الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 318💀
فاتي:[مسحات دمعتها النازلة]البارح شفت نزار واحد اخور غير لي عرفت هادي سنوات...شفت واحد ما عمرني شفتو أ ماما...جا خذاني بزز مني أ ماما...خذاني من وسط الدار و جرني...[نزلو دموعها من جديد]ركبني فالطموبيل و زاد بيا...كان..كان باغي يتملكني بزز و لكن تخيلي أ ماما باش حسيت فديك اللحظة..[ضحكات باستهزاء]حسيت لأول مرة بالخوف منو...اه بالخوف لي خلاني نلوح راسي من الطموبيل و هربت منو...
نسرين وضعات يديها على فمها و دمعو عينيها...ݣاع هادشي وقع لبنتها و هي غايبة ما دارياش بيها...لهاد الدرجة تهاونات و فشلات فدوها كأم تحمي بنتها لي كانو غاينهشوها الذياب...
جراتها لحضنها معنقاها كاتبكي و فاتي لا أقل منها...داكشي لي عاشت للبارح ماشي ساهل...و الخوف دبا سكنها لا يرجع ثاني و هادشي حاسة بيه و عارفة غايرجع ياخدها بزز..يمكن لهادشي حسات بساريتا و حسات بعذرها حتى هربات من دراغون ليلة عرسهم...
بعدات على ماماها و مسحات ليها دموعها قايلة بحزم...
فاتي:ما تبكيش أ ماما ما تبكيش...ما نقدرو نديرو والو...نتي عارفة يدهم واصلة للمخزن...[طلعات النفس و نزلاتو]و لكن ما غانخليهش يوصل لي باغي...
نسرين:[بعدم فهم]اشنو كاتقصدي؟..
فاتي:كانقصد أ ماما بلي خاصني نتزوج بخطيبي قبل ما يمشي لبرا..أنا ما حتاجاش ندير عرس بقدر ما باغا الراحة ليكم و ليا...الى خويت هاد البلاد بلا ما يعرف غايكون حسن...
نسرين:و لكن نتي ا بنتي ياك قلتي ما..
فاتي :[قاطعاتها بجدية]قلبي لي كان متحكم فيا فاللول و دبا خدمت عقلي...غانختار مصلاحتي على سعادتي...
نسرين بتاسمات بحنان و أخيرا فاقت و عرفات مصلاحتها...هادشي فرحها و خلاها ترتاح على بنتها...
الليل
كانت ساريتا متكية على الفوتوي بعد ما طبخات راس دراغون بالسرير لي طلع ليها فالراس و هي كل مرة متكية عليه...بجنبها سميحة كاتربت على شعرها بحنان...
سميحة:ما عرفت يا بنتي كيف ندير نشكرك...
ساريتا:[شدات يدها الثانية و باستها بابتسامة]نتوما راكم عائلتي الثانية...و نتي فمقام الأم ديالي ندابزو و نتخاصمو و لكن عمرني نخليكم للهلاك و نمشي...
سميحة:[ما عرفات ما تقول ليها و شحال عززات عليها]و لكن داكشي كبير لي درتيه على ودي...نتي غامرتي راسك و بالپيپي..و هادشي ماشي أي واحد كايديرو...
ساريتا:[حركات راسها بلا]غانتقلق منك...ياك أنا وحدة منكم...همم؟...يعني من واجبي نحمي عائلتي...كون شفتي أرغد غاتضربو طموبيل كنتي غاتربعي يديك أكيد لا...يعني بلا ما تشكريني و تحسسيني غريبة عليكم...[تنهدات بحزن ظهر على ملاميحها]لي كاتهمني راحتكم و راحة راجلي هاديك هي الراحة عندي...و غانزيد نرتاح كثر ملي يسامحني على لي درت فالماضي واخا صعيب...
سميحة:[حسات بيها حزينة واخا كاتحاول ما كاتبينش]هادشي علاش كانشوفك ديما مهمومة و ساهية أ بنتي...الله يا ربي شحال هازة فخاطرك و مخبية و انا نسحاب سامحك من زمان لي عرف بيه بلي حاملة...
ساريتا:[رفعات كتافها ببسمة حزينة]غانصبر ما عندي ما ندير أ خالتي سميحة...واخا قاصحة عليا نشوف راسي من ورى شهور غانولي أم و راجلي باقي ما مسامحني غانصبر و نرجع لقلبي...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
