من شفت العيون السود ... شبهتها برفيق دربي

البارت الرابع

(بسمالله آلرحمن آلرحيم وصلي وسلم على نبينا محمد)
ويلا نكمل

في اليوم الثاني*
قام فهد وراح الحوش و الجو قاعده تمطر ، شاف جده والجد مطلق وعبدالرحمن وغرام قاعدين يفطرون
فهد قعد جمب الجد مطلق : السلام عليكم
: وعليكم السلام
فهد : بالعافيه، من اللي مسويه
الجد مطلق : بنيّتي غرام
لف فهد على جنى اللي جايه وحاطه الحجاب حق المخور اي كلام ووجهها مفقع
فهد ضحك : ارحبي يالجنيه
جنى ضربت فهد على راسه : وجع فهد ترا منب رايقه الله يسامح خالتي مُنى مقومتني من صباح الله خير!
غرام بصوتها اللي عذب قلب فهد : ليه شفيها امي؟!
جنى راحت تقعد جمبها وهمست لها : امتس جابت وحده مزيونه نفستس
ضحكت غرام ولفت على جنى وشافت حركتها (كانت تسوي ذي الحركه🫦 وتناظرها من فوق لتحت)
محد كان منتبه لهم الا فهد اللي شاف حركه جنى وعرف تفكيرها
مسكت غرام ثمها وهي موسعها عيونه من حركه جنى : وجع وصخه
جنى : يلعنم التفكير الوصخ اللي عندتس!
لف فهد على مناداه الجد احمد وعبدالرحمن وراح وياهم للمجلس
دخلوا المجلس وقعدوا
الجد احمد : بسالك سوال!
هز فهد راسه
الجد احمد : تبيها؟
فهد عارف هو من يقصد بس استغبى : منهي؟
عبدالرحمن : اختي
ما جاوب عليهم
الجد احمد : الصمت علامه الرضى صح؟
هز فهد راسه
الجد احمد : من متى وأنت تحبها
غمض فهد عيونه وهو ينزل راسه وجاوب الجد بهدوء : من يوم كانت صف اولى ابتدائي وانا كنت صف ثالث متوسط ، حبيتها من وهي ما تفهم فيه يا جدي! اخرتها يجي ولد خالها يخطبها وانا منب عارف هي كانت بتقبل فيه ولا!
الجد احمد : ابد بكرا اخطبها لك!
لف فهد على جده بوجه مصدوم : احلف؟
الجد احمد ضربه : بزر انا اكذب عليك!
حضن فهد جده وهمس له : احبك يا جدي!
ضحك الجد وبعد فهد عنه وراحوا كلهم لبرا
شافوا غرام وجنى قاعدين يشلون الاغراض (الفطور)
وقعدوا
قعد فهد بالزاويه بعيد عنهم وهو يحاول يشب النار
لف على غرام اللي نزلت تشيل السفره بس شاف جلابيتها تنزل معها وغض بصره وهو يتنحنح
لفت له غرام واستغربت بس ما اهتمت وراحت
شافتها جنى ولحقتها للمطبخ
وقفتها وهي تسألها : انزلي نفس قبل شوي!
غرام : إيش؟
جنى قعدت : بسرعه!
نزلت غرام ووسعت جنى عيونها وهي تقوم من على الارض وتضرب راس غرام بقوه : يا حمااااررررههه!
غرام رفعت حاجب ونزلت حاجب : بدون مده يد
جنى : الله على فهاوتتس وعلى غبائتس اللي مدري متى بتستوعبينه !
غرام : بتتكلمين ولا شلون؟!
جنى : يوم نزلتي تشلين السفره صدرتس بين عشان كذا فهد تنحنح وغض بصره عنتس!!
حطت غرام يدها على فمها : يويلييييييي! غبيه انا غبيييه شلون راح اقابله!
جنى : مو لازم ، المهم جدي يقول راح نروح المزرعه نقعد فيها كم يوم وبعدها مدري والله بس انه يقول من بكره نروح
غرام : تمام
جنى : وش رايتس نروح نقوم البنات بالماي؟
راحوا البنات فوق وهم مأخذين غراش ماي بااارده
جنى اشرت بيدها 123 وفتحوا الغطاء ورموها عليهم
قاموا البنات وهم يصارخون بخوف
فطسوا ضحك جنى وغرام على اشكالهم
شافوا ان البنات قاموا يبون يضربونهم
الا نوره اللي راحت الحمام تبدل ملابسها عشان تصفقهم
هجوا جنى وغرام برا وهم يقهرون البنات
راحوا وهم يقعدون عند جدانهم
الجد مطلق : وش ذا الصراخ شفيكم؟
غرام بتعب : ابد والله يا جدي رحنا انا وجنى نقوم البنات ولعلنا تحمسنا وكبينا مويه عليهم
ضحكوا الجدان من ضحكه جنى واستحت جنى لأنها ضحكت ضحكه غبيه
ناظر فهد غرام وابتسم من ابتسامتها
فزوا البنات وهم يشوفون منيره تركض لهم بالشبشب
الجد مطلق شاف غرام تجي وراه  : نخيتك يا جدي انا ف وجهك!
نوره : جدي تكفى بضربها!
غرام مثلت البكي،انصدمت نوره  وكذلك  فهد اللي وسع عيونه من بكاها وعرف
انها دلوعه أبوها صدددقق وما ينكر انه حب دلعها وحبها اكثر من نطقت بـ : مطلقققق!
الجد مطلق : انتي بوجهي يبنيتي ويلا انتي توكلي
نوره سوت كذا على دقنها(🤌🏻) : معليه معليه الوعد في المزرعه
الجد مطلق : اي مزرعه؟
الجد احمد : أنا قلت لهم إننا بنروح المزرعه بكره
الجد مطلق :انشاءالله خير

