتحب باش يجيب قهوة، خلا دوك الجوج غير كي شوفو فيه حتى غبر و هي تتنهد غزال...

غزال: كلشي هارب ليه فهاد العائلة د الز ب...

سكتات و شافت فساجد لي ساهي كي فكر، عرفاتو مشطون و مهموم من ناحية ختو، ما تنكرش لكن حتى هي الخوف تخلل لقلبها بعض الشيئ، الولادة فهاد الوقت المبكر و تحت الظروف القاسية لي دازت منهم ليسا ما كي بشروش بالخير...

بقاو جالسين لمدة من الوقت، ناجد كان رجع لعندهم من بعد ما جاب قهوة و شربوها باش يبقاو فايقين رغم التعب الشديد لي مسيطر على جسدهم...

دقائق و سمعو الباب تحل خارجة منو ليسا لي مغيبة فوق الباياص و جارينها الممرضات غاديين بيها لغرفة العمليات،معاهم حتى الطبيبة و لي غادي تتكلف بعملية الولادة،ناجد غير شافها بغا يوقف باش يسولها لكن ساجد شدو مانعو...