مستقبلي الجديد

31

ركبت في كرهبتها مرعوبة كلها ترعش وتبكي غطت وجهها بيديها
_ مرام اهدى اهدى
خذات نفس عميق،خدمت الكرهبة وبدات تلوج كريم زادة أصحابو لأمين،يونس وفرقتو لكل يلوجو تقول ابرة ضاعت،حتى مرام بدات تخمم كلمت كريم
_ كريم نتلاقاو وين لقاو كرهبة أمين
_ علاه لقيت حاجة
_ أمين أذكى من انو يتخطف فيسع ماتبطاش
مشاو حبست كرهبتها على اليمين وهبطت تجري حلت باب الكرهبة محلولة دارت عليها من برا مافما شي دخلت للكرهبة تلوج فماش ماتلقى حاجة هي هكاكا خلط عليها كريم
_ مرام هات نجرب نكلم تاليفونو
كيما توقعو التاليفون مخبي في غلاف الكرسي خذات مرام التاليفون سألها كريم
_ تعرف كلمة السر
_ اي اي
حلت التاليفون عارضها فيديو يحكي فيه أمين وهو يسوق وهو يقول
_ كراهب قاعدين يتبعو فيا من بكري الكراهب تابعين داوود نعرفهم مليح فاقو بينا يلزم نتصرفو فيسع فما احتمال كبير باش يخطفوني عندهم(مرام تشوف وحاطة يدها على فمها تبكي) مهما طلبو ردو بالكم تعطوهم حاجة فما أوراق في خزانتي في بيتي كلمة السر تاريخ عرسي انا ومرام الاوراق هذوكا ينجمو يباصو داوود اذا هددكم هددوه بيهم...مرام سامحني أما كريم الادلة لكل على يوسف العياشي قدمهم للشرطة...في صورة ما صارتلي حاجة مرام وأمي في عينيك كريم
قص الفيديو وخباه
_ كريم كريم أمين في خطر كان تصيرلو حاجة
_ مرام ماتخافش ماو صايرلو شي توى انتي تعرف العائلة هذيكا مليح وين ينجم يكون أمين
_ مانعرفش مانعرفش
_ مرام اهدى وخمم
سكتت شويا مبعد تكلمت
_ فما فيرمة وعندو معمل فما برشا بلايص مانعرفش
_ اكثر بلاصة آمنة ليه؟
_ برشا ياكريم
_ انتي سميلي واحنا نقركسو
كلم كريم يونس وعلمو مشا لدارو هو ومرام وخذاو الاوراق مرام عفست على قلبها وفدمت الاوراق للشرطة مافاتتش ساعة وخوها يكلمها يعلمها لشرطة هزت بوها تجهلت الخبر وكملت تخدم مع يونس كيفاش باش يخرجو أمين
من شيرة أخرى أمين قاعد يتعذب اشد انواع العنف تسلطو عليه
_ مع شكون تخدم تكلم
_ مع امك
ويضربو على وجهو الي كلو دم
دخل داوود
_ أمين العامري طلعت اقوى من بوك
خزرلو امين وبدا يضحك يضحك بالقوي لكل باهتين فيه ضربو واحد مالرجال بكف
_ معناها جايبيني هوني باش تذكرني في اسمي ؟
_ مازلت ماريت شي شنيا مالا متخبي تحت قناع شريك باش تباصيني داوود انا داوود
_ انتي جرد شايب مسخ مخو نوش فوقو
انيس :تلم واعرف شتخرج من فمك
_ ولد papa تكلم؟ فيبالك انتي شنيا عمل في أمك؟
خزر لبوه مستغرب
_ فاش قاعد يقول هذا
داوود: زيدو عذبوه لين ينطق
_ قلو شنيا عملت لامو عاد شبيك خفت
_ بابا تكلم شبيك
خرج داوود مزروب من غادي وأنيس يلحق فيه
_ شنيا لكان يقول فيه هذا؟
_ يخرم على أياماتو مانيش لاهي عندي خدمة
طلع في كرهبتو ومشا أنيس حس فما حاجة مخبية عليه رجع لأمين وقف قدامو....أمين حالتو تاعبة بالسيف يتكلم وجهو كلو مدمدم وبدنو مدڨدڨ معادش عندو جهد جملة...هزلو راسو بيدو
_ شنيا قلك ولا؟
_ تكلم شنيا عمل لأمي
_ مانحبش نفسد علاقة البو بولدو خليني ساكت
_ تكلم لانخليهم يدفنوك هوني ومايعرف عليك حد
_ امك كانت تخدم عند داوود وعملت علاقة معاه وجابوك انتي منغير عرس يعني ولد حرام😂😂 بعد ما أمك ولدت ماكملتش ال 40 يوم متاعها،بوك هزها وحرقها حيّة قال شنوا طامعة في فلوسو
_ فاش تحكي انتي؟ تكذب لا تكذب
_ انا لعندي قلتو وانتي تصرف
أنيس هبط على ساقيه وشد راسو بين يديه
_ لا لا لا تكذب تكذب
رغم لأنيس عدو أمين أما سخفو.
