رنيم
كنت اكلم فارس وانا في البيت وهو في الجامعه كان في هاذا اليوم عندي اف وكان يضحك ويسولف
قلت : احس إني تعبانه اليوم بروح لدكتور يفحصني
قال بغيره : وش معنى دكتور مو دكتوره
ضحكت : وش دخل ماستوعبت
قال : لاه خلاص اجل انا اذا جيت اخذك ونروح
ابتسمت : تمام كيفك
قال : يلا بسكر
سكر وكانت رنيم تضحك عليه وعلى غيرته الي طلعت في اتفه موقف الي انه ماقدر يخفيها
قامت وراحت بالصاله وكان الحريم يتقهون وبعض البنات الي مايداومون او عندهم اف
جلسو يتقهوون ويسولفون وقالت : خاله نودي نبي قصه من قصصك من زمان ماقلتي
ضحكت : تم اجل العصر
العصر
بعد الغدا اجتمعوا كلهم وسوو قهوه عربيه وجابو تمر وجلسو
العنود : بسم الله الرحمن الرحيم نبدأ قصتنا
ضحكو وقالت : ترا ماراح اقول
اسكتو كلهم وقبل تبدا تتكلم صورت رنيم الجلسه وفي حضنها تركي وكانت حاطه مناكير وكانت الصوره حلوه
وبدت العنود القصه: قصتنا تبدأ بواحد تاجر ومرته كانت مو ذاك المنصب يعني مو تجار وكانو سمن على عسل وماكتب ربي أنهم يكملون علاقتهم وطلقها وبكل حب واحترام بعدها بكم اسبوع دق ابو البنت على الرجل وسلم وقاله ان البنت حامل
شهقت عبير : اويلي عليها
كملت العنود : وقال الرجل زين الف مبروك خلاص الله يجيبه بالسلامه
رنيم : يعني راضي
العنود : ايه وبعد فتره ولدت البنت وجابت ولد ودقو على الرجل وقالو له انها ولدت وجاء وشاف ولده وقال للمره تبين اكتبلك شيك بالمبلغ الفلاني بس تتنازلين عن الولد تنازل كامل
تميم : ياويلي لاتكون وافقت
العنود : الي يقطع كلامي بوقف القصه المهم وافقت المره لأنها محتاجه القروش وجلست الأربعين عند اهلها واخذه بعد الأربعين وراح بعد ماكبر الولد الصغير وكان يحسب مره ابوه هي امه وكان متفوق بدراسته وصار طيار وبيوم قالت مرة ابوه واختها بيروحون للقصيم وافق وحجز لهم بطيارته وبالفعل ركبو وكان هو الكابتن وصلو القصيم وكان فيه ايفنت وراحو للأيفنت وكانو ومرة الاب واختها وجالسين مع ناس كبار شخصيه
قالت اختها : والله حنا جايين مع الطيار فلان
المره : مين فلان ماعرفته
اختها : فلان ولد فلانه الي عطته ابوه مقابل مبلغ
المره : ايه عرفته
كانن الحريم يسولفون عن الولد وفيه القهوجيه تسمعهم وقالت : وينه الحين
مرة الاب : وانتي وش دخلك
القهوجيه : وينه
جاء الولد عند مره ابوه : هاه يمه وش فيه
القهوجيه تمسكت فيه : انت فلان ولدي ولدي
المهم طردها الولد يوم رجعو وقال الولد لأبوه السالفه وعلمه انها امه
رنيم : ياعمري عليه رحمته
فارس : لاه
رنيم : ياليل احسن
ضحكو عليهم كلهم
اريام : طيب يمه وش صار
العنود : أخذ الولد امه وعزها ورزها بفلوسه وبس
نرجس : مدري بس لو انا ماوافق ارجعها باعتني بفلوس
العنود : بنهايه امه
وكملو يومهم
بعد شهر
قبل الزواج بيومين
ام مشعل : تبون نعزم ام مالك
رنيم : من ام مالك
ام سليمان : ام مالك المحامي
ميلان : أكيد
ابتسمت رنيم : ايه اعزموها
وكملو يعزمون
أنت تقرأ
الجنون عيونك وعيونك وطن
Любовные романыورايتي تتكلم عن : رنيم وفارس تدور حول حب سري متبادل بينهما منذ الطفولة، لكن كل واحد منهما كان يخفي مشاعره عن الآخر. رغم الحب، كانا يتجاهلان بعضهما وكأن شيئًا لا يربطهما. تمر السنوات، ويظل السر مدفونًا حتى تأتي لحظة تغيّر كل شيء. في حديث عابر، تعترف...
