بين عينيها حكايا

الجزء الثالث والخمسون (الأخير)

#بين_عينيها_حكايا
.
.
.
.
.
ملاحضة /القصة تصنيفها للبالغين🚫
أكرر هناك بعض المشاهد للبالغين
أذا لم تستطع قرائتها اقرأ الجزء الذي يليها ❤️
.
.
.
.
تعليق بين الفقرات والتصويت دعماً للقصة
متابعة الحساب دعماً للقصة لطفاً ❤️
.
.
.
.
.

واني أجيد الأفلات في عز تعلقي فلا
تراهن

ظلال
_______________________

يگولون أهلنة قبل

اللي مايمد زنبيلة محد يعبيلة

والمثل صح الف بالمية
اليي ينطي اهتمام
يحصل حنية
واللي ينطي حب
يحصل وفاء
ونفس الشي اللي مبادئة راااااخية
وقابلة للتمدد راح ينطي من نفسة
والخيانة نفس شي
مستحيل بيهة
طرف واحد غلطان
ماكو مرأة تخطف رجال
اكو رجال انصاع لرغباتة وتحرك نحوهة
وانطة من نفسة
وحدثت الخيانة

ايام وأيام تدور
أريد اعرف منووووو المبادر بالعلاقة منهم
منو اللي عرض نفسة للثاني

نايم
واني لازمة التلفون
وگاعدة عالقنفة يم المكتبة
مخلية الباب السلايد مسدودة حتى
اذا گعد احس علي
بنص الليل
والنت قوي

بديت ابحث واحدث بالبرامج
وادخل من حافضة لحافضة
دخلت حافظة كلهة صور
الصور الية
صور واني واگفة
گاعدة
نايمة
اكل اشرب
بس صور مااحس بيهة
ماادري اصلا ملتقطهة الية
طلعت من الحافضة
ورحت للبرامج
لگيت برنامج اسمة ايمو
هذا مداخلتة ابد
المحادثاااااات الاف الرسائل
ومليانة صور من صوري

-اخذلهة صورة عدلة
للتراك

-يااااابة اجيبلج نفسة شبيج انت

-اي جيبلي نفس اللون
بالله امانة صورلي ملابس النوم

-كاااااافي بزعتيني ميصير بابا ميصير

-صوووووورهن مُتيم اريد اشوف ذوقهة

اباوع فيديو قصير فاتح خانة الملابس
ويصورلهة قطعة قطعة

-اررررريد مثلهن

-ماكو اريدج تختلفين لتصيرين مستنسخة منهة

-ياليتني مثلهة ياليت عندي ربع حظهة
عايشة وياك بالنور وگدام الناس
اهل واخوات ودلال وفلوس

-بس فاقدة نعمة الامومة

-اي مو على اساس اني ام
شو شريط براس شريط تجيبلي
موانع وفوگ كل هذا انت هم تمنع نفسك

-كتلج ما مستعد هسة للمواجهة
مااگدر اخليهة تنقهر فوگ قهرة
عملية الانابيب اللي فشلت

-بس تگدر تكسر گلبي اني وتخليني أسقط
اي وبالله ليش متخليهة تجرب الانابيب مرة لخ

-مستحيل تعبت هواية بالعملية
ظلال حساسة ورقيقة متتحمل هالگد تعب