الاخيره
ندى : العروس بنت عمي ..واخذت الكيس وتركه لها بعدما عرف من هي
فارس : وانا فارس ..توصيل طلبات عرايس
لتضحك على خفة دمه وتدخل الكوافير
.._________
دلال : يعني ننزل وحدي م السياره؟
هاتي نكلمه نا هارون القرد
حواء : ننزل طول من سيارته
دلال : حقيرة
ندى : انت كم مره سبيتها اليوم
دلال :لانها تستاهل
حواء تضحك : توتر توتر ساهل
..
_________
دلال بصرخه والبنت اللي تحط لها طلاء اظافر انفجعت
دلال : كيف
مجدي : توا من جدك نخش على صبايا
دلال : مش طالعتلك وعدي ملح
سكرت عليه ولقى رقمها مقفل
فارس : والله قولة ليش ما تخش عليك أدب نزل عليك متأخر
كان يضحك تقريبا تعاركو عشر مرات اليوم ..
_________
مها تجلس بصعوبه : انتي افرديها ما قريب ركبت لك هنا
دلال : قال ما يبي يخش
مها رفعت حاجبها في سخريه : يقدر ؟
دلال : قرد
مها : استغفر الله انا نازله
دلال : دزيلي مهجه
..
مهجة : اطمني توا يخش سألت خالد توا قال قاعد برا
دلال تنهدت : فجعني وحق ربي برستيجي خفت يطيح
مهجة : نعلي ههههه..
مهجة تراقب نهى وامها ماشيات لباب القاعه
مهجة : نعدي نلبس عبايتي
دلال : حواء الحقيرة شفتيها
مهجة : حواء ترتعد من راجلها بس نا راجلي موصيني عليك ههههه..
حواء تشير ل دلال بس كشرت في وجهها
..
هارون يهدرز مع خميس
وصله مسج
حياة الروح /الله يسامحك>
انفجع وطلع يحكي معاها
كانت ماسكه روحها تبي تبكي
هارون : ويا كنك ؟
حواء : كله منك
هارون : شن هو؟
حواء : دلال مكشرة في وجهي
هارون : مشيتي معاها الكوافير عليش زعلانه
حواء : منك قتلي ما تركبي المسرح وهي في فرحي ما خلتني بروحي ..باي..
هارون : الصبايا هذين يعني هي بعد كانت بنت هي حره
توا مدام ..
خميس : وشن يبي يصير لها في المسرح
هارون : شي وحده تصورها او تمشي ترقص لاااا ممنوع
خميس : عنجد التفكير المحصور هههههه
وقفت.. ومهجة وشيماء وندى قربها
نزلت مهجة الطرحه ..
و دلال غابت عن العالم لعند شافت الحذاء اللي كان ذوقها
مجدي: ماشاء الله ماشاء الله
وقبل خدها قبلة طويلة سمح كحة نهى ابتعد على مضض
لف يده على خصرها
نهى : مش هكي امسك يدها
مجدي يراقب كتف دلال العاري : انزلي تحت انت خلاص
نهى : امر متوقع
مهجة تهمس : نمشي انا مترس الراجل
سمعت شتيمه من دلال وهربت
نزلت ندى وبقيت شيماء
مجدي : ارفعي وجهك
دلال : تؤ...وسع شوية
مجدي : تؤ
مهجه : فعلا طويل العربس
مها : لا حتى هي قصيرة
مهجة : محلاهم وخلاص
مها : تضحك زعمه شن يقول لها
مهجة : عليك سخافه انتي مالك
..
مجدي : وين المستكه
دلال : قاعده بس بعد خشيت انت زمطتها
مجدي : حتى انت جهزي روحك نبي نزمطك
ضحكت وامها وعمتها يراقبن