يونس وجماعتو حاضرين باش يداهمو
_ مرام ماكش ماشية معانا
_ كيفاه؟
_ خطر عليك أمين موصيني راو
_ ساقي ساقكم ماتنساش لتربيت في وسط كلو سلاح،هات هوني
لمست كيفهم وهزت سلاحها لكل باهتين فيها حاوطو الدار وداهموها قتلو الرجال لكل دخلو لدار يلوجو  المشكلة لصمتهم انو الدار فارغة فيها كان ليخدمو دخلت مرام لبيرو داوود تلوج فيه فماش ماتلقى خزانة اي حاجة تعاونها كلشي موش موجو كلي داوود كان يعرف باش يجوه حتى لقات باب وراء الخزانة عيطتلهم
_ ايجاو لقيت باب
وكيما تصورو الباب هزهم لنفق تحت الدار لقاعد فيه أمين يلقاو راجل عاطيهم بظهرو قاعد على كرسي
مرام:موش أمين هذا
قربو منو
_ آقف وهز ايديك لفوق
وقفلهم ودار
_ أنيس؟ شبيك قاعد هوني تكلم وينو أمين
مرام: عيشك أنيس تكلم موش كيما بوك انتي عيشك
هز تاليفونو وحللهم فيديو هزت مرام من يديه فيديو فيها أمين وهو قاعد يتعذب دموعها هبطو بالوقت
شدت أنيس من سوريتو وتضرب فيه
_ أنيس تكلم أمين وينو تكلم
_ بابا هزو باش يقتلو في فيرمة بوك اخلطو فيسع
خرجو من غادي فيسع لكل طلعو في كراهبهم مرام وكريم من قدام توريلو في الطريق وهي خايفة ترعش
_ ازرب كريم ازرب
وقفو قدام الفيرمة دخلو ليلقاووه قدامهم يقتلوه
_ هاو جاو اصحابك سي أمين،كيفاش عرفو البلاصة زعمة،راجعلك أمين العامري ماتخافش
_ ايجا عاد وين ماشي،خفت؟
ضربو بكرطوشة في كرشو و هرب من فما هو ورجالو أمين رخف روحو وفقد الوعي حتى سمع صوت يتعاود
_ أمين أمين قوم عاونوني يلزم يمشي لسبيطار حل عينيه شويا يشوف فيها تبكي هزاتو بين يديها تكلم بصوت خفيف
_ م..ر..ام
_ ارتاح ياروحي ماتتكلمش هاني معاك
غمض عينيه ومعاد حس بشي.
يحس في روحو مدڨدڨ حل عينيه يشوف في السقف دور راسو يلقاها راقدت بجنبو تبسم
_ مرام
قامت من بلاصتها مفجوعة وبدات تبكي حل فمو مافهم شي
_ فعوض ماتفرح تبكي
قربت منو عنقاتو
_ اي
_ سامحني سامحني نسيت
_ لاعادي أبقى
يشم في ريحتها ويتبسم
_ لحظة نعيط للطبيب
جاء الطبيب يعدي عليه وهي واقفة بجنبو
_ شنيا docteur لباس؟
_ اي لازمو يرتاح شويا والفاصمة تتبدل نهار بعد نهار و الجروح يداوو كل يوم.سي أمين موش كيما العادة ماتسمعش كلامي وماترتاحش لمرة هذي يلزمك تخاف على روحك
_ مستانس هو صار؟ ماتخافش docteur باش يسمع كلشي
خرج الطبيب قعدت قدامو تخزرلو منغير حتى كلمة
_ شبيك تخزر ساكتة
_ كنت خايفة لا معادش نشوفك قدامي
_ انتي نفسها لحبت تطلقني 4 أيام لتالي؟
_ مازلت نحب, موش موضوعنا
_ ايجا بجنبي
_ لا يلزمك ترتاح
_ ايجا
قامت من بلاصتها وقعدت بجنبو
_ موجوع فيبالك
_ الطبيب كا...
سكتها كي حط شفايفو على شفايفها وهي ماكنتش مالعاكسين ترخفت بين يديه،بعدت شويا
_ أمين موش وقتو يلزمك ترتاح
_ بعد هذا نجم نبرا أنا
وعاود جبدها ليه شويا دق الباب دخل كريم 
_ جيت في وقت غالط عشيري؟
مرام وجها حمار وقامت من بحذاه
_ زح ديما وقتك غالط، هيا ايجا ايجا خويا
عنقو لصاحبو وقعد بجنبو
_ كان موش مرام راو ربي يعلم انتي وين توى
_ راني عند ربي وين حسب رايك
_ انتي تخطفت وهي شعرة لاهبلت خلي عاد كان مت
_ اسمعوني انا خارجة نجيب قهوة اتو نرجع
خرجت فيسع وهونا قعدو يضحكو
_ أمين الطفلة تحبك علخر أول مرة نشوف عبد يحب كيفها هزت سلاح في يديها ودخلت معانا ماهمها في شي كان انتي خلي عاد اكا الثنية الكل عداتها تبكي
_ نعرف
_ شنيا قتلك؟
_ اي عندها برشا قتلي نحبك اما مبعد قتلي رجعت نكرهك
_ عندها الحق
_ شنيا عندها الحق انتي لانلفك
_ نقصد اي عبد باش يقول نفس الحاجة في بلاصتها 
وانتي تحبها؟
سكت شويا مبعد تكلم
_ مانعرفش