جا وقت المغرب
جهزوا البنات أغراض للمزرعه وكلها شتويه
غرام : بنات متحححمممسسه منزمان عن صقّار !
جنى : مين هاذا؟
غرام : بتعرفونه بعدين اححبببه يارب يكون موجود هناك!
جود : شخص؟
غرام : قلت بتعرفون هناك
نوره دخلت عليهم وهي رافعه نص جلابيتها : ايا الجحوديه ترا ما نسييييت!
قاموا البنات معها وهم يلحقون غرام
ضحكت جنى بصوت عالي وكلهم لفوا عليها : يماااااه!
وهجت هي وغرام حول البيت كامل
غرام : تكفين منور عشاني آخر مره نسويها بليز!
نوره : كلي تبن معليه والله إذا ما قومتتس من عز نومتس ما أكون نوره حفيده مطلق!
لفت نوره وهي تروح وقامت غرام تسوي حركات بيدها من ورا نوره
ضحكت جنى ولفت نوره ناظرتهم من فوق لتحت وشمقت وهي تتجه لفراشها عشان تنام
راحوا البنات كلهم ينامون معدى جنى وغرام اللي ما جاهم نوم وهم خايفين من نوره لا ينامون وترش عليهم ماي ، طلعوا جنى وغرام للحوش وهم يشوفون تساقط المطر وقعدوا على الجلسه المفتوحه والمطر يتساقط عليهم
شغلت جنى شيله ( على الموعد اللي بيننا)
وبدوا يغنون

على الموعد اللي بيننا جيتلك ملهووف

أسابق عقارب ساعتك قبل موعدنا!

وانا داري ان قلبك! ...على شوفتي مشغووف

لو انه يجور الوقت فينا ويتعبنا

تحديت جار الوقت ...يا ضامر السرجوووف

لو انه اللقى شح الزمن به وعاندنا!

قاعدين تحت المطر ومبللين بجلابياتهم ولا يدرون على الانظار اللي عليهم
وخصيصاً على غرام
اي نعم فهد وعبدالرحمن
كانوا رايحين البيت ينامون فيه
بس صدمتهم من منظرهم (الجميل)هذا!
ومع اصواتهم العذبه اللي لو سمعها اجنبي قلب عربي
وقفوا الشيله ووقفوا وهم يحضنون بعض
غرام بكت وانصدمت جنى : يمه شفيتس!
غرام رجعت تحضنها : مدري مزاجي متقلب ذي اليومين
جنى : خل ندخل داخل قبل لا تبردين يلا
غرام : روحي انتي الغرفه وانا بشرب لي ماي واجي لأني حيل عطشانه!
جنى : تمام انتظرتس فوق ها!
ابتسمت غرام : تمام
وراحت جنى فوق وغرام متوجهه للمطبخ
وعبدالرحمن راح لغرفته وفهد لحّق غرام للمطبخ
دخل وسكر الباب وراه وسمعت الصوت غرام ولفت عليه وشرقت بالماي
ابتسم فهد وضرب ظهرها
غرام : وجع مو محرم لك عشان تشوفني!
فهد قرب منها : بتصيرين!
غرام ابتسمت على جنب : أموت بالثقه اللي بمحلها! يا حبيبي احلم آخذك مستحيل اخذ واحد عسكري!
فهد : لواء لو سمحتي
غرام : أكذبها على غيري بس
فهد مسك خصرها
اما غرام وسعت عيونها وعطته كف وهجت
فهد : مردوده بالأيام!
وطلع فوق للغرفه عبدالرحمن ينام

صباح اليوم الثاني*
قام فهد الساعه 6 يوم الجمعه
تافف وهو يتذكر خطبته لها وزواجه اللي مخطط انه ما يسوي زواج اصلاً!
قام ودخل الحمام( الله يكرمكم) وبعد لحضات طلع وهو يلبس ثوبه الكحلي  ومعشوقه
تعطر  وراح ينزل تحت ويخرج من البيت بكبره ويروح المجلس ينتظر عبدالرحمن يقوم
قعد على جواله ودخل حسابه انستا يفرفر فيه وطلع له حساب من جهات الاتصال
دخله وعرف انه حساب غرام لأنها مصوره عبدالرحمن
ضافها وسكر جواله من شاف عبدالرحمن يتقدم له وهو يفرك عيونه
عبدالرحمن : يالله صباح خيييير!
ابتسم فهد :......

الدعم رجعووووهه😔!!

رايكم في البارت؟
احبكككمممم