ساره: غمضت عيوني مستسلمه خللص اني طايره حاولت انطق الشهاده نطقت نصها وغمضت عيوني.....
ادهم: گعدت امي تگعد بيه اهوو يلا خل اگوم گمت عين مفتحه وعين مغمضه گوه امشي
سهريه: يمه گوم على الحمام گوم بلكت تصحصح شوي
ادهم: يمه مالي خلگ اسبح
سهريه: وللل شوو انچب يلا حضرتلك الهدوم گوم
_هذا قانون امي الكل يسبح الصبح علمود يصحصح بس اني صراحه اضل نعسان ولازمم مي بارد علمود يصير نشاط صراحه
_اني اشوف هذه كلو خذاريف ما احبهن سبحت وطلعت بعدني نعسان اباوع على السرير دافى وحلو
سهريه: يلااا يمهه گوم تريك
ادهم: يوم جهزيني
سهريه: يول زلمه شكبرك اجهزك
ادهم: يلا يلا روحي الله لا يعوزنه عليچ
سهريه: احسن
_طلعت امي ضليت صافن دقيقه بعديت مشطت شعري وحطيت عطر وكملت خلاص نزلت اباوع العائله متجمعين ويضحكون باوعت لاختي اميمه جاي تسوي ريوگ
_وحدها خطيه عطت بيهم ادهم: ما تعاونون اميمه لو بس تتمضحكون
رقيه: خويه نسيت هسه اعاونها
زينب: لاحگتچ
_راحن عاوننها وجن بالريوگ خير من الله ضليت اكل اباوع باقي نص ساعه للدوام عفت اللگمه غسلت وطلعت بالسياره طلقه
_ماشي على الـ 80 شارعنه مابي طسات الحمدُلله توني تا اصل الدوام اباوع صارت گدامي بنيه تركض وشعرها طويل طاير ومدنگه اني ماشي 100 ما لحگت اخفف
_الا البنيه طايره انفزعت البنيه طايره فوگ السيارات تمشي عادي والبنيه بالگاع نزلت افحص نبضها اباوعله ضعيف خفت شوي صعددتها
_بالسياره وطلقه على المستشفى گبل البنيه ناگعه بدمها نزلت اصيح على الاطباء حطوها بالسديه وطلقه على العمليات ساعتين اني واگف
_انتضر وشوي متوتر خابرتني امي حرت اجاوب لو لا بالاخير جاوبت
سهريه: ها يمه شلونك بالدوام
ادهم: يمه دعمت بنيه وحالياً صارلها ساعتين بالعمليات واهلها ماكو
سهريه بشهگه: عزاااا العزاچچچ يسهريه خومم ماتت؟
ادهم: لا يمه ما ماتت بالعمليات
سهريه: هسه اخاي اخوك يجيبنه
ادهم: يمهه لا تجون المستشفى تغص وتبلع(بيها ناس چثيرين حيلل) ماكو الكم مجال
سهريه ببكاء: يمه اخافن اتموت وهيه شابه
